تطلقت من غير مااعرف ليه؟

الله يعينك يارب

اختي الغاليه لزم يدخل احد كبير بالموضوع
لزم ابوك او احد كبير يكلمه لان هالشغله ماينسكت عنها
وانتي حاولي تكلمينه وتفهمين منه شنو السبب
وفهمي منه اكثر شنو يقصد بعبارت
"زوجي صارحني انو مو مرتاح معاي "

لان بسم الله الرحمن الرحيم توكم متزوجين والمده لايمكن احد يبين انه مرتاح اولا الى اذا في باله شي او انه منجبر على الزواج لزم تفهمين منه كل شي وليش تزوجج ماطول انه مايبي يكمل معاج وربي يسر امورك ياارب ويعينك على هلمصيبه حبيبتي علشان انتي ترتاحين ولاتحسين انك مقصره او شي لزم تفهمين منه

اختي كان الله بعونك
حاولي تتصلين فيه وتعرفين منه السبب الي مضايقه منك وتتفاهمين معه بهدوء
او تتصلين في احد من اقاربه (خواته او امه او ابوه )عشان تعرفين ليه متضايق هالفتره
ولا اوصيك اختي بقيام الليل والدعاء لان سهام الليل لاتخطا
واقراي سوره البقره يوميا واكثري من الاستغفار يمكن عين او شي من هالقبيل ويروح
ربي يوفقك ويسهل دربك ويحل مشكلتك باقرب وقت
وودي اسالك هل حسيتي ان زوجك مو مرتاح معك او هو يعاني من امراض او ضغوط في العمل ؟
وكيف معامله اهل زوجك لك ؟
وهل زوج كان خاطب او مطلق قبل زواجه منك ولا؟

وطمننيني عليك يالغاليه

من باعنا برخيص بتراب ينباع

الله يعوضج باللي احسن منه ياارب .. واشكره بحياته وحده2 ماابي احط بذمتي استغفر الله العظيم بس كل شي جايز

هلا حبيبتي
خلي الولد والوالده يتدخلون وانتي كلمي ابوه واعرفي السبب

الله يعافي كل من رد علي

ونصائحك يا احلام فتاة غالية جعلها الله بموازين حسناتك

بس مااقدر اكلمه لانه مايعلمني بس يقول ماارتحت لك
ابوي مو مهتم كلش جنني عادي عنده واخواني شايلين يدهم من زواجاتنا

ايوه زوجي مطلق قبلي بس وهو معاي كان يخاف الطلاق مرررة


تتوقعون بيرجع لي والا ماعاد يبيني خلاص؟

دعواااتكم تكفون اليوم بس دريت عن طلاقي

الله يصبرك حبيبتي ولازم احد كبير يدخل بموضوع حتي لو اهلك رافضين او مطنشين

دخلي عمك خالك او احد لة كلمة وطبيعي انة ما يرتاح الازواج في الفترة الاولي

ما يرتاحو لبعض حتي يتم التعود والله يختار لك الخير وان شاء الله ازمة وتعدي

ويرجعك لذمتةوهو يمكن عند ضيق او خوف من المستقبل او خايف يكرر

فشل زواجتة الاولي وقال من بدري علشان لا يظلمك الله يختار لك الخير

مادام إنتى لما بتسأليه مش بيديكى عقاد نافع يبقى ما فيش قدامك غير الدعاء والإستغفار إدعى ربنا يقدر لكى الخير حيث كان ثم يرضيكى به لأنه إحنا ياما بنحب حاجات ونبقى شايفين من وجهة نظرنا إنها أحسن شيء لنا لكن يتضح لنا بعد كده إنها أسوأ حاجة حصلت معانا ....على كل حال أى كان اللى هيحصل بعد الدعاء والإستغفار أكيد هو ده الخير لكى وربنا يصلح حالك ويفك كربك ولو زوجك خير لكى ربنا يرجعه لكى

الله يصبرك ويعوضك خير خلي الوالد يكلمها وممكن نفسه بزوجته الاولى ويفكر فيها آو حسد لاسمح الله الي عليك تستغفرين بالالاف وتدعين ربك وربي بيعوضك ..

