الله يخليكم كيف اتصرف مع هذي البنت

حبيبيتي مهما كان هذي بنتك
والأم مستحيل تكره بنتها
كلموها ونصحوها بالكلام الطيب
أحسن من الضرب
صحيح اللي سوته شي خطير
بس أكيد حب الفضول
أو صديقات السوء
المهم حاولي تتكلمي معاها وتهدي من وضعها
لأنها أكيد منهارة ونحرجة منكم في نفس الوقت
والله يهديها

ياربيييييييييييي الله يعينكم ...


حبيبتي الظرب مب حل ,, لو قعدتوا معاها وكلمتوها بكل هدووء عن هالمشكله راح تستوعب أكثر ,,,

نتايج الظرب سلبيه ,, ومنها العناااااد ....

المفروض إنج تروحين لها وتقفلين الباب عليكم .. وقولي لها ليش سويتي إلي سويتيه ...؟؟
شمحتاجه من هالسوالف ؟؟
لميها حبيها .. قولي لها إنا وثقنا وإنتي خربتي الثقه ’’’ بس ممكن ترجعينا مره ثانيه .. وهاي بمجهودج إنتي ..
سولفي معاها .. وإحرميها من الجوال فتره بس .. وعقب عطيها إياه بس راقبييييه اول بأول .. عشان تقدر تثق بنفسها ...

إسمحيلي بس إبوها المفروض مايضربها على طووول ... لين الحين ماعرفتوا إشلوون بدت .. وشنو إلي خلاها تلجأ لهالسوالف ..
الحين خليتوها تخاااااف منكم .. وإحتمال كبير إنها تعاندكم .. هاذي مراهقه .. حاولي تتعاملين معاها بهدوووء عشان تمر بسلاام وبدوون خساره ...

إعرفي صديقاتها ...
وداومي على السؤال عنها بالمدرسه ,, مب لأنج مب واثقه ... بس لأنج تتطمنين عليها ..

وقولي لها من الحين واثقه فيج ... بس لازم تخلين أبووج يثق بعد ,,,

وتكلمي مع إبوها على أساس لو شاف منها أي تصررف صح ... يكلمها ويشجعها ...

وعسى الله يرييييح بالج .. ويستر على عيالج ...

حبيتي الضرب مو حل لازم تكعدين وياه وتفهمينه ..
وترى بنتج مو اول ولا اخر وحده تغلط انا ما كاعده اعطيها عذر هيه صحيح غلطانه ..
بس الزمن تغير يعني سن المراهقه والرفجه الموزينه ...
كثير اسباب تخليها تغلط بس الاهم من هذا كله تتعلم من غلطه وتكعدين وياه وتكولين لها وين الغلط وين الصح وتفهمينه ان البنت اذا غلطت ما ممكن ينغفر الها وعادتنا وتقاليدنا ما تسمح بهالشي يعني ومن هذا الحجي والله يهديها يااارب ولا تقولين كرهتها وما اعرف شنو حرام هذي تبقلا بنتج ...
تقبلي مروري عزيزتي .....

عمر الضرب ما كان حل للمشاكل بالعكس يمكن يزيدها أوقات ويخليها يمكن تلجأ لأمور من دون علمكم

أولاَ اختي انتي لازم تقوين علاقتج مع بنتج وما تكوني لها أم فقط بل صديقة

لازم تخلقين جو من المحبة والألفة والصداقة والراحة بينكم عشان بنتج ترتاح لج اكثر وتأخذ وتعطي وياج اكثر وهم انتي ترتاحين

وثانياً لازم تعرفين من اتصادق لأن الحين التأثر مو شرط يكون من التلفزيون والنت فقط ولكن من الأشخاص اللي حوالينهم كأصدقائها مثلاً أو يمكن حتى أوقات يكون أفراد من العائلة وأقرب الناس لكم

حاولي انج تلميناه وتفهمينها وتخلينها قريبة منج عشان انتي تطمئنين عليها وترتاحين

واشركيها في برامج مفيده مع الأشخاص إلي في سنها في مراكز أو غيره كتحفيظ القرآن الكريم او انشطة رياضية

تحياتي لج اختي والله يحفظ بنتج ان شاء الله

والله حراام البنت في مرحله مراهقه وهذي اخطر مراحل العمر لازم تحتوينها بالحب والحنان مو تضربونها والحين اكيد تحس بالذنب و الضييق .. كل شي بالتفاهم عزيزتي

الله يعينك اكيد هيا دلوقتى عرفت غلطتها
وكتير من البنات فى العمر ده بيعملوا كده
انصحيها وعرفيها ايه الغلط والصح
وصحبيها وخليها اختك مش بنتك
متحسسهاش بالفرق خاااااااالص
خليها تحس انك صاحبتها مش مامتها
بجد بتفرق
ومتخوفهاش منك لان لو خافت منك ممكن تخبى عنك حاجات كتييييييير
وربنا يحميها ياااااااااااااااااااااارب ويسترها يااااااااااااااااااااااااااارب
هيا وكل بنات المسلمين

