بجد تعبت قوى قوى قوى

السلام عليكم .........

ازيكم يابنات ؟؟
انا مخنوقه قوى قوى قوى
وبجد والله الحياه ماتستاهل تتعاش ثانيه واحده
كل حاجه وحشه
كل الاحداث بشعه
كل الايام قاسيه
كل يوم استنى اليوم اللى جاى يكون افضل الاقيه بيوصلنى انه اللى جاى ابشع

مش قادره اعيش من غير ماما عايزه امى
حاولت والله اعيش وانسى الذكرى لانى هموت بجد حتى من الذكرى
كأنى كانت معايا ورده ووقت منى ورقه ورقه ........
طيب قولولى ايه حصل يبين انه فى امل؟؟

هتقولولى الشيطان وانى يأسه وده غلط هقولكم انتوا مش متخيلين كم المشاكل اللى انا فيها .....
كل همومهم بيشيلوهالى وحدى
فاكريينى مكان امى وانا مش ماما
فهمتهم كتير انى مش هى ولا هعرف اكون زيها حاولت وفشلت
لانى زيهم محتجالها ........

انا لسه البنوته الصغيره اللى محتاجه حضنها
لسه عايزه احكيلها وافضفض ليها ..........
وحشنى حضنها........

وحشتنى امى
وبجد عايزه انساها لانى تعبانه من ذكراها .........

ونفسى انسى نفسى

ونفسى يرجع يوم من ايام زمان ........

كأنه ربنا كان بيمهدنى للى جاى
اتخطبت كذا مرره وشوفت مشاكل جامده معاهم وفى حياتى وكل ده من غير ذنب ليا فى حاجه لدرجه والله اصحاى كانوا يقولولى انتى جبل ........

طيب ده جزاتى انى مستحمله ؟؟؟
كل يوم اتهد اكتر؟؟
كل يوم اتبهدل اكتر ؟؟
كل يوم انجرح اكتر؟؟
كل يوم اتهان من الدنيا اكتر واكتر؟؟

وكل يوم حرمان اكتر ..........

كل فتره حد يفارقنى اكون بحبه قوى ؟؟؟؟





امى؟؟؟
كانت هى اللى بتهون عليا كل ده وحاميانى
بجد كانت حاميانى من كل حاجه ؟؟

ناس كتيره ظهرت على حقيقتها بعد موتها ...........


عارفين احساس الوحده؟؟
هو اللى عندى بجد وحيده
ووحدى بفكر فى الحلول
ووحدى حاسه انه هيجرالى حاجه من كتر الضغوط
وياريت حد حاسس وواخد باله منى ..........

صعب
صعب تاخدى مكان امك

تتحملى مسؤليه اه ؟؟
لكن فى بيتك .. معاكى جوزك يحضنك اول مايحس انك متدايقه .. ابنك يندهلك ينسيكى الم الكون كله .............

لكن انا !!!!!!!

مسؤليه بابا نفسه عليا وهو مش بيحاول حتى يعوضنى عن ماما بيعاملنى زيها
هى كانت مدلعاه قوى قوى وكان بيدلع عليها جدا جدا برغم فارق السن الكبير
ودلوقتى هو بيدلع عليا انا .......وناسى انى انا اللى محتجاله
وكل اخواتى محتاجين ليه يعوضنا
لا عايزنا احنا دايما اللى ندى ونعوضه ونفكر معاه برغم انه التفكير ده كبير حتى علينا وصعب نرضيه ................. ولما نجيبله حلول يعايب عليها وميقتنعش بيها .......... ويقول سايبينى ومش فالحين غير فى النوم ..........

