امهات,,تعبت وابي احد يساعدني!!!

الله يعينك حبابه عليها

واني احس كل الجهال نفس حالتها

ومابينتظم نومها الا لين فطمتيها

الله يساعدك حبيبتي والله ما اقدر ادخل وله ارد عليكي

اولا النشاط الزايد ،، حاولي لا تعطيها حلاوه وله كاكو وايد خلال اليوم واصلا مب زين حق اسنانها ،، بس لين الساعه خمس العصر بعد هذا الوقت ما تعطيها ابدا يعني سوي نظام

ولانه السكريات يزيد نشاط الطفل وهو مو ناقص نشاط ،، وحاولي تخلينها تقضي وقت اكبر مع العابها وخصصي لها مكان للعب حتى لو شقتك صغيره خصصي لها كورنر لحالها وخذي لها بيت مال الكور البلاستك وخليها تقضي وقتها هناك في البيت او الكوخ

وبنتي بعد نفس الحال لمه ادخل الحمام كرم الله السامع تقعد يم الباب حتى لو ابوها معاها في الشقه


وعن النوم حبيبتي عوديها تنام على الرضاعه الصناعيه مو على صدك لانه راح يشبعها ويثقلها ويخليها تنام اطول

وسن بنتك الحين زين انها تقعد فترات اطول في النهار يعني تخليها تاخذ ساعتين إلى ثلاث ساعات في الضهر بس وتخليها تقعد من الوقت في الصباح وهذي قيلوله الضهر لازم تاخذها يعني بتحاولين معاه مره مرتين بتتعود

تحياتي اختي واتمنى اني اكون افدتك غاليتي

حبيتي الله يعينج عليها بس احس انك مدلعتها من وهي صغيره كم شهر لان الطفل من اول شهر يبدي يتعود على هلاشياء يعني ماكنتي ابداا تعوفيها وحدها تلعب خاصة فترة من 6 شهور فما فوق يعني تحطيها مع العابها وتلعب وخلص مو كل شويه تشيليها وتلعبين لازم نخصص وقت معين نلعب بيه لكن حاليا تكدرين تتعاملين وياها بهلطريقه يعني سويلها مكان خاص حتى لو صغير تلعب بيه وحطيلها العاب وخليها فيه تبكي تصيح خليها هي شويه وتسكت ولاتبقين يمها وتشوفج وتشوفيها لان يا اما قلبج يحن عليها ومتقاومين يا اما هي تزيد الصياح والبكي فانتي خليها وحدها شويه جربي فترة كم يوم تتعود
وشغلة الدلع طبعا لازم توقفين الجاهل عند حده لان يتمادى بعدين وانتي تتعبين يعني فهمي اهلك وابوها انها متعبتك ولازم تحلين المشكله وبعدين هي اكيد حاليا تتعلم المشي يعني حطيها بمشايتها وخليها تلف بالبيت او يمك وين ما انتي متواجده وحاولي تغنيلها وهي بالمشايه ولا تشيليها خليها تتعود تبقى لوحدها شويه

اما شغلة النوم فهي زين المهم تنام بليل متواصل وعادي كل الاطفال مينامون الظهر الا نادرا وكلهم بس يحوسون ويريدون لعب ولا تلكيه يزن طول النهار انواع اللغوه والكلام بحيث لاتسمعين شي ولا تعرفين تتكلمين

اتمنى اكون افدتك لان ابني بعمر بنتك تقريبا وهذا اللي اتبعه معاه والله يعينك ويعينا تقبلي مروري

عندنا وعندك خير النوم بينتظم بعد الفطام وبتحسيها كبرت لانها مابتترجى المص او الرضاعة ولازم اذا اوتعت تعطيها مااي وتكون شبعانة وبالنسبة للصياح وقت دخول الحمام وانتوا بكرامة لهيها قبل بلعبة او التلفزيون ووقت المطبخ اشغليها بالمواعين الصغار قدر صغير اشتري من الرخيص وملعقة وكم صجن ملون علشان تلهي وهي بتستانس بهم ومافي غنى عن الالعاب والكتب هم كل مهم متعبين بس دوري على اللي يشغلها في بعض اللحظات

والله العظيم الي عندك عندي ,,, عندي ولدي الصغير عبودي نفس حركات لولو دلع دلع دلع ,,,

عندي 2 قبله مو كذا كانو هاديين ,,, وماينام الى اذا رضعتو ,,,تعبت معاه ,,,

الله يعين بس ,,,

حبيبتي ما اشوف انه فيه شي ببنتك مو طبيعي

بس حاولي لا تدلعونها زيادة عشان ما تتمادى

بالتوفيق

يا ام لولو اصبري ترى كل الأطفال نفس بنتك يعني بنتي أكبر من بنتك بتكمل سنة وأربعة أشهر لكن في هذي (
يعني والله العظيم بدووووون مبالغه حتى الحمام مااقدر ادخله...

يعني لما اني في بيت ابوي ويمسكوها اذا بدخل الحمام او اذا بسبح او بشبك..

والله العظيم لما ارجع الشقه مالحق اتباعد عنها شوي الى قتلت روحها من الصياح ..

ماادخل الحمام واطلع الى هي دمووووع والحاله حااااااله ..

ولا اقدر اصلي..)

بنتي ماتنام الى اذا رضعتها ,, اخاف اذافطمتها اتعب معاها في النوم يعني ماتنام الى اذا رضعت..

كأنك تتكلمي عن بنتي أقول يمكن تكبر وأرتاح لكن كل ما كبرت التعب يزيد واللزقة تزيد بس ما لنا إلا الصبر أو على فكرة إذا بنتك للحين ما تمشي أبشري إذا مشت حتى الحمام والمطبخ بتدخلهم والكهرباء على طو ل شغالة فيها