علموني يابنات اش افضل مسحووق غسيل للملابس الملونه....؟؟؟ طفشت

samsoma;9027031:

أختي قد تكون طريقتك في الغسيل هي الخاطئة

على العموم زي تايد ماراح تلاقي للأبيض والملون

بالنسبةللملون حاولي ماتخليه في الغسالة كثير .. يعني ملابس البيت وش بيوسخها أنا أخليها نص دورة بس في الغسالة وعلى إختيار الغسل اللطيف

وبالنسبة للموية لا تستخدمي الماء الحار .. الفاتر الأقرب إلى البارد هو الأفضل

Burberry Girl;9027163:
هلا حبيبتي حق الثياب الملونة او الي باللون الاسود ما نستخدم الصابون (تايد وأريل) نستخدم شامبو لهم

انا اشوف امي تشتري شامبو احمر غرشة كبيرة الي مكتوب عليه حق العبايات او مكتوب عليه للشعر تشوفينيه في السوبرماركت

لان الصابون( تايد وآاريل وغيره) بس للثياب البيض او الفاتحين كلش ما يصلح للملونين يخربهم

اتمنى ان افدتج وادعي لي بالخير

سوسني;9027219:
انا بعد حق الملابس الملونة استخدم شامبو العبايات يخليها نظيفة وريحتها حلوة وابدا ما يتغير لونها جربي واكيد بيعجبك بس اخذي نوعية ممتازة من الشامبو

الاسطوره المحطمه;9027271:
انا استخدم للملابس الملونه والسوداء
صابون سائل حق الصحون من داك بريحه نسيم البحر جناااااااااااااان مايخرب الالوان من دون اي اضافات بس صابون داك والماي الفاتر بس اما البضاء استعمل لها تايد بس
معروفه الالوان مايستخدم لها غير الصابون السائل علشان مايبهتها مثل قمصان النوم وقمصان البيت وملابس الاطفال والعبايات واي شيء ملون او اسود

اتمنى اني افدتك حبيبتي

احلى من عروس00;9027385:
اما انا استخدم كلوركس للملابس الملونه مع تايد او بونكس
جنان نظافه وريحه حلوه وفيه منه ازرق ووردي وكلهم حلويين
اما الملابس السوداء(((العبايات))) فاستخدم لها شامبو مخصص لها

ليال;9041108:
تسلميين اختي
بس كيف بونكس تمام والا لا
انا وحده قالتلي انه مو قوي عالملابس زي اريل يعني تشجعيني اشتريه للملابس الملونه....؟؟

أم ملاذ;9048823ا:
صااابون تااايد روووعه

وفيه صابون بزيوت الطبيعيه تلقينه في كل مكان شكله مثل صابون الحجر اللي نسبح فيه يعني قطع

وسعره رخيص وااايد في منه ماركه الوزير وماركه التاج وفيه ماركات وااايد حلوه ومنتجها مكن لبنان

كمام الأمل;9088978:
حبيبتي تجنبي تستخدميين ماي ساخن مع الملابس السوداء والملونه لاانه يبهتها ويطلع وبر فيها يعني خلي الماء بدرجه حرارة عاديه ولاحظي الفرق.والملابس السوداء ابدا ما ينفع لها صابون لازم شامبو وفي شامبوات خاصه ماركات معروفه ورخيصه نفس برسيل للعبايات

VIP Lady;9092800:

مشكلتج اتوقع معظم البنات يعانون منها ,, خصوصا ان احنا ما كنا متعودين على الغسيل لما كنا في بيت أهلنا

أنا كنت استخدم تايد للملابس السوداء والنتيجة ملابس باهتة وتفشل .. حتى استحي ألبسها

بعدين قالولي عن الشامبو الي يتكلمون عنه البنات ,, شامبو في غرشة كبيرة ريحته حلوة و سعره رخيص ما يتعدى الدينار ,, ومكتوب عليه للعبايات

صاحبة الظل الخفي;9093727:
انه استخدم تايد
وسمعت ان فانش حلو