يمكن حسد عليك بالاستغفار ياالغالية والله يرجعكم لبعض

زي قصتي بضبط

الله يصبرك ويعوضك

اللي اشوفه انك ما تلحين عليه بمعرفة السبب الا اذا كنتي شاكة

انه سامع عنك شي سيء من حقك تدافعين عن نفسك وسمعتك

لكن طالما الموضوع انه مو مرتاح وخلاص طلقك وانتهى الامر


انصحك بالدعاء اللي دعت به ام سلمة لما توفى ابو سلمه
وعوضها الله بالنبي صلى الله عليه وسلم


انا لله وانا اليه راجعون اللهم اجرني في مصيبتي واخلف لي خيرا منها


والله يعوضك برجوعه اليك او بزوج خير منه

اله يجبر خاطرك ويصبرك اختي الغالية

لا حول ولا قوة إلا بالله وش ذول الرجال عشان ربي حط العصمة بيدهم يلعبون في بنات الناس شو يعني ما عجبتيه ما شافك وشفتيه .... وله يا اختي ما ادري وش اقول لك اذا اهلك هذا موقفهم وش تبين منه حسبي الله ونعم الوكيل دائما رددي حسبي الله ونعم الوكيل اللهم اجرني في مصيبتي وخلفني خيرا منها

لاحول ولاقوة الا بالله
ليش الطلاق اصبح كانه شى عادى جدا ومثل شرب الماء!!
وكمان انت حامل شو ذنب هالطفل الصغير
لازم تدافعين عن بيتك وزجك ولاتقفى مكتوفة الايدى وخليك قوية وواجهيه
البكاء والحزن ماينفعوا

اهاا لو عرف السبب بطل العجب اذا اهو ماخذ على هالسالفه حظرته صار عنده الطلاق سهل الله يجيرك ويعوظك بالي احسن منه وتكلي على المولى رب العالمين ماطول انه انتي تقولين

[SIZE=5]"ابوي مو مهتم كلش جنني عادي عنده واخواني شايلين يدهم من زواجاتنا"[/SIZE]

خلاص لاتكلمينه بس اذا بتبردين قلبج بكلمه ارسليها له على لسان امه او اخته او كلميه بنفسك قوليله حسبي الله ونعم الوكيل فيك وربي يهدي الى كل خير يارب ويسر امورك

راجل قالك بصريح العبارة ما يريدك .. وبعدها طلقك ..

مستغربة ...

انتي لسه تريديه وتفكري فيه ؟؟؟!!!!!

الله يصبرك اختي ويفرج لك

استغرب من تصرفات بعض الرجال !!!

يعني الحين لو كان العكس ان المرأة هي قالت للرجال أنا مو مرتاحة معاك بس بدون ما تذكر له سبب مباشر عن عدم الراحة شنو بتكون ردة فعله ؟؟؟

أوقات بعض لرجال تصرفاتهم تكون غير مبررة ولا مقبولة !!!

أختي انتي لازم تشركين أحد من اهلج وناس توثقين فيهم عشان يكون طرف للصلح ما بينكم وحل الأسباب ما في شي مستحيل

صح يفضل عدم تدخل الأهل بس بوضعك انتي لازم احد يتبين شنو بالضبط في نفسية الرجال

وأن هذه الأمور وسؤء التفاهم تحصل بس ما توصل للطلاق مهما كان هو ارتبط بإنسانة لها أحاسيس ومشاعر لازم على الأقل يتفاهم معاها ولا يخليها جذي في حيرة وبلا سبب

الله يوفقك اختي ويصلح ما بينكم ان شاء الله

الله يكون في عونك