السلام عليكم ورحمة الله وبركاته
اشحالكم حبوبات عساكم ابخير وسهاله إن شاء الله ..
صار لي كم يوم ابغي احدر المنتدى واكتب لكم احداث ولادتي بس يعطيني مغلق للصيانه :ss: ..
المهم بغيت اخبركم قصة ولادتي ابصراحه أنا قالولي بربي قيصري لأنه راس الياهل فوق بس
عمتي أم زوجي قالت لي لا تستعيلين انتظري سبحان الله يمكن يتغير شي قلت زين شو خسرانه بنتظر لين نهاية التاسع وأنا مافيني صبر ابصراحه ابغي اربي :tongue: ..
كانوا عاطيني تاريخ28/2 أو 1/3 اربي .. تاريخ 28/2 رحت المستشفى عسب اطمن كل شي
أوكي ولا .. قالت لي الدكتوره بعده الراس فوق سألتني اتحسين بآلام قلت لها لا مافي شي
قالت أنتي باجر آخر يوم في التاسع وقلت لج لازم عمليه بس عادي بننتظر لين تاريخ 9/3 إذا ما
حسيتي بشي بنسوي لج عمليه ابصراحه خفت يعني اطوف التاسع بتسع أيام وكل يوم يقل
ماي الياهل مب زين المهم رحت البيت بالليل حسيت بآلام كل خمس دقايق يروح ويرجع الآلم
مثل آلام الدوره الشهريه ماقدرت انام وتعبانه ابغي انام من خف الألم أشويه نمت خخخ ..
ثاني يوم وأنتوا بكرامه رحت الحمام وكانت الساعه 12 وشي يعني اذن الظهر وانا بالحمام صب
عليه الماي مره وحده مب اشوي اشوي هذا معناته إن الراس بعده فوق بس صب ماي واااااايد
لدرجة إن حجم بطني خف واااااايد أحس إني مب حامل أقول في خاطري وين الياهل وشو
حجمه .. رحت المستشفى أنا وعمتي ام زوجي وزوجي .. الدكتوره شافت مفتوح عندي 3
ونص وقالت عمليه بس حسبي الله عليها حطت صبعها واتعبثت لين صب الدم وربي من سرير
لسرير كله دم وهي السبب .. رحت غرفة العمليات وسوولي بنج بس مب كامل نص جسمي
من نهاية ظهري لين اريولي البنج بس أما جسمي من فوق عادي حاسه فيه وحطولي جهاز
الضغط مع تخطيط القلب وبدوا بالعمليه وربي من دخلت غرفة العمليات خفت من شكلها
جديييييييييييييييييمه وفيها سدات كبار مثل ثلاجات الموتى .. بس وربي عالماي اللي صب
كل بالي عالياهل ليصير فيه شي لاقدر الله .. واقول في خاطري الحين شو يسوون وكل اشوي
اقول الحين بيظهر الياهل لين ما سمعت صوووته وربي حسيت بحساس ما اقدر اوصفه من
الوناسه .. وكل ما اذكر هاللحظه تدمع عيني من الفرحه مافكرت كيف بعد البنج بتكون آلام العمليه ..
كل تفكيري فالياهل انه يكون ابخير وبس من سمعت صوته طول الوقت اقول الحمدالله الحمدالله
الحمدالله .. من ظهر الياهل حسيت بصداااع فضييييييييييييييع ولوعه ابغي ارجع مب قادره
اتكلم احس اني مخنووووقه حاطين لي مخده كبيره ما ادري ليش ياني هالصداع الفضيع وليش
هاللوعه والدكتوره مب فاهمه عليه اتشوفني مخنوقه اتحط لي اكسجين وأنا خلاص بموووت
مب قادره أأشر أو اسوي شي لأنهم رابطين إيدي اليسار وحاطين جهاز الضغط واليد اليسرى
حاطين مغذي ولا ما ادري الشوه المهم آخر شي فهمت عليه .. بعد ما ظهر الياهل ونظفوه يابته عند
ويهي على جنب اونه شوفي وربي ما شفت عدل إلا نص الويه يالله يالله قدرت الف راسي
ويهي على جنب اونه شوفي وربي ما شفت عدل إلا نص الويه يالله يالله قدرت الف راسي
عسب اشوف .. بعد العمليه ودوني العنايه 24 ساعه ولا يابوها لي ولا شفتها إلا بعد 24 ساعه
أو اكثر اشوي وقلبي عندها .. هيه نسيت اخبركم يبت بنت الحمدالله .. بعدها بديت اراجع
عندهم لأني خسرت دم وااايد .. يحطون لي دباب هالحديد مثل المغذي والشي اللي قهرني
إن بنتي فديتها لو اتشوفون ايدها واريوها كيف مقطعات اتقولون حد مشرمخنها بأظافره ولا
مصلخنها بأمواس وربي اتعور القلب اتحسبت الله فيهم لين ما قلت بس اونه هذا عادي شو
عادي كل من شاف ايدها ولا اريولها يقول شو هذا من شو وكلهم مستغربين .. ولا بعدهم
مسوين لي الكبس من داخل ومن برع خياطه بس .. يعني ما يبين إن في عمليه وبعد كم يوم
من العمليه اتبطلت الخياطه اشوي بدا يقطر منها دم على ماي شي غريب رحت على طول
المستشفى اونه بينظفون لي وهم ينظفون يضغطون لين ما اتبطلت الخياطه ازياده حسبي
الله عليهم وامس ردوا خاطولي مره ثانيه وربي احس ما اتهنيت ببنتي كل يوم رايحه وراده من
المستشفى بعدني بروح بعد فتره عشان يبطلون الخياطه اونه تعالي بعد اسبوع والخياطه
المفروض تتبطل بعد 10 ايام أقل شي احس إنهم ما يعرفون شي والله هذا من غير يوم اتعبثت
الدكتوره من تحت خاطت لي يعني من غير خياطة العمليه خياطه تحت بعد ..
السمووووووحه طولت عليكم أدري بس بغيت أخبركم بالتفصيل خخخ ..
السمووووووحه طولت عليكم أدري بس بغيت أخبركم بالتفصيل خخخ ..
المهم الحمدالله على كل حال ودام ربي كاتب لي هالشي أكيد خيره ..
ربي يهون ويسهل على كل الحوامل إن شاء الله ..
ويرزق كل محرومه ويطعمها الذريه إن شاء الله ..
فمان الله