مشكلتي في منتداي القديم

كان نفسى أفيدك بس انا ماأفهمش فى المواضيع دى على الله حد من مشرفاتنا الغاليات يفيدك تقبلى مرورىوربنا ييسر لكى اللى إنتى عايزاه

اختي الغاليه
اتصور انتي مكبره الموضوع جدا وانا اجده لا يستحق حتى التفكير او الخوف
وبعدين وش نوع المواضيع الي نزلتيها وخايفه ربي يحاسبك عليها؟؟
اذا كانت فرفشه وضحك واشعار والخ مااتصور فيها شي ولو كنتي حابه انها تنحذف احذفيها بنفسك
ولا تهيني نفسك اكثر لهؤلاء الاشخاص .
هم ما قدروك فلماذا تلاحقيهم على شي تافه مسحوهم وله بعمرهم
مو ضروري .
واتصور في حياتنا امور اهم بكثير لازم نهتم فيها ونشغل تفكيرنا فيها.
تحياتي

تسلميين ام سلمى على مرورج العطر..


دلوعة حناني..انا منزلة مواضيع شعرية وغنائية

وقلت لكم ان حاولت احذف بس الادارة موقفين علي الحذف

عناد فيه لاني ظهرت من المنتدى

الحين انا ابا كلام قوي يهز المدير


ابا اقوله ان هالشي في ذمته اذا ما اتاح لي الفرصه احذف مواضيعي

ما اعرف شو اقولج الصراحه

خلاص برايهم .. خلهم يولون كفايه انج خفتي من رب العالمين

تسلمي يالغاليه بنوتة زايد..

اسعدني مرورج وتصبيرج لي والله..

يعطيج العافيه

ابد شخصيه الفرد ماتصير و لا تتكون و لا تبرز بلون او منصب في منتدى !!
يعني ساس المشكله هي انج كنت تبين تصيرين ادداريه .. و لا قدرتي !!!


طيب ليش كل هالعناد ..
يا عزيزتي مثل ما قالت الاخت اللي قبلي ..
الدنيا فيها اشياء اهم من سوالف المنتديات و النت بشكل عام ..


انا كنت مشرفه في 3 منتديات .. و اداريه في منتدى .. و مراقبه في منتدى !!
بس شو الفايده !!
مارتحت بولا واحد منهم و لا استفدت .. كثر ما استفدت هني و الله !!






يعني لا تفكرين وايد بالمناصب و المراتب في النت !!!!
و شي ثاني .. اختي العزيزه ..
انتي كلمي الولد .. و خليه يحذف بعض المواضيع (((( فقط اذا في مقاطع غنائيه !!!!!!!!!!!!!! )))
لأنج عليهم بتأثمين ..
اما غيره ف ما اتوقع في شي جايد و كبير !!!

اختي ,,, احسها مب مشكلة تذكر

هلا اختي غالية

اناما اقصد بشخضية بارزة..معروفة في المجتمع مثلا

انا اسمي فالمنتدى كان بارز انا اللي اتحكم فيه كنت

وبعدين هذي مب مشكلتي الحين


انا ابا رد لان الاخ مب راضي يحذف مشاركاتي وموقف على الحذف ماقدر احذفه

ساعدوني في الشي هذا بس

بنات يمكن بوجهة نظركم مشكله جدا تافه وماتذكر

بس لازم يكون عندي مشكله زوجيه عشان تقولون انها تذكر؟؟؟؟

مافي داعي تردون اذا ماتبون لاتجرحون بالكلام بلييز

عزيزتي .. محد قال انها مب مشكله !!!
و محد قال انها مشكله لا تذكر !!!
لكن لكل شخص اولويات ..
و انتي هالمشكله بالنسبه لج اولويه .. و اكيد نحترم هالشي ..



لكن اانا يوم تكلمت ,, كلامي كان واضح
كلامي كله كاان بخصوص المنتدى بشكل خاص ..
و النت بشكل عام ,,
و انا ماجبت طاري المجتمع ^__^





و مثل ما قلت لج ..
كلميه من اخت لأخت و اطلبي منه فقط حذف المواضيع اللي فيها مقاطع غنائيه !!
اما غيره ،، فمن وجهه نظري ماشوف له داعي حذف باقي المواضيع ..







