لماذا يا اغلى حبيب ؟ تتركين حبيبك وخطيبك او تاخذيه بعيبه

بسم الله الرحمن الرحيم
بنات غاليات ابي رأيكم بموضوع مهم مرررررررررره يخص كل وحده مقبله على الزواج ومتزوجه لو صار معها كيف تتصرف؟؟
للاسف انا كتبت مشكلتي في قسم آخر مالقيت مساعده ولا رد البنات يدخلون يقرون ويطلعون دون مساعده املي في الله ثم فيكم انكم تتجاوبون معي وتساعدوني ارجوووووووووووم
المشكله هي:-
أنا مخطوبه عن حب وأحب خطيبي واااااااااااايد وايد بس صارت معي شغلات كثيره منه تجرحني والسالفه الاخيره اللي صارت معي اثرت بنفسي واااااايد وحازه فيني مررررره
خطيبي لما يكون رايق ياحليله وهذا اللي مخليني متمسكه فيه
لكن لما يكون مشغول ولا عصبي ولا صاير معه اي شي ينعزل عني وما يطيق اتصالاتي ولا سؤالي عنه
تصوروا كم مرات اتصل فيه يطنش ومايرد أو انه يرد ويقول برد بتصل فيكي بعدين ويسكر السماعه ومايتصل ابد
ومرات كثييييره يغلق التلفون بوجهي
ومع ذلك اتركه فتره يهدأ وانا بنفسي اللي ارد له واكلمه وهو ولا كأنه عامل شي ومجرحني ولما اواجهه بغلطه اما انه يبرر تبريرات تافهه او انه يقول ماعملت شي:mad2:
السالفه الاكبر واللي جرحتني مررررررره انه انا قبل اسبوع مرضت وترقدت في المستشفى:pain: واتصلت به نفس اللحظه اللي رحت فيها المستشفى لكن جواله كان مغلق تركته لحد المساء ورسلت له رساله قلت له انا تعباااااانه مره ومرقده في المستشفى ومحتاجه لك لاني واقعه بمشاكل هو يعرفها وعارف ان المشاكل هذه ضاغطه عليا مره
ايش تتوقعون كانت ردة فعله لما رسلت له الرساله:confused::mad:
اكيد بتقولون انه باينشغل باله وبيخاف وبيتصل او بيحضر بنفس اللحظه جري
لكن للاسف مافي اي رد فعل انتظرت بعد ارسالي للرساله 4 ساعات لكن للاسف ماسأل ابدا اتصلت انا فيه بعدها قلت يمكن ماشاف الرساله او صاير شي معاه لكن للاسف اول مااتصلت فيه قال كيف صحتك الان وانتي في المستشفى ولا في البيت شفتوا القهر كيف يعني قرا الرساله وعرف اني مريضه لكن ولا همه ولا اتصل ولا غيره
انا ساعتها انقهرت وقلت له يعني عارف اني مريضه وماسالت قال ادري بس انا مشغول قلت له شكرا ماقصرت وانا بخير الان وسلام
والقهر الاكبر اني من هذاك اليوم الى اليوم يعني اسبوع كامل مااتصل يتطمن ع صحتي رغم اني تعبانه ولا همه وهذه اول مره تحصل بيننا لاننا يوميا نكلم بعض والان اسبوع كامل مااتصلت فيه ماخاف علي ولا قال ايش فيها :mad2::mad2::cry::cry:

بعد مرور عشرة أيام اتصل وقال ليش ماتسألين قلت له اسأل نفسك قال ماعملت شي ايش فيك واجهته لكن للاسف قال مادري ليش انا ماسالت عنك بس يمكن فيه سبب منعني (عذر اقبح من ذنب )
والان رجعنا عادي زي ماكنا لكن دون حل للقهر اللي يسببه لي صار لنا ابوعين رجعنا عادي ولا حاسس انه يجرحني ويتعبني قبل يومين كان هومريض انا جنيت وسالت عليه لكن للاسف عصب وسكر بوجهي السماعه يعني رجعنا لنفس الاسلوب يجرح ويهين دونما يحس او يعتذر طبعه مرررررررره تعبني ماادري ايش اسوي لحتى يتغير ويصير معاملته صحيحه ارجوووكم بنات اشلون اغيره واخليه يتعامل معي صح ويصير مايجرح ومايهين ابدا وشلون يحس يقيمتي واني انسانه وشلون يكون ملهوف ويندم ويعتذر لما يجرحني ارجووووكم ساعدوني ارجووووووووووكم....
بنات مقهوووووووووووووووره واااااااااايد
وقررت اني اتركه خلاص لاني تعبت منه مره ونحن لسى مخطوبين وعلى البر كل هذا التعب كيف بعد الزواج:no::no::no:

اللي مخليني متردده في قراري اني لما اواجهه واقوله خلاص نحن مانفع لبعض واني بسيبك يصيح ويقول لا ارجوكي ويقعد يترجاني ويقول انا احبك والله أحبك وانتي مابتلاقين سعادتك الا معي ويقول انه مايرتاح الا معي وانه مايريد احد غيري بهذه الدنيا:888345:
إذا مالقيته وقت الشده متى بلقاه؟
بنات انا تعبت واحترت ارجوكم اعطوني رايكم اجووووووووووووكم :cry::cry: