زوجي يحبني ...بنات يكلمونه... وهو موبتاع بنات

هلا اختي

الصراحه الله يعينج ... واجهيه وشوفي شنو يرد عليج

الله يعينج

حبيبتي الغاليه
دامه مو مقصر معك في شئ ولا متغير نهائيا اذن من حقك تدافعي عن بيتك وتتمسكي بحياتك فيه اكثر واكثر
لا تخلي الشكوك اتعب قلبك راقبيه بالهداوه وحسسيه انك واعيه لكل خطواته
اولا صارحيه وقولي هل انت تكلم بنات غيري ان انكر صارحيه
بموضوع تحويل الرقم وقولي له لو كنت صادق معي ليه كل هاللف والدوران الي ماله نتيجه
الا الشك والغيره.
يمكن يالغاليه هو يسوي كذا علشان تهتمي فيه اكثر ويحاول يثير غيرتك
يمكن فعلا في بنات يتحرشون فيه وهو يحل الموضوع بمعرفته بدون ما يقولك
وللان مدام مافي دليل بيدك لازم تحاولي انك تتماسكي وتكوني صبوره ولا تهاجميه
ولا تبيني الحزن والكأبه لان هالشئ بينفره منك ولو كان يغلط بينجرف في غلطه اكثر
واهم شئ احب اقولك عنه لا تخليه براحته راقبيه واى ملاحظه عليه لا تكتميها
صارحيه واعرفي منه الحقيقه علشان يعرف انك مفتحه عيونك ومنتبه عليه وما يتمادى
والسكونت اكبر غلط ترتكبه الزوجه لان السكوت يسوي تراكمات كبيره بنفسية الزوجه
والزوج بعد .
وانصحك تستغفري كثير وتدعي ربك ان يسخر زوجك لك ويهديه
تحياتي

دلوعة حناني بصراحة كلامك احس ريحني من الكبت الي فيني مشكووووورة وابغي ردود باقي البنات تكووووووون

الله يعينك ياقلبي

دلوعةحناني;9057506:
حبيبتي الغاليه
دامه مو مقصر معك في شئ ولا متغير نهائيا اذن من حقك تدافعي عن بيتك وتتمسكي بحياتك فيه اكثر واكثر
لا تخلي الشكوك اتعب قلبك راقبيه بالهداوه وحسسيه انك واعيه لكل خطواته
اولا صارحيه وقولي هل انت تكلم بنات غيري ان انكر صارحيه
بموضوع تحويل الرقم وقولي له لو كنت صادق معي ليه كل هاللف والدوران الي ماله نتيجه
الا الشك والغيره.
يمكن يالغاليه هو يسوي كذا علشان تهتمي فيه اكثر ويحاول يثير غيرتك
يمكن فعلا في بنات يتحرشون فيه وهو يحل الموضوع بمعرفته بدون ما يقولك
وللان مدام مافي دليل بيدك لازم تحاولي انك تتماسكي وتكوني صبوره ولا تهاجميه
ولا تبيني الحزن والكأبه لان هالشئ بينفره منك ولو كان يغلط بينجرف في غلطه اكثر
واهم شئ احب اقولك عنه لا تخليه براحته راقبيه واى ملاحظه عليه لا تكتميها
صارحيه واعرفي منه الحقيقه علشان يعرف انك مفتحه عيونك ومنتبه عليه وما يتمادى
والسكونت اكبر غلط ترتكبه الزوجه لان السكوت يسوي تراكمات كبيره بنفسية الزوجه
والزوج بعد .
وانصحك تستغفري كثير وتدعي ربك ان يسخر زوجك لك ويهديه
تحياتي

يا اختي هداك الله ..

الموضوع له اكثر من حل ..

لكن اختي انتي ليش تحطين العقد بالمنشار .. ليش تحاولين تخلقين حق نفسك ..مشاكل مع زوجك .. صحيح هو يحبك وما يستغنى عنك .. لكن يمكن عدم وجود الاطفال ..هو السبب الي يخليج تبحثين ورا زوجك..

الغاليه قد يحصل ان هناك مكالمات مع زوجك .. فالاحسن يا اختي .. مصارحته بحقيقه مشارعك وامتعاضك من لعبه القط والفأر وانكما انضج من ان تكون بينكم اسرار واخبريه ان كان هناك ما يحتاج في علاقتما .. لكي تتجدد فانتي سعيده لمعرفه ماهيه مشاعره.. ولكنك لا ترغبين باكتشاف مفاجئات بحياتك... لانها ستفقدك الثقه به وبعدها لن تكون الحياه سهله مره اخرى .. ولا تستطيعين العيش وكأنه لا توجد مشكله حيث انه بالاساس توجد..

