ارجوووووكم عطوووووونى حل

الله يعينج خيتو اسمحي لي يمكن طريقتك خطأ من البداية لان الكمبيوتر مب زين للاطفال ..عذرا
ثانيا اذا تريدن الطفل يقلع عن هالعادة اخدي له البديل بين يديه(قصة مجلة صور ) وعوديه انج تخصصين وقت تقعدين معاه وتقرينهم وتصفحين معاه .
حاولى تجيبي نفس القصص اللي كان يشاهدها بالكمبيوتر واذا ماحصلتي انسخيهم وطبعيهم له
تقبلي تحياتي

افكار الاخت ام زهاااري كتيير حلوة ومنطقية جربيها
واعتقد ايضا اختي ان ابنك يحس بملل وزهئ ولما شاف هالرسوم ماصدق ولقى شي يشوفه
ليش ماانتي تخصصي وقته وتقسميه مثلا اطبعيله عدة رسوم تكون كبيرة وواضحة واعمليهم مثل كتاب
وخليه مرة يلون ومرة يرسم ويشخبط ..... مرة يشوف الرسوم
جيبيله العاب تعليمية مثل اللاب توب حق سور القرأن وفيه اعداد واحرف وكلمات ... والعاب ثانية راائعة تلاقيها عند التعليم المبكر او فناتير ...
الخلاصة ابتكري ونوعي لطفلك وخليه يستفيد من وقته وبالتالي انتي راح تلاقي الوقت اللي تجلسي فيه مع نفسك وتاخدي اقساط من الراحة ... وربي يحفظه لكم

ابحثي عن شي اخر يحبه ويشد انتباهه
لعبة جديدة...قصص مصورة بمواضيع جديدة
في هذا السن يحب الطفل اللعب مع اقرانه
ساعديه على تكوين صداقات مع ابناء الجيران او الأقارب
اجعلي له وقت محدد وثابت لمشاهده القصص على الجهاز
واصبري واثبتي.....فالروتين الثابت يساعده على فهم القواعد المطلوبه
الله يسهل أمورك

نفس حالتي مع عيالي يبون الكمبيوتر على طول عندهم
والحل اني اخذت لهم جهاز دي في دي وركبته على التفزيون واخذت لهم دي في دي توم اند جيري وحتى تجي مع مجلة سبيس تون دي في دي قصص اسلامية بالصوت والصورة

اخذي له دي في دي مع سيديات كرتون بارني وتوم اند جيري و تليتابيز

راح يحبهم كثير

وفيهم اشياء مفيده

البنات كفوو ووفوو

مشكورات اخواتى والله ما قصرتوا
الله يجزيكم خير