زواج اول احسن ليش

اتمنى ان تفهمون وش الى انا ابي اقوله

ليش ياجماعه زواج اهالينا نجح بجميع المقاييس وعاشو مع بعض على الحلوه والمره ,وعلاقتهم مع بعض متينه وقويه .

وامهاتنا يطيعون رياجيلهم طاعه عمياء وكذالك يحسبون لهم الف حساب وتحسون ان هناك تفاهم كبير بينهم ,

مع انهم كان زواجهم تقليدي وماشافو بعض ولا حبو بعض قبل الزوج يعنى ماعرفها الا فى بيته بيت الزوجيه

على العكس طبعا زواج اليوم مايتزوج الوحده الا بعد ما يشوفها ويكوم هناك فتره خطبه
((عشان يفهمون بعض )) لكن بمجرد ماتبدا الحياه ومنغصاتها يزول تماما كل التفاهم الى على اساسه تزوجو ويزول الحب شوي شوي وتبدا المشاكل وتبدا سلسله الخلافات تدب ,مع ان الفتاه والشاب فى هذي الايام حياتهم مرفهه مو زي اول وايام اول ,


ليش ياجماعه الخير هل الغلط فى التربيه ((للبنت ,والولد ))

ام غير ذالك يعنى الفتاه امها ماتقولها وش معنى زواج بالمعنى الحقيقي يعنى ماهو مجرد اسواق ومطاعم واحبك وتحبنى

كذالك الشاب مااحد يفهمه وش معنى زواج وبيت واولاد .

اتمنى تعرفون السبب مع انى على اقتناع ان السبب من البيئه والتربيه الى تربى فيها كلا من (الزوج والزوجه )