الله يخليكم حل لرائحة الفم

زوجة نايف 05-03-2009 7 رد 1,486 مشاهدة
ز
هلا خواتي الله يعافيكم ابي حل لرائحة الفم الكريهه:(:(:(
عجزت ادور اللي تعرف تحطلي روابط بنفس المنتدى
الله يجزاكم خييييييييييييييير الجزا
ح
هلا اختي استخدمي خلطة بنت عذاااري
او روحي لدكتور اسنان يمكن عندك مشكله فيها
و
حبيبتي رائحة الفم مصدرها اولا المعده حاولي تنظفين معدتج بين فترة وفتره بالمسهلات المتوفره في الصيدليات او عند العطارين لو حابه الوصفات الشعبيه ..

ثاني شي لااازم تنظفين اسنانج كل ست شهور عند طبيب اسنان لان الجير والاكل المتراكم سبب ثاني للرائحه.. ولو انتي مركبة جسر (سن صناعي ) بعد بيكون سبب قوي للرائحة لان مرات السن يرتخي ويترك فراغ في اللثه وتتراكم الاطعمه بداخله..

ثالثا غسلي اسنانج بالطريقه الصحيحه ولا تنسين فرك اللسان لانه مرتع للبكتيريا اللي تسبب الروائح وفي فراشي اسنان تجي مزدوجة للاسنان واللسان .
رابعا راقبي اكلج وكثري من الخضروات والألياف وابتعدي عن الدهون ونصيحه مني كثري من شرب الدراسين (القرفه) عن تجربه يعتبر مطهر فعال للمعدة من البكتيريا خصوصا ايام الدوره..
م
اضيف على اللي ذكروه الاخوات اللثه يمكن عندج التهاب فيها.... الله يعافيج ان شاءالله
-
الاخوات ماقصروا ..
انا اقولج اول شي سوي اللي قالت لج عليه وطن عمري
واذا مانفع روحي للدكتور ... ممكن المعده فيها شي
+ استخدمي المضمضه بعد غسيل الأسنان

"" النعناع + الهيل "" تطيب الريحه
a
لالالالالالالالالالازم طبيب آسنان لانها ممكن تكون مشاكل في اللثة وهوا يعالجها لكي
ر
المواضيع كثيره في المنتدى

ممكن التسوس يكون السبب الرئيسي للرائحة فالأول روحي للطبيب وبعد تحديد المشكلة يسهل الحل بإذن الله
و
زوجة نايف حبيبتي رفعت موضوع لانج نزلتي استستفار عن غسول الفم لبنت عذاري..الغسول جيد ولكن ياليت تقرين نصائح البنات ..لان المفروض تحلين مصدر المشكله الغسول مجرد وصفه للمحافظه على نفس منعش..

تقبلي مروري
X