السلام عليكم
سالخيييييييييير
عيل تبون تصيرون باربيّات؟ ههه :tongue:
هالموضوع سميته باربي لوك بس عشان مستخدمه فيه اللون الوردي .. ولا الباربي كل يوم لها لوك و لون وطريقه (x)(6)
anyways .. انشالله يعجبكم ..
الباربي بشرتها وايد Glossy وطبيعيه .. وعشان هالشي انا ماحطيت لا فاونديشن ولا كونسيلر ولا بودره .. والشي اللي ساعد ان الحمدلله بشرتي مافيها عيوب ولا سواد تحت العين ولا شي 
.. بس استخدمت كريم اولاي اللي فيه اضاءه .. وبعدين فالاخير حطيت لمعه
.. بس استخدمت كريم اولاي اللي فيه اضاءه .. وبعدين فالاخير حطيت لمعهالمهم... اول شي حطيت هالمرطب على شفايفي اسمه Popster من ماك .. عشان لو جيت بحط الروج مايكونون ناشفين 
عقبها حطيت eye shadow base من laura mercier ..
نطرته ينشف شوي .. بعدين استخدمت هالثلاث آيشدووز
أول واحد من اليمين اسمه pink freeze نوعه frost يعني مع لمعه .. واللي فالنص Swish بعد frost ... والاخير Passionate نوعه matte يعني مطفي ..
وهاذيلا البرشز اللي استخدمتهم
اول وحده من اليمين من laura mercier اسمها smudge brush
ماك 224
ماك 239
ماك 227
اول شي استعملت آي شدو pink freeze كإضاءه تحت الحاجب بفرشاة ماك 227 بس شي بسيط .. ولآن الفرشاه دبه فاللون راح يطلع شوي خفيف وهاي اللي ابيه ..
بعدين بفرشاة 239 خذت من نفس الآي شدو pink freeze على كامل الجفن المتحرك وطلعته فوق شوي على ال crease ..
فهالخطوه لونه راح يفرق عن لون الاضاءه لان الفرشاه غير .. وبعد لاني حطيت طبقتين منه على الجفن وكل مايزيد تقوى لمعته
وبعدين نفس فرشاة 239 خذت من آي شدو swish وحطيته على الجفن المتحرك بس فالنص .. وحاولت ادمج الجوانب عشان يصير blended ..
استعملت فرشاة 224 مع passionate في اخر الجفن المتحرك وشوي على ال crease وسحبته شوي برى وعلى فوق
بفرشاة laura mercier حطيت على زوايا العين اللي داخل من pink freeze ..
عقبها حطيت من آي لاينر urban decay الاسود .. حطيت خط ضعيف وطلعته شوي برى
وبعدين استعملت احلى رموش من ماك .. رقم 3 .. ماصورتهم لاني نسيت
وعقب حطيت مسكرة too faced عشان تلصق رمووشي الصجيه في رمووشي الكذابيّه :tongue:
والحين جا دووور الروج .. احلى خطوه :wink:
اللون الغامج فوق من ماك girl about town .. واللي تحت من ماك chatter box ..
اول شي حطيت chatter box على كامل شفايفي عادي بدون الفرشاه ..
بس بعدين استعملت girl about town بالفرشاه احدد شفايفي بس اكيد لازم ادمجهم عدل مع chatter box يعني مب يبين التحديد واضح
وبعدييييييييييين جينا حق الشي المهم ..
هال base من ماك اسمه Hush .. احلى شي استعملته حق فيسي الصراحه
يخلي الوجه تصير عليه لمعه بلاستيكيه :P ..
اول شي حطيته بصبعي على عظمة الخد وشوي على خشيمي فالنص
وحطيت عليه اللمعة البيضه بالفرشاه عشان تزيد الاضاءه شوي
وعلى خدودي الدبه استعملت بلشر ماك اسمه Tippy << خوش رجال تيبي (y)
واخر شي احط القلوووس .. من bare minerals اسمه Candi .. بس يعطي لمعه وينفخ الشفايف شوي والحلو فيه ان لمعته تطول وايد عكس قلوسات ماك السخيفه
وهاذي صوره مقاربه للوك كامل ..
ألوان الشدو نفس الشي وخاصه اللي في بداية العين .. بس انا ماستعملت كحل داخل عيني ولا حطيت آي شدوو على الجفن اللي تحت ..
لان الرمووش احسها كفايه
بس اكيد فالاخير كل وحده وذوقها
واللي يعجبها موضوعي تقيمني بليز : $ ..
احبكم
(f) : )
(f) : )
