طريقه تخلي ملابسك تلق لق؟
ب
07-03-2009 | 06:47 AM
السلام عليكم
مابطول عليكم ابغى طريقه تخلي الملابس ناصعة البياض
والملونه زاهيه
والغامقه ماتطلع فيها بقع صابون لاني كل مره اغسل
اما تكون الملابس البيضاء مصفره
والغامقه تطلع فيها بقع
ابغى طريقه تنظف غسيلي بليز ادري البعض
يضحك علي لكن التعلم والارتقاء افضل من اني ابغى
ساكته وزوجي يعيب في غسيلي
w
07-03-2009 | 07:14 AM
حياتي افرزي الغسيل على حسب الالوان الابيض اغسليه مرتين وكل غسله بتغيرين الصابون ولافضل يكون اريال مع فانيس اتمنى اكون افتك
د
07-03-2009 | 06:30 PM
حبيبتي اول شي وزعي الملابس الابيض لوحده والملون لوحده
وبعدين عبي الغساله مويه وحطي كاس صابون مبشور وكاس اريل وشوي من زهرة الملابس ( نيله زرقا )
وبعدين حطي ملابس زوجك البيضاء ثياب وغتر وطواقي وشغلي عليها الغساله لاطفيت شغليها ثاني
ونشفيها وكبي المويه وعبي من جديد وحطي نفس الصابون الاول بنفس المعيار وحطي ملابس زوجك مره ثانيه وبعدين نشفيها وحطي مويه نظيفه وحطي شوي زهره لاتكثرينها شوي بس وشطفي الملابس البيضاء فيها والملابس الداخليه حقت زوجك اغسليها بنفس الطريقه
والملابس الملونه على حسب في شي تغسليه على يدك وشي بالغساله
حطي المويه والاريل والصابون المبشور في الغساله وحطي الملابس الملونه اللي تبينها طبعآ بدون ملابس داخليه واغسليها مثل ماغسلتي الابيض بس بدون زهره لمن تشطفيها من الصابون حطي منعم للملابس واشطفيها زين
والمناشف والملابس الداخليه نفس الشي غسيلها بس كل شي لوحده
والملابس السوداء حطي المويه وحطي معها شامبو خاص للاسود واغسليها وشطفيها بالمنعم حق الملابس
وراح تشوفين الفرق لو عملتي مثل غسيلي خبره يابنتي 22 سنه والله نظافه وريحه طيبه
اتمنى تجربيها وتعطيني خبر وش صار معاكي
هذه طريقة الوالده في غسل الملابس
اتمنى تجربيها ........
اتمنى تجربيها ........
ودعواتك للوالده
ب
07-03-2009 | 09:08 PM
الله يعطيكم العافيه ويجلهم في ميزان حسناتكم
خ
08-03-2009 | 12:26 AM
كلوركس مع الملابس البيضاء يخليها مره بيضاء مع معطر للملابس
وخلي الغساله تشتغل ع الملابس ثلاث دورات تقريبا
والالوان الغاامقه اعزليهم عن الالوان الفاتحه
وبس :)
وخلي الغساله تشتغل ع الملابس ثلاث دورات تقريبا
والالوان الغاامقه اعزليهم عن الالوان الفاتحه
وبس :)