السلام عليكم و رحمة الله..
حبيباتي عروسات ذويقات المنتدى .. اليوم ولأول مرة اركب اظافر على اظافري و اسوي حركة فيهم يعني بالصبغ و الستريس و كذا ..
و في البداية حبيت أشكر " حنايا قلبك" في موضوعها http://www.3roos.com/forums/t430872.html إلي وايد استفدت منه .. و اكيد جميع مبدعات ركن المكياج الفنانات
اول شي اشتريت من دايسو اظافر تركيب و حبيتهم يكونون بسيطين و لونهم حلو " ابيض لؤلؤي"..
و اشتريت الصمغ بعد ..
و استخدمت هذولي الالوان للنايل بولش..
اللون الشفاف .. و اللون الابيض .. اللون الاحمر .. اللون الوردي فاتح على لحمي تقريباً
و استخدمت هذولي الستريسات على شكل دوائر و قلوب حمرا من " كليرز" كانوا من زمان عندي و حبيت استفيد منهم ..
اول شي سويته ركبت الاظافر .. و كذا طلع شكلهم
حبيتهم وااااااااايد لان اظافري كنت قصتهم من فترة بحكم تخصصي و دراستي و شغلي على اسنان الناس ما ينفع اظافري تكون طووويلة.. و حبيت اجرب تركيب الظفووور و حتى زوجي حييل عجبه فديته
بعدها قصيت الزايد الطويل و خليتهم على الطول إلي ابيه .. و بردتهم عدددددل
عقب بغيت اصبغهم باللون الابيض .. بس عجبني لونه الطبيعي على لؤلؤي فخليته نفسه ..
و بعدين جبت اللون اللحمي و صبغت الطرف الاعلى من الظفر بس ..
لاني امس كنت بطلع و لبسي بيج و ابيض
و كذا صار شكلهم ..
انا حبيتهم يكونون بطريقة عشوائية يعني مو خط مستقيم .. بيطلع شكلهم احلى ممكن انك تحطين لزقة على الظفر إلي ما تبين تلونينه و تلونين الجزء إلي طالع بحيث يكون على شكل مستقيم وهذا ينفع وااااااااايد و احلى على الفرنش مانكير
و بعدين حطيت ستريس على الظفر للاصبع الابهام بس .. ما حبيت يكون تو ماتشش
و عقبها بليل لما رديت حبيت اسوي حركة حلوووة لاظافري و انا مع زوجي و كنت لابسة فستان أحمر بسيط .. فسويت اظافري بهذي الطريقة
لونت بالاحمر على شكل خطين طويلين من جهتين الظفر .. و حطيت ستريس قلب احمر بالنص
و سوري ما امداني اصورهم عقب ما خلصت و ركبتهم تلعوووزت حدي بيدي اليمين لاني ما اعرف اشتغل بيدي اليسار للحين
و حبيت أقولكم نصيحة لما تشيليون الظفر و يبقى بقايا الصمغ .. جبت طاسة صغيرة بلاستيك و عبيتها ماي حار .. و حطيت اصابعي فيها .. و بسررررعه انشال الصمغ بدون ما يلزق و يخرب شكل الاظافر او يجرح
و بس .. بكذا اكون خلصت موضوعي الاول عن الاظافر ..
حبيباتي لا تحرموني من ردودكم الحلوه و انتقادتكم لاني ادري شغله حييل حيييل بسيط و قاعده اتعلم منكم
يا حلوات .. إلي يعجبها موضوعي لا تنسى تقيميني ..
(i)ملاحظة : ما أحلل اي وحدة تنقل الموضوع سواء بذكر المصدر او عدمه .. رجااااءاً لانها صور شخصية (i)