زواجي قريب وماجهزت شي

اهلين أختي ..
الله يعينك ولازم تبدين من بكره بالتجهيز ..
أول شي لازم تروحين تشوفين القاعات وتختارين الي يعجبك وحسب الميزانيه الي انتي حاطتها .
ثاني شي لازم تدورين على فستان العرس شوفي موديلات من النت .
واذا عجبك موديل خذيه وفصليه عند ناس تثقين فيهم .
واذا بالك موديل روحي فصليه بس طلعيه قبل العرس بشهر علشان يمديك اذا ماضبط او ماعجبك الا يمديك تشترين جاهز .

ثالث شي حطيلك جدول كل يومين تروحين وتخلصين شي مثل ملابس البيت خلصيهم في يومين وهكذا..

وبعدين فساتين السهره ابدي فيهم قبل اي شي علشانهم اصعب شي ..

وتأني في الاختيار

رابع شي اذا خلصتي الملابس كلها ابدي بال جزم الله يكرمك والشنط والاكسسوارات علشان الوان ملابسك.

خامس شي ابدي بقمصان النوم ومرفقاتها والملابس الداخليه هذي راح تخلصينها بسهوله وبسرعه..

وخلال فترة السوق فكري وأحجزي علشان الكوشه وعشان ترتيب القاعه.

اخر شي دوري على المشاغل وسوي بروفات غلشان الشعر والمكياج واشتري المكياج والعطورات..

اتمنى انك تستفيدين وبالتوفيق..

الله يكون بالعون خيتي والله حاسة لان اني يوم زواجي كنت مضغوطة لدرجة ان شقتي جهزت بس في اسبوع و كل شي ورا بعض

راح اكتب لج الي تحتاجينه و ان شاء الله اقدر افيدج بالاسعار

الصالة

عندج شهرزاد 380 بدون الدي جي

الانوار 200 او 250 اعتقد

قصر المرجان 500 بالدي جي

مصلى العيد 350

الدانة 500

البركة 280

الريان يمكن في حدود 700

اما بالنسبة الى طخة مرمريز فهي

مرمريز 1 و 2

و الجميرا

و زينة الافراح

طبعا اسعارهم تتفاوت على حسب القائمة المطلوبة للاكل

الحين نجي الى الاشياء الشخصية

قسمي مهرج على اجزاء

مثلا انا حطيت الى الثياب 100 دينار و للعم مهري كان 800 بس ابوي ما قصر ويايي

و 50 للمكياج طبعا اخذت الاساسيات ماركة اما الشدو فأخذت عادي الي يجبون كذا لون بعلبة وحدة

العطر اخذي عطرين ماركة من الحواج و الباقي من جنيد عطوراته لوة و باردة تصلح لعروس بالاخص الروايح العربية تكون احلى ع العروس

مثلا اخذي 212 او اسكادا الجديدة او روك اد روز و من جنيد عندج سهية و نواعم و قيم عطر جامد و فنن و داليا و سرور و رغبة روحي شوفي الي يعجبج

و الفستان فصلته في السعودية بس في البحرين في محل اسمه جمة العرايس في سوقواقف يفصل و ارخص من السعودية و اضبط بعد و على حسب الي تبينه تقدرين تفصليه على الي تبيه بس يكون للمحل فاهمة علي يعني حطي لج 250 للفستان

اقمصة النوم انصحج ب ماكس و ديسكفري و اذا تبين الى اول ليلة روحي كارت بلانس يعني يبي لج تقريبا 70 دينار

الباقة طبعا مزاهير احسن شي من 20 الى 50

التصوير في عروض في القاعات اذا ما تبين العروض عندج عروض صحاري 30 صورة 60 دينار
40 صورة 80 دينار

الصالونات للشعر

عندج سلوى اعطيها 2 من 5 50 دينار للشعر

رونق للشعر 5 من 5 على حسب الاضافات

العفراء 1من 5 40 دينار

اشرقت 3 من 5 50 دينار

المكياج

عايشة الريس 5 من 5 70 دينار

فاطمة بهبهاني 3 من5 60 دينار

نورة الكعبي صالون اشرقت 3 من 5 60 دينار

العفراء 1 من 5 50 اعتقد

عايشة لبلوشي 1 من 5 75 دينار

فاطمة اللبنانية 2 من 5 70 اتوقع

فاطمة شوطير 3 من 5 60

ابتسام السويدي 2 من 60 5

صفاء 2 من 5 50

و ان اشاء الله اكون افدتج

الله يوفقج و يتمم لج على خير ..

