
كولكشن MURAD و اسمه ACNE COMPLEX
هاذي صورته ..

و بشرح كل نوع بالتفصيل ..
و هالكولكشن يستخدم لتنظيف البشره و حمايتها من الاوساخ و ازاله البثور ..
اول شي تحطين ال Clarifying Cleanser
هاذي لتنظيف البشره تحطين شوي في يدج و معاه شويه ماي و تغسلين فيه ويهج و ما تقربينه من منطقه العيون ..

و ثاني شي تستخدمين هالمنتج وهو ال Exfoliating Acne Treatment Gel
وهو مثل الجل الشفاف و ريحته كنها صمغ ماتحطين على عيونج منه بس على ويهج ويستخدم لتظيف المسام من البكتيريا و يخلي بشرتج صافيه من الاوساخ و الانسدادات ..

و نخليه ينشف و عقب نستخدم المنتج الرابع وهو ال Skin Perfecting Lotion
وهو يعمل على التحكم بالزيوت و الدهون اللي في الويه مع عدم انسداد المسامات وبعد لا تحطونه على عيونكم ..

و اخر شي عندنا ال Acne Spot Treatment
ودور هالمنتج ان يزيل الحبوب و البثور و الاوساخ ( الدهون اللي في الحبوب ) بصوره سريعه يعني من اول استعمال تلقين الالم راح و الانتفاخ خف وااااااااااااايد يعني الحبه اللي كانت منتفخه تصير مساويه للجلد بس فيها احمرار وهاي تحطونه على الحبوب بس مب على الويه كله و تحطونه عقب اللوشن الثالث وممكن تستخدمون منظفات الويه الثلاث بدونه لو ويهكم مافيه حبوب لا تقربينه من العيون و حطيه عقب ما ينشف اللي قبله ..

و على فكره بنات انا ماقلت لكم عن نتيجته قبل ما استخدمته على نفسي وكان واااااو صراحه لان جاتني الدوره و صار في ويهي حبوب و جربته ، اخوي فديته يايبه لي و انا ماطلبته بس يابه لي للاهتمام بالبشره على قولته و عليه مب عارف شيجيب لي من السفر هههههههه فجاب لي كولكشنات كريمات للبشره ههههههههه و كل مره اييب لي نوع للتجارب مع ان ويهي مافيه شي ههههههه بس يوم جربته عجبني صراحه و قلت بقوله يجيب لي منه مره ثانيه بس على فكره بنات هو يجفف الويه يعني حده اسبوع و خلاص تركوه لان الويه يجف و استخدموه مره وحده باليوم بس يعني بالليل قبل النوم ..
و انا عقب ما جف ويهي استخدمت شي ثاني بقولكم عنه مره ثانيه ..
اذا عجبكم موضوعي لاتنسوني من التعليقات و التقييم ..
اختكم ..
عط الليل ر