يلي عملوا تلقيح صناعي و نجحت معهم

sara-gh;9037006:
أخواتي الاعزاء يا ريت ممن عملت تلقيح صناعي و نجحت معها تخبرنا عن عدد المرات لانو انا سويتها مرتين و الحمد لله ما مشي الحال و كنت ع اساس اعمل طفل أنبوب و حصل معي ظروف:confused:
و صعب اعملها السنة و انا عمري صار كبير شوي 36 سنة و اربع شهور و مقهورة كتير لانو كان عندي امل انو بالشهر الخامس رح اعمل طفل الانبوب و بما انو تغيرت الاحوال عندي بدي اعيش ع اي أمل أخر لذلك التلقيح الصناعي ارخص بس خايفة اعمل ع الفاضي وما استفاد و تتعب نفسيتي اكتر اسفة ع الاطالة بس انا بعرف انو ما لنا غير بعض و انا بعتمد عليكم بالمعلومات و يا ريت تفيدوني:16:

:

غاليتي ساره
بحاول اني افيدك بكلامي انا ما جربت تلقيح الصناعي بس اعرف ناس جربوها

مرتين وما نجحت معهم .. انا الي زمان متزوجه وتقريبا هلىء صرت بعمرك

تعذبت كثير عند الاطباء ومليت من كل شي اسمه ابر وادويه بس بقولك شي

حسب كل حاله ونوعها من العلاجات .. من جديد تقريبا قررت اعمل طفل انبوب

حتى ارتاح من كل علاج صغير حبيت ادخل على مستوى لاني فعلا تعبت

مشكلتي انا الانبوب عندي مسكر وما حدا خبرني برغم من زياراتي لأكثر من طبيب

عندي البويضات الحمدلله تستجيب لايا علاج والرحم تمام وزوجي الحمدلله بخير

قلت ليش ما اجرب هالتجربه مع انه الدكتور الحالي قاللي مفروض كانو يحاولو يفتحولك

الانابيب وتقريبا تكلفتها مثل الطفل الانبوب بس ما بضمنها لانه يمكن يرجع يقفل عندك

خبرته انه انا تعبت من كل شي اسمه علاج واطباء ما بدي لسى استنى ..

بلشنا بالعلاج والابر لتحريض البويضات واتكلنا على الله وكان الدعاء معي مستمر

كل وقت صلاة وقبل طلوع الفجر مع الاكثار من الاستغفار ،، صدقيني الحمدلله

اول مرة بساويها وطلعت حامل بتؤام ما حدا صدق اني احمل بعد 20 سنه من زواجي

لكن الحمدلله بفضل الله ما كملت ست شهور الا فتح رحمي وبالرغم من هيك

عملولي عمليه جراحيه حتى يحاولو ينقذو الطفلتين بس عاشو 3 ايام وماتو

لانه الروايه مااكتملو وما شفتهم .. مريت بحاله صعبه جدا . رجعت استعدت

قوتي بعد سنه وحاولت اعمل عمليه تانيه وهلىء الحمدلله بفضل الله سبحانه وتعالى

حامل ودخلت أول شهر الخامس ..

يارب كون قدرت وصلك الفكره انه لا تيأسي من رحمة ربك أولا ,..

وبعدين لا تتعذبي اذا مشكلتك مش كبيره اعملي طفل انبوب وارتاحي

وهيدا اكيد شغل الله لانه انا نسيت خبرك اني عملتها مرة تانيه وما نجحت معي

وهون كان الاحباط اكبر عندي لانه كانت مشكلتي كمان التكلفه .ورجعت قررت عمليه

الثالثه هلىء حاليا الحمدلله حامل بجنين واحد ..

يارب يفرح قلبك وتحملي عاجل غير اجل

اللهم ثبت حملي لا تحرمني منه يارب ..