يوم حنتي مته زوجي يلبسني الدبله؟؟

مبروك حبيبتي اول شي و يارب يتمم لج على خير ..

ليش ما تتحنين الصبح .. و تروحين تتعدلين و العصر او المغرب بالكثير بتكونين خلصتين كل شي .. و شلتي الحنه .. و روحي معاه استيديو صوري .. و بدلو الدبل .. و دخلي بيت ابوج عروس شحلاتج بزفه ..

او حتى اذا طلعتي المغرب من الصالون و شيلي الحنه هناك .. وخلي خطيبج جاهز و دخلو من المغرب بيت ابوج اذا كان كل الاهل بيتواجدون من المغرب حددي لهم وقت مثلا 7و نص او ثمان بتدخلين و دخلو بزفه و صوروا و استانسوا و على 9 مثلا بتجيكم الحنايه تحني اهلج و انتي بهالوقت بتكونين مرتاحه و مستاسه و تضحكين ..

احس تتحنين من وقت احسن و خصوصا على كلامج يوم ثاني السفر .. و اذا تحنيتي في الليل معناتها راح تظلين في بيت ابوج ماراح تروحين شقتج مع زوجج ..


ربي يوفقج و يرزقج الذريه الصالحه ..

هذيان عاشقة;9100803:
ايي سوي لج كورنر فالبيت .. كانه كوشة صغيرة وبسيييطة .. حتى لو يم ستارة فخمة فالبيت تحطين كرسيين وتعلقين عليها ليتات صغيرة .. و تحطين كيكة و بوكيه ورد و عصير .. و قبل ما يجون المعازيم تبدلون الدبل وتصورون وتاخذون كم حركة .. ممكن نفس المصورة اللي بتصور لج الحنة تصوركم .. ولا ما بتجيبين مصورة؟ ترى فيه مصورات يصورون لج كم صورة بس حسب ما تبين واسعارهم مناسبة .. اهم شي توثقين المناسبة <<<<<<<< وحدة تموت فالتصوير ..:o

انا سبق وكتبت لج ردي في موضوع التجهيزات .. واعجبني وايد كلام سمايلي .. معاها حق اذا تحنيتي ما بتروحين شقتج غير انج بتكونين مرتبطة بالحنة وتعبانة من السهر لانج ما بترقدين مرتاحة ..

ليش ما تتحنين قبل بيوم .. ولا الصبح نفس ما قالت لج .. وحفلة الحنة مالتج تصير عزوومة عشى وانتي بكشخة العروس تدخلين على الاهل ويحطون لج زفة .. وعقب يدخل خطيبج ويصور معاج .. وتبدلون الدبل على اغنية حلوة .. وبعدين يطلع وتحطون العشا او الضياافة لو ما بتسوين عشا .. وتجي الحناية وتحني البنات وانتي تسولفين ومرتاحة وكلشي ..

بنت اخوي في زواجها ماكانت تبي حفلة .. بس لبست فستان "فستان عرس اوروبي ناااعم جدا" مع انها كانت مخططة على فستان سهرة بس يكون اوف وايت او بيج او ذهبي وتكشخت وصورت مع زوجها .. ورجعت البيت وكنا عازمين بس الاهل المقربين كلشش شي في حدود20 شخص "عمام وخوال العروس بس" .. ومخصصين لها مكان مرتب وحلو تقعد فيه .. وفي طور ما هي تصور احنا مسوين جو ونغني ونرقص مشغلين ستريو وعشينا المعازيم قبل لانها تاخرت مع ان الخطة كانت اننا نعشيهم ليمن توصل.. يوم جات شغلنا لها زفة و قعدت مع الاهل سلموا عليها وباركو لها .. وصورت بكاميرا عادية .. وعقب زفة سيارات لشقتها.. بصراحة وااجد استانسنا وحسينا اننا في عرس مع انه كلش كلش بسيط ..

ربي يوفقج ويتمم لج بخير ..

مشكووورين يا خواتي والله

الله عوضني فييكم


انا بس باسوي اللي قلتو لي عليه باتحنه قبل الحفله بيوم اريح لي

ويوم الحنه باروح الصالون باتعدل وبنروح الاستيديو انصور وانبدل الدبل اهناك


وبعدين بارجع البيت واقعد مكاني


بس لي رجعت اخليه يدخل معاي؟؟

هلا أختي أول شئ ألف مبروك والله يهنيج ياربي ويسعدج..... طبعا الخوات ماشاء الله عليهم كفو ووفو .... وانا أقول يا اختي مثل ما قالو لج تحني قبل الحنه بيوم فليل عشان ترقدين بالحنه وثاني يوم يصبغ ويصير اشحلوة والصبح روحي الصالون وسوي شعرج وتمكيجي ايكون ان شاء الله على الساعه 7 أو 8 مخلصة وحجزي لج ستديو ايصورونج بالبيت أفضل باقولج ليش حلاتها ايشوفج المعرس في وسط الأهل ويلبسج الدبله جدامهم وأصلا الصور تطلع أحلى اذا وراج مسرح الحنه حتى لو كان بسيط ... يعني الي باقوله لج انج تقعدين على الساعه 8 ونص وانتي مستانسه وسط أهلج وعلى الكوشه واهلج يتحنون مع الحنايه على ما أطق الساعه 9 ونص أو 10 جود الناس تعشو ايدش المعرس ويحب راسج ويلبسج الدبله ويصورونج وتالي تتوكلون وانتو مرتاحين ..... والله يهنيج أختي أدعي لي اني انخطب :D

خلااااص صاااااااار يالغاليه

اييه عليييييييكم والله


صج صج الله عوووضني فيييكم


مشكوووووووووووووووووووووره ميار والله


خلاص راح اسوي هالتخطيط هههه ايه عليكم


ويااارب يااارب الفااال لج ان شاء الله تنخطبيين وتكونين احللىىىى عرووووووووووووس

الله يوفقج اختي ويهنيييييييييييييج

موفقة حبوبة