انا الطوييلة وزوجي القصير والتعليقات

حبيبتي اهي ما كتبت المشكله عشان اهي مطلعه عيب في زوجها او اهي شايفته عيب بس اهي مضايقها تعليقات الناس اللي ما تخلي احد في حاله ولو كنتي مكانها اكييد بتحسيين بالضيق اللي داخلها حطي روحج في الموقف قبل لا تحكميين علييها...

اما بالنسبه لج حبيبتي انا جدا حاسه فييج لاني انا طولي عادي كبنت بس اميل للقصر اكثر رغم انه وايد بنات بنفس طولي بس اللي اطول مني دوم يضايقون في المدرسه انه قصيره وساعات يربطون اشياء اني ما اقدر اسويها لاني قصيره رغم انه ماله علاقه مثل بعض التماريين الرياضيه والنتيجه اني كنت اقهرهم بعلاماتي واييب احسن العلامات وادي التماريين بشكل احسن من اي وحده طويله وعندي بنت خال طويله ماشاء الله وبنفس عمري يعني انا طولي 150 سم واهي طولها يمكن 175 سم ونفس المشكله كل يوم ترجع تصييح على تعليقاتهم على طولها يعني معناته الناس مو عاجبهم لا طويل ولا قصير والمضحك انه بعض اللي يتطنزون على طولي مثلا طولهم 152 سم يعني غارهم هال2 سانتي الزياده عني ههههههههه فكرو روحهم ناطحات سحاب..
وبالنسبه لوضعج مع زوجج كل واحد يتكلم سكتييه نفس ما انا قمت اسوي قمت اقولهم اصلا البنت القصيره تبين انوثتها ودلعها وتقدر تلبس اي طول كعب على راحتها انتي بعد قهريهم شوفي الاميره ديانا وريلها تشارلز شوفي فرق الطول شوفي توم كروز وطليقته نيكول شوفي الملكه رانيا وريلها شوفي اللي مشاهيير وملوك ومتزوجيين ومرتاحيين وانا نفسهم احب زوجي ومتفاهميين انتو شنو قاهركم يعني حريهم بالكلام صدقوني عقب بيتفشلون وبيكستون عن تجربه ولو شخص جريب منج وتحسينه بيتفهم قولي له انا الكلام عن هالموضوع يضايقني وبعديين ولدي ياهل انتو ما ترضون اعلق على عيالكم واعقدهم انا بعد ما ارضى على ولدي والله لو قلتي لهم جذي مره وبلهجه حازمه راح يتفشلون وما بعيدونها مره 2

وهمسه في انذج حبيبتي ما علييج من احد اهم شي مرتاحه معاه ووقفو هالتعليقات عن حدها من اللحين عشان ما تاثر على علاقتكم وعلى نفسيه عيالكم والله يوفقكم ويخلييكم لبعض يارب