تجمع بنات مصر لنظافة البيت

هههههههههههههه ياجامد انت

بوصي انا مليش خبرة بالموضوع دا عشان انا سايبة المهمة دي لمامتي حبيبتي
لكن انا بحب بريل بتاع غسيل الاطباق حلو ومش بينشف الايد ههههههههههههههههههههه

انا والله بحس ان الشقه بتاعتنا بروقها وانضفها بس افكار معنديش خالص
بس اكيد هستفاد منكم تسلمى ياقمر موضوع حلو

حلوه قوى الصور دى يا ورد بتفكرينى بنفسى وانا بنظف البيت هههههههههههههههه


بصى يا سيتى احنا فى بيتنا بنستخدم بصوره اساسيه كلور وديتول وصابون سايل من السرجه مش نوع معين يعنى والخلطه دى بنغسل بيها السيراميك والمطبخ بيبقى فله


بنمسح بقى الارض بميه وكلوركس بتاع التنظيف المنزلى بجد روعه شويه عليه بيخلى الارض تلمع


بالنسبه بقى للبوتجاز عشان عيون البوتجاز ترجع صفرا حبه ميا بصابون مواعين وعليهم ملح ليمون ونقطتين كلور عادى وانقعيهم ساعتين وادعكيهم بسلك تلاقى العيون رجعت جديده


غسيل الحيطان فى حاله ان الحيطه مدهونه بلاستك او لاكيه غير كده الحيطهخ ما بتتغسلش

سفنجه ناعمه او قماشع ناعمه جدا ومعاها فوطه ناعمه او قماشه ناعمه وحبه ميه باريال عادى وامسحى الحيطه بالسفنجه او القماشه وبالقماشه التانيه اللى تكون منديه بميه نظيفه تمسحى مكان السفنجه


خشب المطبخ بقى فى ماده كده مش عارفه اسمها بس النجار كان قايل عليها بيتحط منها على المطبخ وبيدهك بقماشه ناعمه وبيبقى فله

السجاد بنستعمل شامبو سجاد فاست ده بيتحل بميه ويتدعك فى السجاد بفرشه ويتساب ينشف ويتكنس بالمكنشه وحلو جدا وبيحافظ على السجاد

اه معلومه اخيره اللى صابون المواعين بينشف ايدهم سواؤ كان ماركه او سايب انقعى فيه قشر ليمونه طول اليوم يعنى اليمونه ماتقعدش فى الميه اكتر من يوم وانت بتشتغلى

ايه تانى ايه تانى:think:

بصوا ده اللى فاكراه دلوقت لو افتكرت حاجه تانى حرجع اكيد :D:D

انوش وانا برضه بحب برضه بريل ريحته جميله موت موت
بس قولولى ايه احسن منظف بتاع اطباق غير بريل

تسلمي يا ورد علي الموضوع الجامد ده
وانا هكتب الحاجات اللي بستخدمها في التنظيف
انا بستخدم جنرال وهو كويس وريحته حلوه وكمان جت فتره واستخدمت ديتول بس بصراحه ريحته صعبه اوي بيفكرني بلمستشفيات معرفش ليه
المهم بقيت استخدم الكلور بداله علي شويه ميه
وانهارده جبت كلين اب الاخضر للتنظيف المنزلي بس شكله جامد وجبت مستر ماسل لو عايزن اصوره قولولي
بلنسبه للتنضيف باقل جهد
الاطباق تغسيلها في وقتها عشان مش تكسلي
التنضيف بقا من كنس وترويق ده يومي
وقبل ما انام اشيك علي كل حاجه في الاوض واقفل الغاز واقفل باب الشقه بلمفتاح والبلوكونات وكله عشان اصحي ويبقي البيت هادي
كده والواحد ميتنرفزش يعني

اسيل مسكتك يا قمر
بصي اسم ايه بلظبط منظف السجاد لاني للاسف الشديد معنديش اي مكان اغسل فيه السجاد وجوزي دايما بيكسل يوديه المغسله انا عايزه اعرف هو كويس ومش ياثر علي السجاده وازي يتكنس بعد مينشف عايزه كل حاجه بلتفصيل ومنين وبكام

أهلا وسهلا يابناااااات ، ربنا يكرمكم جميعا

أسيل باشا ، ألف شكر عالتقرير المفصل ده ، 100 100
بس هقولك بقى على إكتشااااف رهيب للخشب .. إشتريت حاجه كده من ماىواى قريب إسمه "منظف وملمع للخشب" بس بجد تحفه ، بيخلى الأثاث عندنا يلمع و لا الريحه ... رهيبه يابنتى ..أكتر حاجه effective جبتها من ماى واى .

