ازاي تعلمي طفلك دخول الحمام بنفسه

مغربية واعتز 12-03-2009 28 رد 2,961 مشاهدة
م
متهيالي كل ام يهمها الامر ده ويشغلها وتتمنى لو تنتهي منه
انا ان شاء الله معاكي خطوة بخطوة عشان ان شاء الله تعرفي تعلميه



بسم الله نبدء



اولا: السن المناسب لتعليم الطفل يبدء من سنه ونص وانتي وشطارتك بس السن ده ان شاء الله مناسب ممكن يتاخر في الاولاد شويه بس لو طولتي عن سنتين هتتعبي اوي


ثانيا : هتحتاجي ايه؟ هتحتاجي تقعدي في البيت حوالي اسبوعين يعني حاولي ترتبي نفسك ان الفتره دي مش هتخرجي الا لو حتروحي لوالدتك ، وكما هتحتاجي غيارات داخليه كتيره شويه بناطيل وغيارات داخليه .


خلاص جهزتي نفسك وناويتي
توكلي على الله


اول حاجه تساعدك في الامر ده الدعاء والاستعانه بالله ثم الدعاء ثم الدعاء
والله بجد مش هتقدري الا اذا اعانك الله


ثاني شيء الصبر اصبري عليه خالص وممنوع الصراخ او الضرب او التعنبف


هتبدئي ان شاء الله من الصباح تخلعي البامبرز وتلبسيه غيار داخلي وبنطالونين او سرواليين عشان لو مقدرش يمسك نفسه يكون البلل في البنطال مش على الارض


هتقعديه على الحمام حوالي كل نصف ساعه في الاسبوع الاول وممكن اقل يعني بنتي كانت بتدخل كل ثلث ساعه لانها بتشرب مياه بكثره جدا فابلتالي بتدخل كتير


حاولي تشجعيه واصبري عليه خالص لان في الاول هيبقى مستغرب الوضع واحنا ياكبار لو سافرنا او ذهبنا لمكان اخر ممكن يتاثر عندنا الامر فما بالك بالطفل


التشجيع بقه قوليله لو عملت في الحمام اعطيك حلوى او شيكولاته
ورددي دايما على مسامعه لما نحب نعمل حمام او بي بي لازم نقول لماما وما تياسيش وتقولي مفيش فايده في انا قلتله كتير وبرده مفيش فايده
لا ء اصبري ولا حظي ان دي عضله لها نمو وبتاخد وقت عشان يقدر يتحكم فيها اديله ثقه في نفسه حتى لو كررها ومقدرش يتحكم في نفسه


هتزيد الفتره بقه في الاسبوع الثاني يعني كل ساعه ومتستنيش لما يطلب منك بس زي ما قلتلك كرري دايما على مسامعه انه يقول وهو في الوقت المناسب هيقولك ان شاء الله


طبعا قبل ما ينام هتلبسيه تاني بس لفتره بس
لانك لما تحسي انه بدء شويه يتعلم طول النهار هنيجي لخلعه عند النوم


هتحاولي تدخليه الحمام قبل النوم مباشره وتلبسيه البامبرز واول ما يقوم من النوم تخلعيه ويدخل الحمام وده هيعطيه ثقه في نفسه لانه ان شاء الله يعمل الصبح
لما تبدئي تلاقي البامبرز جاف ابدئي مرحله خلعه وهو نايم وتاكدي من دخوله قبل النوم واول ما يصحى


لو بتقومي تصلي الفجر حاولي تدخليه بس مش كل الاطفال بيعجبهم كده بنتي التانيه كانت تبكي وترفض تماما ولما تصحى تدخل فشوفي طفلك ايه يريحه وماتنسيش تفرشي شيء على السرير ولو عمل وهو نايم لاتلوميه اصبري عليه وشجعيه


طبعا اذا خلعتيه في طول النهار وفي الليل حاولي متستعمليهوش تاني عشان هيكسل تاني ويرجع يريح نفسه فخلاص لو هتشيليه يبقى خلاص

منقول
م
والله قراتى افكارى انا كنت عايزة استفسر عن الموضوع ده بس المشكله مش فى البول المشكله فى البراز بنتى بعد ما تعمل تيجى تقول وبحاول معاها ومفيش فايده مع ان بنتى الكبيرة اتعودت وهى صغيرة جدا ومش عارفه اعمل ايه
ا
الله يعطيك العافية موضوعك جميل ومهم لكل الامهات
h
تسلميلي علي هذا الموضوع مهم جداً
والله يعطيك العافية
وينولك الي في بالك
م
امين يا رب الله اخاليكم
o
والله بنتى سنتين ونصف ومغلبانى دعواتكم امانه
م
الله يعطيكى العافية مشكورررررررررررة
ز
يعطيك الف عافية
b
om euad;9106635:
والله بنتى سنتين ونصف ومغلبانى دعواتكم امانه


ربنا ييسر ليكى الاحوال يارب

جزاك الله خيرا
B
أذكر الله نفسسسسسسسسس اللي بيعملوا زياااااااااااااااااااااااااااااااااااد الله يسامحه بس واحده واحده حتتعود و ربنا معاكي

عزيزتي تسلمي علي الموضوع
ا
مشكوره من جدااااااا
ا
يعطيك العافيه
ف
موضوع حلو

عن قريب ابدأ مع أحمد

موفقين جميعاً
A
جزاك الله خيرا حبيبتي على الموضوع الرائع والمفيد
ل
انا احس الطفل ومن خلال تجربتي ما يتعلم دخول الحمام اكرمكم الله الا عندما يقارب اتمام 3 سنوات بس طبعا تدربيه من قبل
وهذا من خلال تجربتي
بالتوفيق للجميع وتقبلي مروري والف شكر عالموضوع
ع
انا ولدي عمره سنتين ونص ويدخل الحمام وانتو بكرامه بس للعمله الثانيه اما البول ( اعزكم الله) يعملها في نفسه وتعبت وانا افهمه مافي فايده بعض الاحيان يذكر الحمام للبول ولسه احاول كمان وان شاء الله يفهم
*
مااشاءالله موضوعج مفيد وجا في وقته يعطيج العاافيه حبيبتي
ك
يعطيك الف عافية
مشكوورة جدا بنتي كملت سنتين وشهر وعااوزة اعلمها لانها بقت مابتحبش حفااظه ودايما بتخلعها لكن بتعملها في نفسها على طول مابتقدرش تتحكم بنفسها

وثاني حاجه لو ادخلها حمام بتغلبني نص ساعه مابتعملش حاجه واول مالبسها بامبرز بتعمل


واهم حااجه انا بشتغل صبح فكيف اعلمها بعد ظهر لما برجع مش عايزة خدامه تعلمها بدالي
ب
موضوع حلو
*
مشكورة ويعطيك العافية
X