إعادة تعبئة لصينية جوكليت.. وصينية فواكه

تذكرون صينية الجوكليت مالت بيبي مريم؟؟

http://www.3roos.com/forums/t402457_post7817047.html#post7817047


مرت أخويي سوت استقبال إلى بنوتتها قبل محرم بأسبوع ..

كنت أمبي أنزل الموضوع قبل بس صار شهر محرم وصفر قلت ما بنزله
وألحين قررت أنزله

المهم .....جابت ليي مرت أخويي الصينية مرة ثانية مع جوكليت وخلتني أنسقهم بنفسي

بالإضافة إلى صينية فواكه مقطعة


وهذي هي خطوات العمل:

هذا الجوكليت



ربطته بشرايط ولصقت عليه فراشة أو وردة أو سهاية صغيرة



وقمت صفيته في الصينية







وبعدين عقب ما كملت الصينية لاحظت فيها فراغات لأن الجوكليت مربعات وبين بعضهم البعض تصير فراغات ولازم أملأها بشي

لهذا.. نثرت عليه كرات شوكولاته + حلوى فضية اللون



وهذا شكلها النهائي





بعدها مرت أخويي جابت ليي فواكه.... وقالت ليي قطعيهم قطع كبيرة شوي وصفيهم في صينية للمعازيم عشان يتقدم مثل البوفيه واللي يبي يحط له بملقط طعام أو شوكة (يعني سلطة فواكه بس مو مخلوطة)

وآخ شكثر انكسر ظهري واني اقصص في الفواكه والكمية كبيرة

الصينية مو ذاك الزود.. يعني اني ما عجبتني عدل بس الناس واجد عجبتهم وبالذات اللي يحبون الفواكه حسوها مغرية

وهذي صورها بس في الطبيعة أحلى



الفواكه عبارة عن

أناناس في الوسط
عنب وفراولة ويوسفي على اليمين واليسار
أعلى اليمين مانجو
أعلى اليسار بطيخ
أسفل اليمين بابايا
أسفل اليسار كيوي
وفي الأطراف حطيت عنقورة الأناناس
ونثرت فوقهم حبات الرمان

طبعاً الصينية كان فيها على الأطراف (أو مسكاتها) وردة وشريطة بس ما لصقتهم إلا في الأخير حزة التقديم ونسيت أصورهم!










تحايايا