عزيزتي ..
مهما كان الانتقاد .. او الكلام اللي بتسمعينه ..
لازم تتقبلينه .. لنج طرحتي مشكلتج للجميع ..

و هالكلام مب موجه لج انتي بس ..
هالكلام لنا كلنآ .. ^___^







و الله يعينج على مشكلتج ..

سمعتي حبيبتي عالم الانترنت عالم واسع و كبير
لكنه في نفس الوكت اتيي من وراه مشاكل
فأنتي قلتي انه كلمتيه مرة و مرتين و ثلاث و كلمتي بعد البنت
لا حياة لمن تنادي " مو قاعدين اردون عليج "
انتي تبين تحذفينهم ... لأنج حاسة بالذنب و ماا تبين رب العالمين يعاقبج على المواضيع الغنائية إلي اكنتي
حاطتها في المنتدى ... مجرد حبيبتي شعورج بندم ... واحساسج بأنج غلطانه و طالبة التوبة النصوحة من رب العالمين ... يكفي ... الحمد الله رب العالمين غفور رحيم
فلا تكبرين الموضوع و تركي المنتدى حتى لو مااا انحذفوا المواضيع ... كفاية انج حاولتين
عشاااااان لا تدخلين مع في مشكلة مع هالصبي
وهذا راايي وما اتمنى تزعلين
ودمتم بود

اذا في حالة انج ما قدرتي تمسحين مواضيعج

اهم شي نيتج و محاولاتج انج تبغين هالشي

واذا لقيتي الرفض منهم

فذكريهم ذنبهم على جنبهم وانج حاولتي وهم ما خلوج

وبس

اختي شوفي اللي يركض وره المناصب و الإشراف اهو اللي ما يحصل و اللي ما يبي الدنيا و الشهرة اهي اللي اتييه لي حد باب بيته و هذي مب كلامي هذي كلام سيد البشر محمد صلى الله عليه و سلم

ثاني أمر انتي سوي اللي تقدرين عليه عشان يحذفون المواضيع و اللي ما تقدرين عليه الله ان شاء الله بيغفر لج و لا يكلف الله نفسا إلا وسعها

مرحبا اختي

اتمنى تسمعي كلامي برحابه صدر .. وكأخت .. او صديقه .

عزيزتي بالاول ردا على موضوع الحذف..يااختي . اذا سويتي ذنب . في الدنيا ما تقدرين تسترجعين الايام الي سويتي فيها ذنوب .. لكن الواحد يتوب ويستغفر ويطلب الغفران ..

وربك يسمح .. الذنوب والاستغفار مفعوله اكثر من سحري... فعشان جذي اختي لا تشيلي هم النت ..او المنتدى ..

المشكله الحقيقه في منظوري عزيزتي .. هي انك كنت مسويه لك مساحه كبيره في النت .. وجاو اشخاص بين يوم وليله اخذو كل هذا فحسيتي .. كعامل لفت انتباه انك تحاولي ترك الاشراف بالمقابل يمكن يحسون بمكانك ويكلمونك ويقولون لك لا اقعد وياخذون بخاطرك لكن العكس هو الي صار .. بالمقابل حاولتي تحذفين مواضعك .. كلفت انتباه .. مهما كانت تافه او ما منها فايده ... غريبه انك من بعد ما تركتي المنتدى تذكرتي .. ان مواضيعك مامنها فايده .. واختي المدير صاحب الاداره براحته يحط الي يبي .. يا اختي .. كان صاحبه او هو وضميره

الغاليه .. ترك المنتدى .. افضل .. وابتدي صفحه جديده بمنتدى اخر.. والمنتديات مو عشان تخلقين لك شخصيه محبوبه او تشتغلين عشان توصلين ... المنتدى بنظري هو للفائده ونشر الفائده .. وان كان هناك تقديرا لمجهودك .. فهو مميزات يمنحها المنتدى فقط .. لكي يشجع .. الاعضاء .. والاداره هي فقط لتنسيق المنتدى لا تقل اهميه عن اي عضو فلو كان كل عضو ينزل المواضيع على حسب القوانين فدورالاداري ينحصر .. فقط..بالمتابعه والمشاركه .. لهذا رأيي ترك المنتدى ... بمافيه .ز

وانسيه... واستغفري وتوبي .. يعني الممثلات الي تحجبوا .. ولازالت لهم افلام خليعه .. ما استطاعو يسحبون افلامهم بس الله غفور رحيم , وانتي مشكلتج بس اغاني واشعار.. هين امرها جدا..

