ارجو ما تبخلوا علي بآرائكم

السلام عليكم بنات عروس ...
عمري 28 سنة ومن سنين والخطاب يروحوا ولا يرجعوا والحمد لله على كل حال ... اتقدم لي شاب عربي من غير جنسيتي خلوق والكل يشكر فيه .. أهلي رافضين جملة وتفصيلا بحجة اني لا بايرة ولا عنست مشان أوافق اتزوج حدا من غير جنسيتي .. حاولت أقنعهم أنهم عالأقل يسألوا عنو مع العلم والله الشاهد اني ما بعرفوا بل تقدم عن طريق زميلتي بالشغل ..مع العلم بأن الي اخت متزوجة شاب من هالجنسية والحمد لله حياتهم مرتاحين فيها والله يهنيهم ..
اخواتي انا بطبعي عقلانية ... وناقشت الوالدة بدل المرة ألف ان اصابع يدك مو متل بعض وان اكرمكم عند الله اتقاكم .. ورسولنا (عليه الصلاة والسلام) قال : اذا اتاكم من ترضون دينه وخلقه ... وهي ابدا عندها مبدا اللي يفوتها قطار الزواج هي اللي رح توافق تتزوج من غير جنسية ... متمسكة بموقف واحدة من معارفنا انها تزوجت شخص من هالجنسية وتطلقت بعد فترة بسيطة .. تعرفوا السبب؟ لأنو اهلها ما سألو عنو مزبوط .. الوالدة بتعلق عهالقصة كل احتمالات فشل هالزيجة ...
اخواتي الواحدة منا بتكبر واعتقد من حق كل واحدة منا يكون الها زوج وبيت وعيلة .. واذا ابن حلال ومن جنسية عربية ليش لا؟؟؟


احتاج أسمع لردودكم .. والله يا خواتي ما لجأت الا لربي والكم اتمنى ما تبخلو علي بنصايحكم