حبيت أشاركم بطبخه أحب أسويها بالذات في رمضان
سهلة وخفيفة وغير مكلفه وأهي القطايف بالقشطة والعسل
المقادير ..
قشطة
عسل
قطايف جاهزة تباع بكل البرادات والمخابز
ولوز مكسر أو أي نوع مكسرات وإلي يحبون جوز الهند المبشور
الطريقة ...
* أشتغلي على طول في صحن التقديم
* كل قطعة من القطايف أثنيها من طرف وأضغطي عليها وبتلصق بروحها
* وحشيها ملعقة صغيرة قشطة وحطي فوق القشطة عسل
أو ممكن العكس لو القشطة مو جامدة وايد
ممكن تدهنين سطح القطايف بعدين تخلين القشطة
وبعد العسل رشي الوز المكسر أو لو حبيتين جوز الهند المبشور
أهم شي خليها شوي بالثلاجة قبل لا تقدمينها
وهنا وعافية
