السلام عليكم ورحمه الله
أنا الحمد لله جبت مكوه بيبي ليس للشعر وحبيت أفيدكم لأني لقيت بنات كتير بتسال عليها
أنا كنت نازله أجيب السودا العادية اللي صفايحها ذهبي ..
بس لقيت نوع جديد وأفضل فاستخرت الله وجبتها والحمد لله مندمتش عليها
أولا مميزاتها
أهم ميزه فيها أنها للشعر المبلول والناشف
ثانيا بالايونات ...بتخلي الشعر لامع وهادي
ثالثا درجه حرارتها 230
رابعا فيها زرار التربو اللي بيعليها 20 درجه مره واحده للشعور الخشنة والصعبة
خامسا صفايحها ليست من السيراميك وإنما من التيتانيوم المغطى بطبقه من النانو كيراتين لحماية الشعر من التقصف.
وعن تجربتى معاها الى الان حوالى 4 مرات اقولكم بامانه شديده
المكوه على الشعر المبلول اسهل بكتير من الشعر الناشف
مش بتدي منظر واقف للشعر ....شكله ناتشورال اوي
لما حطيت كريم على شعري قبل ماعمل بيها كان احسن كتير من بعد ما عملت بيها
اول مره اخدت مني اكتر من نص ساعه وتانى مره اقل من ربع ساعه وتالت مره شعري كله أخد منى دقايق
عالشعر الناشف كويسه برضه بس مش أوي زى ماهى عالشعر المبلول أو يمكن أنا معرفتش أتحكم في شعري وهو ناشف
المهم المكوه بوجه عام اعطيها تقدير 99 % من حيث الجوده
هذا بالنسبه لشعري ...شعري عادي وفتلته ناعمة
بالنسبه للشعور الجافه ..الله اعلم
واسيبكم مع صوره المكوه ....نسيت اقولكم ان سعرها بالمصري 200 جنيه
يعنى تقريبا 150 ريال سعودي
دي صوره المكوه فى علبتها
ودي المكوه ذات نفسها
لاحظوا هنا كلمه wet and dry
ده زرار التربو اللى بيعلي درجه حرارتها ,,وجنبه زرار التشغيل وجنبه محول حراره المكوه لانها فيها كذا درجه
وده رقم موديل المكوه
ودي صوره لقيتها عالنت للمكوه واضحه اكتر ليكم
ويارب اكون عرفت افيدكم باي حاجه واللى كانت بتدور على مكوه حلوه وسعرها مناسب تقدر تجيبها ان شاء الله
وبليز لو عجبكم الموضوع تقيمونى
ومسمحش ولا احلل ان اي واحده تنقل الموضوع الا لو ذكرت اسمي واسم منتدى عروس :mad::mad:لانى تعبت فى التصوير :mad:
وجزاكم الله خير
