اربيعتي اختي وابوي

بنات أنا من يوم كان عمري 12 سنه اختي الكبيره تعرفت على بنت وتمت البنت اتي بيتنا وصارت وايد وايانا..لدرجة بنات تخيلوا حتى الرحلات تروح معانا اي مكنا نروح تروح معانا..هالشئ ماكان يعجبني لا انا ولا اختي اللي اصغر عني بسنه..واختي الكبيره واهلي يشوفون هالشئ عادي..بنات تقعد واخواني الاولاد وابوي على نفس السياده ودق سوالف..جنها اخوانها..الله يهديها ويهدي اهلي يارب..
المهم بنات اختي اللي اصغر عني عرست واول ماعرست كلمت هالبنت وعلى فكرة بنات هالبنت طيبه وكنا نحبها..بس انا ماكان يعجبني انه تقعد وياخواني وابوي جنه اخوانها وابوها..بس في بيتنا عند اهلي هالشئ عادي..هالبنت قالت لأختي انه ابوي كان يسويلها حركات ويقولها كلام حلو وخطبها من ابوها وتمت تصيح هالبينت وانصدمت..واختي الكبيره قالتي نفس الكلام..بنات انا مادري انه هالشئ صح ولا غلط..لو كان صح ابوي غلط..ولكن الغلط الاكبر من اختي اللي دخلت اربيعتها وخلتها كانها وحده من العايله..والبنت اللي ماخلت حدود بينها وبين الشباب اللي بيتنا..
هالسالفه قبل 5 او 4 سنوات صارت..للعلم ابوي انسان ماعنده هالسوالف لكن الشيطان شاطر ومابقول البنت جذابه الله يعلم..

ولكن اللي قاهرتني البنت عادي ابوي يتصل ويسلم عليها وعلى اهلها ومرات يدق على موبايلها وهيه تطرش مسجات حق ابوي وانه مال العيد والجمعه..وتتصله..بنات لو وحده صار لها هالموقف بتتحشى هالشخص..ومابترد على مكالماته او بطرشله مسج..والا انتوت شورايكم

انا وايد تضايقت يوم شفت ابوي داقلها وهيه امطرشه مسج وداقه لابوي..وخبرتي اختي الصغيره وعصبت قالت هيه تقول ابوي سوالها حركات ليش تسوي جي قالتلي نبهي امي انا قلت لها لا كيف انبه امي اكيد بتصير مشاكل..قلت لها صبري اول شئ بشاور اخوي الكبير..

ورحت خبرت اخوي الكبير من اول شئ لاخر شئ..وقالي حرام يمكن هيه نتيتها صافيه وابوي يعتبرها مثل بنته وهيه تعتبر ابوي ابوها..قلت له كيف تعتبر ابوي ابوها وهيه تقول خاطبنها ويسولي لها حركات وقتله ولو بنت ثاني بتتحاشئ ابوي..
قال لاتنبهين امي استكي بتكبر السالفه انتي اصبري بنشوف شو يصير بعدين..يعني نصبر شوي.. وهالسالفه اليوم..
وعلى فكره بنات أختي الكبيره يوم ملجت..تخيلوا اربيعتها سافرت وخلص رصيد اربيعتها طرشت ريلها يدخل لربيعتها رصيد..يعني شوفوا وين وصلت السالفه..عيزنا ونحن نكلم اختنا لكن لاحياة لمن تنادي
وريلها مول ماكان يعجبه بس عشان يحبها صبر..

والله بنات منقهره وااااااااايد وخاطري اكلم البنت خلاص ماترد على ابوي ولاتتصل ولاتطرش مسجات مافيني بلاوي منحد..مافينا بيتنا ينهدم..ابوي انسان طيب وقريب من ربه..ومايقصر علينا بشئ..

شوروا علي بنات شو اسوي..
يزاكم الله كل خير يارب