الكبت يوليد الانفجار و بدل ما تمنعى عنها الغلط صاحبى بنتك و عرفيها الغلط و الصح و خليها هى اللى تختار الطريق الصح و تبعد عن الغلط بنفسها مش بالمنع عشان الغلط هتلاقيه فى كل مكان برة البيت

صاحبى بنتك بدل متقولى كرهتها

حبيبتي نفس المشكلة لقيتها مع بنت اخوي
بس اقلك ترى المدرسة وبنات المدرسة دمار ماتتخيليه
غير بنت اخوي قالت لي انه بنات خالها كلهم يكلموا ويقولوا شئ عادي
يعني حتى لو حافظتي في البيت المجتمع برى مايخليها
بنت اخوي انا ماقدرت امنعها من المكالمات بس قلت لها خليك مسن افضل وخوفتها من ابوها
صارت اقل شئ تحكي لي كل شئ وانا اقلها ايش صح وايش غلط
واللي عنده حل جديد يقولنا
الجيل دا لا تهديد ولا اقناع ينفع معاه

الله يهداج اختي ،، لو هديه كيف تخلين بنت بهالعمر يكون عندها موبايل
نحن في هالسن مانسلم من الارقام الغريبة والي تغازل ..>>> عمري 21
الله يهديها بنتج بس بعد مثل ما قالن البنات كان لازم تعاملونها باسلوب احسن من هذا
في نفس الوقت مالومكم لني لو كنت مكانكم مابمسك اعصابي
الله يعين بس

تحياتي ,,,,

هلا حبيبتي
أولا صدقيني الضرب بيعقدها وبيخليها تكرهكم وايد وتعاند فيكم وتتمسك بهالفكرة وبتحاول توصل لها بأي طريقة
ثانيا خطأ إنج على طول كلمتي زوجج في الموضوع إنتي عارفه الرجال عصبيين في هاذي الأمور والبنت في مرحلة مراهقه وهذا خطأ إللي سويتيه
المفروض مكلمتهنا بروحج وعارفه السبب إللي خلاها تنجرف وراء هالأشياء مع إني واثقة إنه صديقات السوء هما أول سبب

شو أقولج غير الله يهيدج بس كلنا مرينا بمرحلة المراهقه وحسينا بهالتغيرات بس الله رحمنا بصديقات الحمدلله زينات وأخلاقهم عاليه
بس هيا يمكن الله بلاها بصديقات سوء

بهالطريقة صدقيني بتتعقد منج ومن أوبها وبيظهر هالشي عليها لإنها توها في بداية مرحلة المراهقة وماتحتاج القسوة لإنها بتعاند فيكم أكثر تحتاج أحد يفهمها وخصوصا إنتي إمها

ما أقول غير الله يهديكم ويهديها

اختي انتي وريلج غلطااااانييييييييييين . الغلط راكبكم من فوووق لين تحت

اسمحيلي على هالكلمه

×××


انتو اول وااايد ضغطتووو على البنت .. لاخليتووو لها قنوات تشوفهم . ولا تدخل النت وتقضي وقتهاااا ..

كلنااا اهلنا ربونااا على الدين وعلمووونا الصح من الغلط .. وقالو لنا مخاطر كل شي واثاره السلبيه والايجابيه


بس ماكنسلووو القنوات ولا منعونا من النت

×××

انتي تحسين انه تربيتج صحيحيه // لان انتي ماتدرين البنت والولد بهالسن لازم ينفسون عن نفسهم مب تمنعووونهم بالغصب // لالالالا

لازم يكون هالشي ناابع من ذاااتهم ومن داخلهم

لاتخلونهم بروحهم راقبوهم من بعيد لين بعيد بس لاتحسسونهم انك تراقبونهم .. لان اي ام واي ابو يخافون على عيالهم من البلاوي اللي فالدنيا

×××

غلطتي يوم انج مافهمتيها وماعلمتيها ,, يوم دريتي مثل ماقالت اختي البشوشه كان المفروض تدخلين لغرفتها وتكلمينها بكل هدوء وتقولين لها // يابنيتي انا قصرت معاج في شي ؟؟

سويت لج شي ؟؟

ضريتج بشي ؟؟

هي بتقول لا ..

قولي لها عيل ليش تبين تنزلين راسي بين الناس ؟؟؟

ليش تبين الناس يقولون فلانه ماعرفت تربي بنتها ؟؟

انا ابي ارفع راسي فووووق فوووووووووووووق يوم يذكرون اسمج ويمدحونج مب يذمونج

وصدقيني هي بتستحي من نفسها ومن اللي سوته ولا راح تعيد الغلط ..