تحياتي

ام جنى

حبيبتى إذا الولد مايريد حزف المواضيع أنتى ندمتى وإن شاء الله ربنا يقبل منك لاتدخلى المنتدى تانى وانسى الموضوع

حبيبتي انما الاعمال بالنيات وانتي دام نيتج تحذفيين هالمواضييع وبذلتي كل جهدج وما قدرتي خلاص انسي السالفه وتوكلي على رب العالميين

السلام عليكم

يا عزيزتي خلي عنج شغل المنتديات والله ماله داعي
انا شاركت قبل 5 سنين في منتدى وسويت لي شخصية ولا أروع
وكل مواضيعي كنت اشوفها منتشرة بالمنتديات لما اسوي بحث في قوقل
واعطوني منصب كاتبة ومنصب مشرفة وبعدين صار بيني وبين
شخص مشكلة وكل الناس اللي امدحوني انكشفوا على حقيقتهم
وكلهم صفوا ضدي وكتبوا عني كلام ماله حل شكلهم كانوا يحقدون علي
حتى المدير اللي كان ما يسوي شي الا بعد ما ياخذ رأيي طنشني يمكن كانوا
ينتظرون الفرصة وتركت المنتدى وتركتهم ودخلت بعد فترة كزائر ولقيت ناس وايد من
اللي كان لهم حضور مثلي تركوا المنتدى واشوف الموقع صار سيئ لان المشاركين
تقريبا ً اكثرهم مراهقين مواضيع منقولة مكررة وألعب يعني صج صاير موقع سيء بس انا
ما رديت لهم ولا اهتميت وبعضهم كان يتذكرني بمواضيعه وبعضهم كان يتمنى لو ارد
ومرت السنين وانا كنت ألغيت الايميل اللي كنت مشتركة فيه
صار بس حق الايميل والمنتديات مافيه ناس بالمسنجر لكن فترة بس
لقيت اضافة من مدير الموقع وكلمته سوى نفسه اضافني بالغلط او الاضافة مني
وبعدين سحبته بالكلام وعرفت انه اضافني مخصوص وطلب مني ارجع اشارك معاهم ومن هالكلام
بس انا قلت له له بفكر لان موقعك صار سيء ومستحيل يرد مثل قبل ،،
شفتي ان الاشياء اللي نسويها يكون لها مردود ؟
لو انج تركتي لج اثر طيب كانوا طلبوا منج ترجعين بس انتي عاندتي
وكنت ِ تفكرين في الادارة وهالسوالف تركيهم والله يركضون وراج
ولا عليج من سالفة المواضيع الي تبين تحذفينها تركيها والله بيسامحج عليها
ما عدى اللي فيها غناء حاولي تمسحينها والله يوفقج

البحNooRرين
RED EARTH
reddish
Noor1979
الأصدقاء.
كمام الامل
سارة جابر


والله يابنات كلمة شكرا والله ماتوفيكن حقكن انت الوحيدات اللي فهمتني انا شو اللي ابغيه..

ارتحت وايد من اسلوبكن فالكلام وايد ريحني وحببني فيكن..واللي قلتولي عليه بسويه..

مشكورات وجزاكن الله الف غير..

اعتقد الى هنا واكتي بالردود..تقدرون تقفلون الموضوع..

واختي غالية بنت عبدالله..انا ماقصدتج انتي بالكلام..امبلا في بنت قالت شي ورديت عليها انا

حبيبتي ارسلي للمسئول الي تقولين مايدخل اله مره وحده وقوليله احذف مواضيعي ......
بس ليش تمسحين مواضيعك بالعكس خليها اذا هي مافيها اي غلط
والله يوفقك الى كل خير