عيال زوجي وام زوجي ....

السلام عليكم خواتي ...

خواتي انا متزوجة من زوج مطلق وعنده ولدين ... والحمد الله هم حليوين زوجي حليو وايد وطيب ... وام زوجي بعد ... في بداية زواجي كنت ماخذه ولد زوجي الكبير بو ( 3 ) سنوات معاي وعاش عندي عادي لين ماحملت وتعبت في الحمل بعدين ام زوجي قالت لي خليه عندي لين ماتربين وخذت ولد ولدها لين ماربيت ... بس لانه ساءت ضورفي وزوجي حالياً مايشتغل وماعندي خدامه فما أقدر آخذهم (( عيال زوجي )) لأنه الكبير عمره 4 سنوات والثاني 3 سنوات وولدي عمره سنه ف ماراح أقدر عليهم بروحي وخاصة إني أشتغل وبعدين أنا ساكنه عند أمي حالياً فما أحب أثقل عليهم مسؤليه .. وغير إني كنت أمدخله ولد زوجي الكبير الروضة وطلعوه بحكم إنه ضغير :confused: مع انه ما شاء الله عليه ذكي وكان ايحب ايروح الروضة ...وبصراحه انا مافرق من بينهم وحتى لو باشتري ثياب حق ولدي آخذ لهم ثلاثتهم ... وزوجي وايد يلعب مع ولدي وايطلعه معاه بحكم إنه معاه في البيت بس عياله لانهم مب معاه في البيت وخاصةً أنه بيت أهل زوجي شوي بعدين عن بيتنا فما يتعنى ايمر ياخذ عياله عشان ايطلعهم مثلا إذا بيروح حق مربعه مشوار بسيط او الدكان ياخذ ولدي معاه او مثلا نطلع فليل نتمشى يعني عالساعه ( 12 او 1 ) فما انمر ناخذ عياله ايقول لي مشاوير انروح ناخذهم وبعدين انرجعهم سالفه ..
فمره زوجي أخذ ولدي معاه وراحوا الدكان وشرى لهم ثلاثتهم كافي وجبس وعصاير وراح بيت امه حق عياله وعطاهم امه عصبت وتضايقت وتمت اتقول لي أنه لازم يعدل من بينهم وانه ايعاملهم عدل ووو ... مع أنه يومياً ايروح لهم ويقعد معاهم ويلعب معاهم بس مايقدر اجيبهم البيت بحكم انه بيت امي وغير أنه جاو كم يوم كسروا اغراض امي وزوجي تفشل من امي ..
وغير انه المحكمه حالياً جابره الام اتجوف عياله عن طريق الاسشارات العائليه لازم اتجوفهم وهي ماتبي يعني في الاسبوع بالزور اتروح نص ساعه هي وامها هي ماتقعد معاهم اصلاً بس امها وايد اتحرض اليهال علي وعلى ابوهم .. هم وبحكم انهم صغار مب فاهمين على طول ايوصلون الكلام حق ابوهم بس لاحظت ماقاموا اينادوني ( ماما ) اينادوني بأسمي وحتى معاملتهم معاي تغيرت مادري لش مع إني ألعب معاهم وماأدخل عليهم يدي فاضيه ومن ادخل مادري عن ولدي كله قاعده معاهم بس مادري ليش تغيرو علي وحركاتي كلها مراقبه من ولدة خال زوجي بحكم انه عايش معاهم وهو ايروح وازن على راس ام زوجي بكلام ايبط الجبد وهي الحين ماسكه علينا انه احنا مانعدل ... يعني آخر موقف صار الولد الكبير طاح طيحه هي بسيطه مافيه شي قام ولد خال زوجي وكبر السالفه انه الصبي طاح ومحد مهتم وإنه بيوديه المستشفى هو إذا زوجي ماقام وإنه زوجي مب مهتم ... مع إني إذا امرضوا على طول انوديهم خاص يعني احنا مب عيزانين عن اليهال بس الظروف الحين مب امساعدتنا ...

خواتي آدري طولت عليكم ... بس هالسالفه وايد امضايقتني ومضايقه زوجي ... وحسيت انه حتى لو طلعت في بيت بروحي ماآبي آخذهم بعد بيسون لي مشاكل وانا الحمد الله مرتاحه مع زوجي وماآبي مشاكل ...