تحياتي لك

ام جنى

دلوعة حنانى وأم جنى كفوا ووفوا فى الكلام ربنا يهديلك زوجك ويصلح حالكم ويرزقكم الذرية الصالحة

اكثري من التزين لزوجك وطاعته في غير معصية الله

واكثري من قراءة القرآن واخرجي اذا كان عندك قنوات فاسدة من بيتك

واكثري من الذكر

وذكريه زوجك دائما بالطاعة والدين وربي يسهل امرك

هلا غناتي قريت العنواااااااااااان ومليون استفهام فراسي اشون ريلج يحبج وبنات يكلمونه وهو مو بتاع بنات كيف؟؟؟؟؟؟؟؟؟؟؟؟؟؟!!!!!!!!!!!!!!

وكم بنت تكلمه علشان حكمتي إن بنات يكلمنه يا ترا مسكتي شي عليه علشان تحكمي هالحكم غير المكالمات الصادرة والمستلمة فغيابج مسجات!!!!!!!!!!!!!!!!!!؟؟؟؟؟؟؟؟؟؟؟؟؟؟

الشيطان شاطر في التفريق بين الزوجيين إذا ذابحتنج الشكوووووووووك صارحيه بذكائج وان شاء الله ترتاحي
واذا تميتي على شكوكج بدون مصارحة صدقيني بتعبي

خير بإذن الله ما يكون شي من اللي فبالج

حبيبتي والله انتي نفس صتي بالضبط بالضبط ولا يمكن اانا اخس عنج بعد
وانا قبل شهر كنت في بيت اهلي ومتزاعله ويا ريلي من هذي السالفه ونزلت موضوعي عن قصتي كامله وكثر البنات نصحوني بالطلاق بس انا صبرت وصبرت
ودخلت اهلي في الموضوع وكبرت السالفه صح هذا اكبر غلط لكن انا كنت صدق فكر بالطلاق ساعتها ماعرفت شو اسوي يوم شفت صورت البنت وكلمتها
انا بعد نفسج ماعندي عيال من 4 سنين ويمكن هذا الشي او الفراغ الي يخلينا ننبش ورا رياييلنا
وانا بعد من يلستي في بيت اهلي رجعت بيتي ولين اليوم ريلي احس انه عنده سوالف البنات وموبايله 24 ساعه على الصامت وقبل ماكان يسويها والموبايل الثاني في السياره ماينزله البيت وانا يوم اتصله وهو بعد لازن لازم يكون عنده خط حتى ساعات اتصل الساعه 1 او 2 فليل بس انا حاولت قد ما اقدر اني اغير من اسلوبي وياه لعل وعسى يتغير او يمكن انا مقصره ويا بشي بس هو مايقولي لاني انا وااااااايد سالته انا قصرت معاك بشي عشان اتخوني؟ يقولي لا لا بس الي يدفعني لهذا الشي هو شكوكج فيني وعدم ثقتج
انا الحين لاحظ تغير بسيط جدا وان شالله بتغير اكثر اكثر
مع انه لين اليوم يكلم بنات وانا عارفه هذا الشي بس اتحمل واصبر لين ما الله يفرجها وادعي ريي دوم واقرا سورة البقره والريال مب من يوم وليله بيتغير او بيترك الشي الي اتعود عليه لازم يبادله فكره
انا الحين قمت ادلعه اكثر اكثر من قبل و24 ابوسه ويوم يطلع دوم اطرش له مسجات حب يعني كلام من قلبي مب شعر ودوم اساله اذا يبا شي مني واطبخ له الي يحبه واسويله مساج واستقبله يوم يرجع البيت بالاحضان والبس له البس مغري سكسي
والله يا اختي حسيت هذا الشي قام اييب نتيجه ولو بسيطه بس ان شالله مع الايام بيتغير
انتي حاولي تمسكين نفسج شوي حتى لو هو يخونج
ادري انه عصب والله انا هذا الي حاسه فيه
بس ان شالله بيتغير يوم انتي بتغيرين اسلوبج وياه وتعاملج
و

اسمحي لي أقولك انتي غلطانه

ليش تفتشين جوال زوجك ؟؟!

