عرايس المنصورة:اقولك تجهزي منين..

[SIZE=4]انا عملت الموضوع ده:نصيحة لوجه الله .عشان افيد كل بنات المنصورة:وياخدوا مني تجربتي في التجهيز..واتمنى منكم التفاعل.والي عارف حاجة يضيفها.
بسم الله
موبيليات ثروت:خشب لا يعلى عليه.ونضافة في الدهان والتشطيب.له فرعين في توريل عند بنك فيصل(عند الهلال الاحمر)وجمب العالمية للمطابخ الي في الاستاد
محمود عزت في السكة الجديدة:الاستانلسات كلها عنده:ونظيفة اوي
الحداد:في السكة الجديد:للادوات المنزلية:بيراعوا ربنا اوي في اسعارهم
بالنسبة للكاسات:محل تبارك في شارع الصاغة:اسعاره رخيصة.واسالي الاول عالطقم في محلات تانية:عشان تبقي عارفة ان سعره ارخص عند تبارك..
مفارش السفرة .والصالون .واوضة النوم:جميلة جدا :في دنيا المفروشات في نفس الشارع..
الشوا:في بور سعيد:جميل في الملايات .والالحفة الفايبر..
القطة:للاواني المنزلية:اسعاره احسن من الرملاوي طبعا
احذري من شراء البلاستيكات من الرملاوي:اسعاره مضاعفة .وانما:جيبي
البلاستيكات بكل اشكالها والوانها:من الزامك:شارع سيدي عبد القادر:بس الفرع الي عبارة عن كذا دور.مش الي بتنزليله لتحت
المتحف:راقي جدا في المفروشات بردو.
بيج واو:محل شيك جدا:بس في بعض الحاجات:اسعاره بتكون غالية:فخدي من عنده حاجة او 2:شياكة .وممكن متكونش قابلتك في مكان تاني.
البيت:ناصية بور سعيد:مشايات حمام شيك.وبشاكير جميلة.وملايات اطفال.
ولما افتكر تاني هابقى اقولكم
ودعواتكم لي بالتوفيق في جوازي.اختكم:ايمان

[/SIZE]