ضيقة الخاطر والعين

صباح الفل والورد والياسمين على الحلوين
اخواتي انا دايم آخذ رأيكم في ما يعترضني من مشاكل او عقبات وهذا من ثقتي فيكم ومعرفتي بمدى ماتتمتعون به من روح التعاون و حب المساعدة ورجاحة الرأي , ولو اني كثرت عليكم في استشاراتي فهذا من العشم فيكم .. فلا تتضايقون مني
اليوم اللي باأمر فيه شوي غريب انا راح اقولكم الموقف وانتوا قولولي وايش رأيكم
يوم الأحد اللي فات عزمتني اخت زوجي على عزيمة في بيتها وقلت لها ان شاء الله , وانا كنت مجهزة للعزيمة ملابسي وملابس اولادي , لكن قبل العزيمة بيوم حسيت بضيقة في صدري لكن مااعطيتها هم وقلت ان شاء الله بتروح , بس هذه الضيقة زادت يوم العزيمة لدرجة اني حسيت نفسي راح اموت , ماني قادرة اروح يمكن تقولون لي قاعدة تفكرين بشي بالعكس المهم وانا قاعدة اصلح شعري قاعدة اتكلم مع زوجي وقلتله اذا مارحت العزيمة بتزعل علي , قالي لا هذي عزيمة حريم انا وايش دخلني , قلتله انا خلاص ماابي اروح وراح اعتذر منها قالي براحتك , المهم يابنات من يوم مااعتذرت لها حسيت براحة نفسية وعلى طول نمت ....
انا نفسي اعرف وايش سبب الضيقة كمان كان عندي صداع مايروح الا بالمسكن تتوقعون هذه عين والا حالة نفسية , واذا كان كذا او كذا وايش الحل ؟
على فكرة انا كل عزيمة من طرف اهل زوجي اروحها على مضض بس مايصير معي زي كذا , ونسيت اقولكم ام زوجي اتصلت علي اليوم الثاني وتقولي العزيمة ماكانت حلوة علشان انتي ماجيتي , بصراحة انا استغربت من اتصالها , وصارت توصيني اني اروح اكشف اشوف وايش سبب الصداع.