هذا ان دل يدل على عدم ثقتك فيه ويناقض كلامك ببداية الموضوع
طريقتك هذي راح تنفر زوجك منك

نصيحه فكري بعقلك أكثر من انك تتبعين مشاعرك

أول شي قولي له أبغى اكلمك بموضوع
اجلسي معه وصارحيه بأنك شفتي المكالمات بجواله .. صارحيه بأسلوب اعتذار
قولي له أنا عارفه ان اللي سويته غلط ومافيه شي يشفع لي الا اني أحبك واغار عليك

اطلبي منه تبرير .. قولي له اذا انت موب مرتاح معي اذا انا مقصره بشي قل لي
لكن هالشي مايرضيني ولايرضي الله ...

اذا أنكر انه يعرف الرقم حاولي تطلبين منه تبرير واضح
اهم شي ماتكونين في حيره .. لاتنهين النقاش اللي انتي فاهمه كل شي
طبعا لازم النقاش يكون باحترام ولاتفكرين تجينه بأسلوب الصراخ او المعاتبه لان هالأسلوب ماينفع مع الرجال

والله يصلحه يارب ويسخره لك

صح كلامج قوشه
وربي يهدي ازواجنا الي مطلعين عيونا
اللهم يسخر زوجنا لنا كما سخرت البحر لموسى عليه السلام
اللهم الف بين قلوبنا وقلوب ازواجنا
اللهم جملنا وعظمنا في اعيون ازواجنا
اللهم لاتجعل لهم ظنا في نسا غيرنا
اللهم حصن فرج ازواجنا من الزنا
اللهم ثبت قلوبهم على الايمان وعلى طاعتك يارب العالمين
اللهم ابعدهم عن الحرام يا ارحم الراحيم

صارحيه واعرفيه ويش اللي يدور في باله افضل لش

مرحبا حبيبتي ..


في البدايه الله يعينج يا قلبي ..

أنا من رأي انج تواجهينه و تقوليله انج تعرفين بكل المكالمات الوارده و الصادره و ان عندج الدليل لهذا الشي .. واذا انكر وقتها لازم تتصرفين بشكل سريع .. يا انج تكلمين حد من اهلج يدخل و يحل الموضوع ولا الموضوع راح يتمادى فيه و اله اعلم شو ممكن يصير بعدين ..

اختتتي خليه يعطييج جواااب ياسود يا ابييض يبييج يترك البناااات ما يبييج يكلم بنات

ههههههه ضحكتيني

اونه مو بتاع بنات ..

حبيبتي انتي تقصين على عمرج ولا تقصين على منو بالضبط؟

مو بتاع بنات يعني سيده .. يعني ملتزم .. يعني يخاف الله في اهله وعرضه

مدام في خش ودس و بطاقة من وراج و بطاقة جدامج و كل يوم اكتشافات يعني ببساطه ريلج يبا من كل بستان زهره


يبا زوجه حلوة تحافظ على بيته..

ويبا بنات يتسلى وياهم ..


انا ما بنصحج وبقولج سوي ولا تسوين .. انا بس حبيت اصححلج الغلطة اللي كاتبتنها في عنوان الموضوع .. بنات يكلمونه وهو مو بتاع بنات!! ليش حد ضربه على ايده وقال له يا فلان غصبن عنك رد عالبنات؟ ولا انتي طيبه زيادة عن اللزوم ومب شايفه الحقيقه اللي جدام عيونج انه ريلج برضاه هو اللي يدور عالبنات!


الله يهديج و يهديه ..

والله ما في بيت خالي من المشاكل ولكن اللي انتبهت اليه ان المراة تنهار وتستسلم من اول مشكلة وتختار اقصر طريق وهو الانفصال
لا والف لا ليش منافستك احسن منكي في شو وليش تتركي لها الجمل بما حمل يجب التمسك بحياتك لاخر نفس والدفاع عنها خصوصا وانك كما قلتي زوجك بيحبك ومتمسك بيك حاولي معرفة الموضوع ومراقبة تصرفاته دون التلميح لدلك او تنغيص حياته عليه بالمشاكل حتى يفر منك ويروح للطرف الثاني كوني قوية ودافعي عما هو لك الله يهنيك يا غاليةويهدي زوجك

الله يكون في عونج