قصه ولادتى بابنى عز الدين

السلام عليكم يا اخواتى
فى الاول احب اقول لاخواتنا فى قسم المتاخرات عن الحمل انى منستكوش بالدعاء وقت الولاده وربنا يستجيب ويرزق كل محرومه يارب
ابتدى معاكو القصه فى يوم 24 فبراير الساعه حوالى 7 ونص نزلت انا وجوزى من بيت ماما نتمشى شويه ونجيب البامبرز بتاع النونو لانه مكنش ناقصه غير البامبرز المهم اتمشينا واشتريناه واحنا راجعين شربت عصير قصب:D وروحنا عند ماما تانى ومكنتش اتغديت ماما قالتلى احطلك الغدا قلتلها لا انا حاسه انى مجهده وهدخل انام شويه دخلت نمت الساعه تسعه ونص صحيت الساعه 11 على مغص فى اخر بطنى قلت اقوم ادخل الحمام وانا بقوم من السرير لقيت ميه كتير نازله منى فجاه غرقتنى وغرقت الارض نديت على ماما بسرعه وقالتلى ديه ولاده كلمت الدكتوره ورحنا المستشفى الدكتوره فحصتنى لقت الرحم مقفول خالص استغربت وقالتلى ايه اللى حصل كل شىء كان طبيعى وسالتنى شلت حاجه تقيله قلتلها لا قالتلى عندك كحه قلتلها اه بقالها 3 ايام قالتلى الميه نزلت عشان كده المهم قالتلى لازم نفتح قيصرى لان الميه نشفت ودخلت اوضه العمليات وشرف حبيب قلبى عز الدين الساعه 1 يوم 25-2 وكان معاد ولادتى 6-3
دعواتكو لابنى عشان عنده الصفرا