انا روحت كارففور وكنت بشترى صابون صحون عشان خلص
وجبت منظف اسمه فيبا كان معاه كلور هديا كان سعره رخيص جدا بس مش فاكره طلع وحش مش بيرغى اوى وجبت منظفات صناعت هيبر 1 بس خففه ومش بترغى والدتى بتجيب صابون صحون سائل من واحد بيبع منظفات للبيت وبيرغى وبينظف اوى ومره ماما جبت حاجات الصابون السائل وجبته عملته في البيت وعملت جركنين كبار ملينين صاون بس مش فاكره الحاه اليه جبتها وصنعته بيها بس كانت جيبه زى برفن
كده او حاجه معطره بتتحط عليه وتقريبا حطت فيه جلسرين كان بينعم الايد اوى

ياسلاااام عليكى ياهوبا ، هى ديه النظافه ولا بلاش :D

أيوه يابنااات عايزين أفكااار أكتر فيما يخص أقل مجهود ديه ، لا حسن أنا من إمبارح و أنا بدعك فى الحيطان لحد ما جسمى إتكسر و لا كأنى جايه من الملاهى :D

hoba555;9094060:
اسيل مسكتك يا قمر
بصي اسم ايه بلظبط منظف السجاد لاني للاسف الشديد معنديش اي مكان اغسل فيه السجاد وجوزي دايما بيكسل يوديه المغسله انا عايزه اعرف هو كويس ومش ياثر علي السجاده وازي يتكنس بعد مينشف عايزه كل حاجه بلتفصيل ومنين وبكام

اقفشى براحتك احنا اخوات بلاش ضرب (6):D

اسمه فاست ويتحليه فى ميه وبيقعد كتير الفكره انك بتجينى المقشه او الفرشه وتبليها من الميه المحلوله اللى فيها المنظف وتدعكى السجاد وتشغلى عليه المروحه وبعد ما ينشف خالص تكنسيها بالمكنسه هى دى فكره عمله وطبعا زى اى منظظف سجاد فى الدنيا لازم تجربيه على ححته نونو من السجاده الاول عشان لو لاقيتى لونها بيطلع كده توديها المغسله وخصوصا لو اول مره تتغسل

وهو رخيص مش غالى ب 8 جنيه بس وجايباه من سوبر ماركت جنبى اسمه الهوارى انت روحى اى سوبر ماركت كبير وقوليله عاوزه منظف سجاد وحتلاقيه

Warde;9094088:
أهلا وسهلا يابناااااات ، ربنا يكرمكم جميعا

أسيل باشا ، ألف شكر عالتقرير المفصل ده ، 100 100
بس هقولك بقى على إكتشااااف رهيب للخشب .. إشتريت حاجه كده من ماىواى قريب إسمه "منظف وملمع للخشب" بس بجد تحفه ، بيخلى الأثاث عندنا يلمع و لا الريحه ... رهيبه يابنتى ..أكتر حاجه effective جبتها من ماى واى .