×××

حتى لو قلتي حق ابوها لان ماتعرفين تتصرفين لازم تفهمينه انه الضرب ما منه فااايده

لان بتعاااند وبتحاسب منكم اكثر

×××

بدال ماتقولين كرهتهااا وصرنا انا وابوها مانكلمها


ليييييييييييييش .. والله العظيييييييم لييييييييييش تسوون جذي

تصيرون انتوو والزمن عليهاااا ؟؟

بدال ماتحتوونها وترونها انكم حزينين عليها وعلى اللي سوته انصحوها لا تنبذونها

وربي حرام

×××

راجعووو نفسكم اسمحيلي اسلوبي يمكن قوي لكن طريقتكم بالتربيه غلط

حاولو تصلحوون اغلطكم

وبنتج حشاشه يوفج اللي حملتي بها 9 شهووور وربيتيها احسن تربيه وتعبتي عليها وسهرتي الليل عشانها معقوله تكرهينهااا ....؟؟؟ ماظن بالعكس حبيها اكثر واكثر لانها بعمر ماتعرف شنو مصيرها لاهي كبيره ولاهي طفله صغيره


وانصحيها وقولي لها ويين الصح وووين الغلط

لان اذا منعوتها من البيت .. ترى المدرسه والصديقات ماراح يخلونها .. لكن خليها من داخلهااا تعرف تكلم من وماتكلم من .. شتسوي وشماتسوي .. ولاتهزون شخصيتها بالعكس خليها واثقه وقولي لها خلينا نبدى صفح جديده


×××

وبالنهايه البنت صغيره عمرها 15 سنه ترى ممكن تسوي شي بسببكم وعقب بتتحسفوون طول عمركم


حاولووو تحتونها حبوها ووجهوها ونصحوها

مب تكرهونها وماتكلمونها وتضربونها

...

بصراحه الله يعينكم ويعينها والله

السلام عليكم

اختي اكبر غلط انكم ضغطو على البنت انا يمكن اكون قريبة من عمرها عمري 21

وكل ممنوع مرغوب وشفيها اذا عندها تلفون البنت في هسن تبي تحس انها كبيرة ويعتمد عليها

وهذا احنا تربينا على الدين والاخلاق بس اختي اهم شي تسوينه الحين وباسرع وقت تروحين لها حظنيها وكلميها من قلبج بيني لها انج تحبينها وتخافين عليها والظرب غلط غلط غلط يخليها تشيل بقلبها اكثر وتكبت اكثر خلونها تشوف وشفيها القنوات يعني اهي تعرف تختار بين الصح والغلط وانتونصحوها

الله يهديها ويهيكم للخير ان شاءالله

بس اهم شي اختي تروحين تلمين بنتج وتطبطبين عليها وخلي عنج العصبية

والله يصلح الحال ان شاءالله

أختى إنتى غلطتى لما قلتى لأبوها ولما كسرتى التليفون لأن اللى إنتى عملتيه ده ماخلهاش تعرف غلطها بالعكس كل اللى هتحاول تعمله إنها تكون حريصة أكتر بعد كده لما تحاول تكلم حد تانى وبعدين الجيل ده غير جيلك غير جيلى صحيح إنتى أبعدتى عنها كل أسباب الفساد ولكنك لا تهدى من أحببت والله يهدى من يشاء واللى هى فيه نتيجة مرحلة المراهقة اللى هى فيها وواضح إنها لها صحبة سوء شجعوها على اللى هى عملته دهده أكيد هم اللى جروا رجليها للموضوع ده بنتك ما كانتش محتاجة للضرب بنتك دلوقتى عاملة زى البيبى اللى لسه بيكتشف العالم حوله ماينفعش نعنفه ونضربه لما يأذى نفسه لأنه لسه مش فاهم يبقى لازم تكسبى اللى إنتى خسرتيه بتصرفك الغلط معاها إكسبى صداقتها وثقتها من أول وجديد حاولى تكونى صديقتها المقربة إنسى الفرق فى العمر بينكم وفكرى بتفكيرها هى مش بتفكيرك إنتى إحكيلها المشاكل اللى بتعانى منها واطلبى رأيها حتى لو كان رأيها سطحى بس مجرد إن تأخذى رأيها هيخليها تحس بمدى ثقتك فيها وبالتالى ترجع ثقتها فيكى خرجى أبوها من الموضوع خالص واقصرى العلاقة عليكى إنتى وهى بس لما تبدأ تحكيلك عن مشاعرها والحاجات دى اللى تغيظ إكتمى غضبك وحاولى تنصحيها بلطف وحنان إحكيلها قصص عن البنات اللى صادقوا الشباب ونهاية العلاقات اللى من النوع ده وده رابط نزلته النهارده لأخت عندها نفس المشكلة مع أختها أتمنى إنه يفيد بنتك فرجيها عليه ووضحى لها إن ده سبب اللى حصل لها من عقاب لأنكم خايفين عليها مش لأنكم بتكرهوهاالرابط:Islamweb - فلاشات
إوعى تفتكرى إن بنتك وحشة بالعكس بنتك ضحية للفتن اللى إحنا بنعايشها كل يوم ربنا يصلح حالها وحال جميع بنات المسلمين وطمنينا عليكى وعلى بنوتك الصغنونة