طيب نعمل ايه ؟؟ بنحاول معاك وانت مش راضى لا كده عاجبين ولا كده عاجبين ؟؟

انا حاسه انى عجزت والله

انتوا مش عارفين الاحداث كلها اللى بمر بيها وتأكدوا مكتبتش ليكم غير بعد مابجد تعبت قوى .......
حتى الشغاله اللى عندنا عشره وبنحبها قوى وبتحبنا كل فتره احس انها ممكن تسيبنا لانها بدأت تتنمرد بعد ماما علشان طبعا كانت بتديها ومش مخلياها محتاجه حاجه لكن هى طمعت اكتر بعد ماما ال يعنى انا مش عارفه حاجه ولما لاقيتنى واخده بالى وبسأل (برغم انى ساعات بكون مش عارفه فعلا وبعمل نفسى فاهمه وعارفه لكن علشان متستهونش بيا)
عارفين شايله الهم فعلا .......كابوووووووووووووووس وفكره الجواز دى خلاااااااااااااااااااااص يأست منها
لما اكلم واحده صاحبتى وتحكيلى عن بنتها او ابنها اقفل معاها وابكى جااااااااااامد لانهم كلهم مخلفين لو شوفت فستان فرح ابكى جاااااااااامد بس غصب عنى بجد قلبى بيوجعنى قوى قوى .........

ولما اقول اتجوز وخلاص اخاف يكون زى اللى فاتوا واخاف اسيب البيت
طيب هيعملوا ايه من بعدى ؟؟ بابا واخواتى الاصغر منى ؟؟؟

لالا مينفعش اسيبهم
وبابا بدأ يتبع اسلوب الفرض فى العرسان حتى لو مش مبسوطه ولا مقتنعه
يعنى انا مش عايزه اتجوز وافرح ؟؟؟
لكن بيكون فعلا مش مناسب ليا ولا برتاحله وبيطلع معايا حق فى احساسى فى الاخر ..........

مهموووووووووووووووووووومه
لا بقيت بخرج ولا بشوف حد ولا عايزه اكلم حد
لا عارفه البس زى زمان ولا اضحك
نفسى اضحك يابنات انا مكنتش كده انا كنت مشهوره بخفه الدم (لكن بوجود ماما)
هتقولولى الحياه مش هتقف بموتها ؟؟؟
لا عندى انا وقفت

ووقفت قوى حاولت ازقها علشان تمشى عاندتنى الدنيا ..............
كل يوم احباط
كل يوم بيبقى اليوم الحلو ذكرى واستحاله يرجع حتى اى يوم تانى حلو صعب يرجع او يجى زيه حلو ..............

الحزن بقى عنوانى

والدموع بقيت ظللى ..........

كأنى زى الانسان المشلول اللى بيسند على حيطه وهو واقف وفجأه الحيطه دى وقعت وهو وقع بعدها ؟؟
انا كده بعد امى

كل يوم لا حبيب
كل يوم لا زوج يداوى جرح موتها او جرح الزمن او اللى فات ؟؟

كل يوم انا بضعف وكل يوم انا بتعب وكل يوم بكبر 20 سنه زياده .............

بقيت بشك فى كل الناس وكل اللى حواليا
مش حابه اشوف بنات ولا عايزه اخرج بشوفهم بفتكر امى اللى كانت مهنيانى زيهم كده واكتر منهم كمان بحنانها ودلعها وحبها ...............

والله والله والله رضاها عنى هو اللى مقوينى كده انا نفسى مستغربه انى لسه ماشيه على رجلى من كتر الصدمات اللى حصلت الفتره اللى فاتت بعد موتها ....................


حتى بابا متوقعه منه يجى فى اى وقت يقول هتجوز لانى عرفت وسمعت ناس بتقوله كده
لسه جرحنا من امى وده بيفكر فى كده .............

وساعتها البيت هيبقى خراااااااااااااااااااااب لا هنحبها ولا هتحبنا ولا هينفع نعيش سوا ولا ينفع حد يجىمكان ماما فى البيت اللى اتغربت سنيييييييييييييين واختارت كل حاجه فيه وحافظت عليه ولا كل حاجه لدرجه حاجات كتيره هى نفسها متهنتش بيها .............


مينفعش ..............






انا تعبانه وبدعى ربنا لو الموت فى راحه ليا ومفيش امل من حياتى انه يودينى لامى على الاقل معاها هتبقى الراحه احسن مااعيش محرومه كده ولا فى حد يطبطب حتى عليا كله يواسينى من بعيد لبعيد ..................


نفسى حد ياخدنى فى حضنه نفسى قوى ..............











نفسى الاقى العوض



نفسى ربنا يرضى عنى بقى .............






دوشتكم آسفه بس كنت هموت من الخنقه .............