معكرونة الاعشاش **لذيذة** بالخطوات من مطبخي

صبأحكم / مساءكم ... سعادة وأمل متجدد

قبل فترة كنت اتمخطر في المنتديات واشوف اكلات جديدة :D

ذي الايام واجد احب اطبخ ..خخخخخخخخخخخخخخخ

وراي جلسة 40 يوم في السرير بدون ما المس شيء

المهم .. طبقنا اليوم ((معكرونة الاعشاش)) الطبق كثير حلو ودسم لان

فيه جبن ومايونيز والحركات الحلوة الذيذة ..

الطبق نقلته من منتدى نسائي وطبقته في البيت .. والاهل اعجبهم كثير كثير

وان شالله يعجبكم انتوا بعد ..


المقادير

معكرونة الاعشاش ((تحصلوها في السوبر ماركات)) حفيت لحد ما حصلته ((اسمها في الكيس الشعيرية)) بس هي اصلا معكرونة



بصل مقطع شرائح + فصوص ثوم (مع بقدونس وزيت زيتون وخل) مخلوطة



خضار (طماط مقطعة صغير + فلفل اخضر رومي)



صدور دجاج مقطع صغير او حسب الرغبة



بصل اخضر مقطع شرائح او حسب الرغبة




الطريقة

اخذي المكرونه الاعشاش واسلقيها بالفرن بصينية الكب كيك او المافن عشان اضمن انها تحافظ على استدارتها .. اضفي عليها ماء .. او ممكن تضيفي عليها صلصة حمرا .. انا ما احب المعكرونة بيضاء بس لان هذا اول تجربة سويتها بالماء .. في الفرن تأخذ نص ساعة او اقل



بزري الدجاج بالثوم + الزنجبيل + الفلفل الاسود + الملح



خلي الدجاج في المقلاة بدون زيت .. مع الاضافات اللي اضافتها بالبداية ..



بعدها ب10 دقائق .. اضيفي البصل الاخضر



وخليهم يستون مع بعض ..



في مقلاة ثانية .. حمسي البصل مع الثوم ..



بعدها اضفي الفلفل الرومي



الطماط



بعد ما يذبل الطماط وينضج الفلفل .. اضيفي خلطة الدجاج مع البصل الاخضر اللي حضرناها سابقا



وبعدها اضيفي الذرة او بازيلا . ((اختياري))



اضيفي 2 ملعقة من المايونيز + جبن مبشور



قلبي عليهم .. لحد ما تتجانس المكونات



هذه الاعشاش صارت جاهزة .. وخليها في طبق الفرن



افتحي الاعشاش من الداخل قليلا .. واحشيها بالخلطة



هذا من قريب



وبعدها اخلطي2 ملعقة مايونيز + 2 جبن سائل + جبن مبشور ..



صبي خليط الجبن والمايونيز فوق الاعشاش


هذا اقرب


دخليهم الفرن من فوق وتحت لمدة 10 دقائق فقط

وهذا شكلها .. الجبن ساحت .. اممممممم يمي يمي


قدمتها مع البطاطا الاصابع



هذا اقرب


وبالهناء والشفاء