شوفي أذا تبينها اتوب عطيها المجال للتوبه
ما يصير تحكمون عليها بانها خلاص وتكرهونها
صبري شوي ليما يهدى الوضع وكلميها بالعقل
تراها مراهقه وهالزمن له حكمه
عطيها الفرصه تفكر واذا اعتذرت تقبلو منها ولا تجافونها وتردونها لطريق الخطا بيدكم
والله الهادي

مو غلط تضربونها على شي كبير زي كذا لا الغلط انكم ما تكلمونها لا خلاص ارجعي تفاهمي معاها واعرفي مصدر العلاقات هذي ياخوفي لا تكون عمتها لها يد بالموضوع
وحنني ابوها عليها لأنه اكيد بيتأثر منك واجد وكونوا اكثر رقابه على بنتكم والله يصلحها
وعليك بالدعاء لأننا في مجتمع فاااسد لا حول ولا قوة الا بالله التربيه ما تنفع لوحدها لازم الدعاء

حاولي معاها باللطف بس لا تظربينها ..

ترى الضرب يخليهم يحسون بالنقص و وانكم ماتحبونهاا ..

لا غلط تضربونهاااا

والله يا اختي نصيحه لوجه الله روحي لها وقولي لها انكم متحسفين لانكم ضربتوهااا .. وحزه الحزه ماعرفتو شتسووون كل هاي لانكم (( خايفين عليها ))

قولي لها جذي

×××

وكوووني لها صديقه مب مجرد ام وتربين .. والله راح تشوفين الفرق والنتيجه

بس سأليها قبل اي شي الولد يعرف هي بنت من ؟؟ ويعرف مكان بيتكم ولا لا

عشان تعرفون شلون تتصرفون معاه

وماشالله عندكم هيئه الامر بالمعروف والنهي عن المنكر اذا الولد ما طاع بلغوو عنه


×××

بس لاتضربووونها لاااااااااااااااااااااتضربونهاااا

..

كوني لها الام والاخت والصديقه والحبيبه عشان اذا صارت لها مشكله مره ثانيه (( تلجأ لج مب تخاف منج ))

احسن من انها تلجأ لغيرج ويخربونها زياده


×××

الله يصلح احوالكم واحوال هالمسكينه .. وربي من قريت الموضوع وقلبي معورني عليها مادري شلون قدرتو تضربونها لدرجه انه جسمها يزرق ويغمى عليها :(:(:(:(

..

(( كل شي ينحل باللين والتفاهم // ولازم تعرفون السبب لان اذا عرف السبب بطل العجب ))

حبيبتي حاليا صار البنت اللي ما تكلم ولد مفاجاه وغريبه عادي جدا كل المراهقات على هلحاله بس المهم الاهل هم الوحيدين القادرين يحتوون هذه الحاله يعني ممكن توجهيها انتي امها كوني صديقتها وغلط اصلا انك قلتي لابوها كان خليتيه عامل تهديد بالنسبه الها وحاولي تتكلمين معها وتحسسيها بحبك وخوفك عليها من الاشياء اللي تسمعوها عن الشباب والمشاكل وعيها هي فتره والله يعينج يارب

خواتي جزاكن الله كل خير والله يسخر اولادنا لطاعته ان شاء الله
والله يا بنات اني محسستنها اني صديقتها واختها مب بس امها لانها اكبر اخوانها
بس ما عارفه وييييييييييييييييييييين الغلط
بالعكس كانت تحكيلي عن مشاكلها وعن صديقاتها
بس كيف قدرت تخبي عني وتمثل علي؟؟
والله يا خواتي حتى صديقاتها يقولولها يحضج بامج.
وفي النهايه هذي النتيجه.
انا سجلتها هي وخواتها في مركز تحفيظ القرآن
اهي دايما تبكي وتقر القرآن
والاخوات اللي لامني لاني قلت لابوها ما قدرت اتحمل المسوليه لوحدي والبنت اذا غلطت يبالها رجال يعدلها وتسويله حساب.
انزين اذا كان عندها صديقات سوء كيف ابعدها عنهن لانهن في نفس المدرسه ونفس الصف؟
حبيبتي om-salma جزاج الله خير على الرابط