ملمعات الخشب عارفاها كنا بنجيب بليدج زمان دلوقتى بطلنا لان جه على الاخر وما اعرفش ازاى بقع اوضه النوم عندى حبقى اخلى ماما تجرب الملمع ده

انا كمان بستخدم كل انواع الكلور بتع الملابس الملونه محستش انه واو عادي جداااا
كلور الارضيات الاخضر تحفه انا مش بشتغل من غيره الاول كنت بعمل بديتول وبلاج دلوقتي بطت
البوتجاز بعمل بجف روعه روعه
رخام الحمامات والمطبخ ديتول المطابخ روعه بينظف ويعقم وبكون مطمنه ورحته تجنن وبيلمع
ايه تاااااااااااااااني
صبون غسيل مواعين جربت كله واحسن حاجه لوكس ده مستورد بس روعه انتاج سعودي
جربت فيبا والهلال والنجمه ورمبو وكل الانواع ديه شغال ومش بتقول لا وبترغي وادي مش بتنشف منها ولا حاجه

hoba555;9094060:
اسيل مسكتك يا قمر
بصي اسم ايه بلظبط منظف السجاد لاني للاسف الشديد معنديش اي مكان اغسل فيه السجاد وجوزي دايما بيكسل يوديه المغسله انا عايزه اعرف هو كويس ومش ياثر علي السجاده وازي يتكنس بعد مينشف عايزه كل حاجه بلتفصيل ومنين وبكام

انا وديتها االاندري وجات فله وحلوه جدااا كانها جديده وديتها تاني رجعت تترمي في الزباله بوظوها

ميرسي اوي يا اسيل يا قمر

ساره افندي;9094221:
انا وديتها االاندري وجات فله وحلوه جدااا كانها جديده وديتها تاني رجعت تترمي في الزباله بوظوها

ما هو ده اللي مش مطمني ابدا خايفه بيوظوها وماما برده قبل كده وديت السجاد رجعهولها وحش جدا مع انها مغسله سمعتها حلوه

hoba555;9094525:
ميرسي اوي يا اسيل يا قمر
ما هو ده اللي مش مطمني ابدا خايفه بيوظوها وماما برده قبل كده وديت السجاد رجعهولها وحش جدا مع انها مغسله سمعتها حلوه

والله ياهوبا المغسله بردوه اللي عندنا برفكت بتعت الفنادق كمان بس حظوظ والله
ده مره جوزي ود بنطلون جينز لسه جديد وغالي رجع كله منقررررر وباظ بسال اده قالوا مايه نار جات عليه حاجه زفت يعني
تحب انزل ليكم صوره المعطر الجل اللي بقلكم عليه ؟؟؟؟؟

ايون طبعا يلا ارزعي الصوره بسرعه ههههههههههه
بقلك ابقي صوريلي االررخام والمرايا بتاعتكتك لو مفهاش رزاله
بنات قلكم ايه عندي الملايه بتاعت السرير جديده واحتمال انها تنزل لون لما تتغسل قولولي اعما ايه عشان متنزلش لون ولونها يبهت
في ناس قالو خل ومايه بس مش عارفه عايزه اسمع ارائكم

نزليه يا ساره واحنا برضه بنستخدم ديتول وهو حلو اوى
وريحته فعلا عامل زى المستشفيات بس بيطهر
والسجاد انا اوقات بحط شويت مايه دافيه في جردل واحط ديتول
واعمل السجاد لو السجار من النوع اليه بيبقي فيه وبر شويه
وبعمل بفرشت البلط السجاد وبكون بله الفرشه بلمايه اليه فيها الديتول دى بستعملها
للسجاده بتاعت الاوضه بتاعتى انا واختى
وبتبان نضيفه واى وبر او شعر لازق في السجاده بيطلع في فرشه البلاط

والحوض بتاع الحمام والحمام والارضيه طبعا كله سيراميك بحط اريل في شويت مايه دافيه واحط غطا ديول
وبلسلكه ادعك بيبقي بيبرق وحلو وتحسي انه نضيف

وده البخاخ اتنين بخاخ وعليهم الجيل ده هديه هبقا اسال جوزي بكام
الجل لوحده ب15ج

هبقا ارزع كام صوره كده للمنظافات اللي جربتها وطلعت كويسه
هبعتك حاضر ياهوبا

هوبا انا سمعت ان الملايا لو حمرا تتنقع في خل ومايه
دى معلومه كانت حماتى قيلهالى لان اللون الاحمر بينزل
واظاهر ان الخل بيثبت كل حاجه حتى برضه بيتحط في
الحنه عشان يثبت اللون بس اسئلى برضه البنات اليه عندها خبره