السلام عليكم
لي فتره واتابع هالقسم .. حبيت التعاون اللي بينكم واشلون تسآعدون بعض ولو بالكلام والدعاء
قلت اعرض مشكلتي ماعندي حد أقدر افضفض له
أنا تعبآنه وآآيد لااا كلمه تعبآنه شوي على اللي انا فيه
رجاءاً يابنات لحد يجرح بالردود لان والله اللي فيني مكفيني
المشكله
اني عرفت واحد بالنت لمده 3 سنين وهو اصغر مني بسنه .. بالبدايه انا كنت حآطه ببآلي ان هو مجرد شخص اعرفه بالنت يعني بس اسولف معااه وخلاص .. وتراني ماعرفته من الشات
وكنت اقول مستحيل أحبه ومستحيل احب واحد بالنت كنت من النوع اللي اقول انه حب النت خرابيط والحب اصلا ومو موجود بهالوقت ,
وبعد مده هو اعترف لي انه حبني .. بس انا ماخذت الكلام بجديه قلته انت اخو عزيز اعرفه بالنت ومن هالكلاام ,,
وبعد مده هو اعترف لي انه حبني .. بس انا ماخذت الكلام بجديه قلته انت اخو عزيز اعرفه بالنت ومن هالكلاام ,,
بس اللي صآر بعدين اني حبيته واايد .. صرت اشوف كل يوم بالمسن ,, والله العظيم اذا مر يومين ماشفته
حآلتي تصيير حآآله ويومي اقضيها كله بالغرفه وبصيااااح ..واقول ياريتني ماعرفته من البدايه وياريتني ماكنت اعرفه ,
مع اني كنت اعرف رقمه بس ماكنت اقدر ادق عليه ..
مرت هالثلاث سنين بحلوها وبمرها وياكثر ماكنا نتهاوش ونرجع نتكلم .. كان يقولي احنا مهما تهاوشنا مردنا لبعض
وهو كذا مره طلب مني انه يكلمني لانه ماصار يقدر يدخل النت وايد بس انا كنت راافضه هالفكره
وكم مره قالي انا ابيج وشاريج ومستحيل أأذيج
ومن كم يوم اشتقت له وطرشت له مسج وقلت وخل يكون بينا مسجاات لين اتعود وبعدين نتكلم هو استانس وااايد وقال اوكي
الحين تقريبا صار لنا 3 ايااام واحنا بينا مسجاات
بس انا خااايفه وضميري يأنبني لاني اكلمه بالمسجات وبنفس الوقت أحبه وااايد ..
ادري بتقولون اللي اسويه غلط
بس مو قادره اخليه مو قادره اتخيل ايامي بدونه.. صرت أفكر اغير رقمي من غير مااقوله ,,
واشرح برساله بالايميل بأني ماكنت مرتآآحه من هالحاله بس ماابي اجرحه
وحتى لو غيرت رقمي وماعدت اتواصل معاه ادري ان ماراح اكون مرتااحه ونفسيتي بتتعب اكثر مما انا تعباانه
وزني صاير 43 وداايم بالحجره واصيح
انا الحمدلله اصلي وأقرأ قرآن
ومن أقرا القران اصيييح من التعب اللي فيني
ومن أقرا القران اصيييح من التعب اللي فيني
أدري الحين بتقولون اني غلطت يوم كلمته من البدايه في المسنجر ,, بس هالشي خلااص صآآر ومااقدر ارجع الزمن لورا ..
من اذكر كلامه قلبي يعورني ,, شسوي اذا حنييييت له .. احس اني مخنوقه مو عارفه شسوي