للاسف ماعندي معلومات لللحين ما تزوجت .. بس ما حبيت اطلع بدون ما ارد ..

دام العرس في شهر 7 جهزي شقتش الحين و بدأي احجزي الصاله و الصالون .. و التشري لاحقه كل شهر اخدي لش شوي ..

ليش العريس ما يجهز شيء ؟؟؟؟؟؟؟؟؟؟

أنا حببتي رايي تمشيين على خطة عروسة أمها لأنها مناسبة كثيير
إنشاء الله بتخلصصين بسرعة
أما عندي نصائح لج ممكن تفيدج :
1- خلي أحد إساعدك من أهلك و تكونين وثاقة بذوقة يعني ممكن اختك أو صديقتك أو بنت خالك يعني انتي واللي ترتاحيين له .
2- روحي سوق كبير ممكن تخلصين منه كم غرض مثلا :
1- بوكوارة : العطور ، إكسسوارات ، جلابيات ، عبايات
2-سوق الرفاع الشرقي : عطور ، إكسسوارات ، بلادت ،عبايات ، جلابيات ، مفارش ، بدلات ، خلق إذا بتخيطين شي
3- مجمع السيف : طبعا البدلات عندج محلات وايد اعتقد إذا رحتي يوم ممكن تخلصيين ، عطور كثير حلوة (تلقين على ذوقك ) ، مجموعات كبيرة من الإكسسوارات ، أحذية وانتي بكرامة ، شنط ،فساتين
4- الستي سنتر : أنصحج أنج تروحيين هنالك لأن صراحة في كل ما تشتهيه النفس أنا خلصت اللي أبيه اهناك لان في محلات فريدة ،عنده شنط كثير حلوة ، بدلات ، أثاث و أطقم ، فساتين ، جلابيات ، عبايات ، عطور ، مكياج ،.........................
5- ايضا طبعا موجود أماكن وايد بس ما حبيييت أطول علييج .

3-في اي حجز لا تتسرعي وجوفي القاعات حسب ميزانيتج وتأكدي من كل شيء وخلي أحد بعد معالك يساعدك
4- خلي دائما معك دفتر خاص اشترييية و اكتبي لسته الأشياء اللي لازم تشترينها مثلا :
1- عطور
2- مكياج
3- بدلات للطلعة
4- ملابس البيت
.........................................
وخلي قيم من الدفتر للحجوازات فقط يعني تكتبين فيه :
1- حجز شنو ( القاعة ، المكياج ،.....)
2- السعر
3- المقدم اللي دفعتيية
4- اللي بتدفعيينة لاحقا
5- تأكيد الحجز

وكل شي سويتيه حطي يمه صح وإنشاء أمورج بتكوون مرتبة

أنا عن الفستان روحي اي برادة أو مكتبية وأنصحج روحة اي برادة 24 ساعة تلقين فيها الللي تبينه من موديلات أو أخذي من النت

(( إذا تبين أي مساعدة في الموديل خبريني و باطرش لج مجموعة كبيرة من الفساتييين اختاري اللي تبين منهم ))

طبعا المنتدى مليان فساتيين دوري وإنشاء الله بتحصليين .
أتمنى أني فدتج
وسامحيني إذا طولت علييج

فديتكم يالغاليات مشكورين وماقصرتوا(g)
الصراحه فزعتكم اسعدتني وافكاركم كلكم ماشاءالله مفيده ومنظمه
انا من امس وانا احاتي لاني مشغوله اشتغل دوامين وادرس ماده مسائي وعندي مشروع تخرج :ss:

وماعندي وقت حق التجهيزات ابدا فاتفقت مع خطيبي نأجل
العرس الى بعد عيد الفطر عشان يكفي الوقت اكثر اتخرج واتفرغ للتجهيزات لانه تدور الراس ماهقيت الموضوع بهصعوبه
يعطيكم العافيه وماقصرتوا:)(f)(f)

السلام.. خطوبتي بعد بتكون شهر 7 انشاءالله و من الحين قاعده اجهز,,حجزت القاعة بس بعد باقي اشياء واجد.. نصيحة من الحين حركي روحش لان الاماكن شوي شوي قاعدة تصير فل... احسن تكملين من وقت ولا تتوهقين حزت الحزه ... و الله يسهل عليش و على كل العرايس :)