جبتي بنتين ورا بعض

انا امنيتي ان الله يرزقني بحملي الاول والثاني بنات عقب امبي صبي

بس كل شي يجي من عند الله نعمة

اهم شي الصحة حبيبتي

حلو انك تجيبين بنتين ورا بعض حتى يصيرون صديقات يلعبون مع بعض

وكلهم نعمه من رب العالمين لمهم الخلقه التامه

وان شاء الله ربي بيرزقك بالولد عاجلا ام آجل

ولاتحطي في بالك كلام الناس

واذا حد تكلم قولي لهم انك فرحانه بالبنت ومو هامك الولد

وافرحي بحملك وولادتك وتربيه بناتك ولا تعطي كلام الناس اهتمام

موفقه يارب

تسلمون لي ياكل الحياه انتوا يابنات عروس والله انشرح صدري بردودكم والله يعلم اني ماني معترضه لا وربي بس اللي حولي محسسيني بهالشي

الله ينول لكل وحده ردت علي وعطتني من وقتها شوي مرداها ياحي ياقيوم ياكريم ..

احبكم كثير

هلا اختي خلي كلام الناس ورا ضهرك وعيشي حياتك,,,
انا عندي بنوته واتمنى اجيب بنت اذا حملت ان شاء الله,,,

مشكورات حباييبي وتسلمون لي يارب ..

اختي الحمد لله واني احب يكونو بنات ثنتين ورى بعض وبعدين اولاد وراى بعض

وقولي لهم احسن ابغى وحده تلعب مع بنتي تكون اخت وصديقه


وان الموضوع مايفرق معك اهم شيء الصحه والعافيه

على البرررركة يالغلاااااااا
والله يتمم لك على خيررررر
ومافي فرق بين بنت او ولد
واللي يجي من الله حياه الله
واهم شي الصحة والعافية والخلقه التامة

ولا تزعلين ولا شي
انا عندي بنتين ورا بعض
والثالثة بالطريق الله يجيبها بالسلامة
ولا علمت احد ان اللي فيني بنت
لدرجة ان الناس يحسبوني مسوية لهم مفاجأة وفيني ولد<<<وش دخل امهم اسويلهم مفاجأة
وبحملي الثاني والثالث الكل كان يتوقع لي ولد
والحمدلله نتمنى ولد بس تقبلنا الخبر بكل صدر رحب
هذي عطية رب العالمين
واكيد كل رجال نفففسة بولد بس مو بالايد
الله يقومك بالسلامة

اختي اعتقد الأمهااااااااات العرايس ما قصروووووا,,,

كفووو و وفوووو,,,

احمدي ربج,,,و قولي يالله بالصحه و العافيه و السلامه لي و لبنتي,,,
و قوي إيمانج بالله الخالق العزيز,,,
و ماعليج بالناس,,,الناس هالأيام ناس فاااااااااااااضيه
ما عندهم شي,,,حتى بالحمل و الاطفال و انواعهم مسوينها سالفه,,,<<عندهم ضعف أيماني..أعوذ بالله..
خلييييج منهم و خلييييج باااارده و ردي عليهم برد إيماني قوي((الحمدلله على كل حال))
شفرقت!!!!
بنت او ولد,,,كلهم نفس الشي بالتعب و التربيه و بكل شي...
الله يكون بعونج و خليج عاااااااااادي...الله يسهل عليج و يخليها لكم يارب,,,

انا جبت بنتين ورا بعض
وكان حملي الأول متعب وحملي الثاني خفيف ولله الحمد

سبحااااااااااان الله

واللى مش لاقين ضافر عيل يعملواااااا اية

اللهم لا اعتراااااااض

وتجهزى كلام للناس لية
سيبى اللى يكلم يكلم
وبدام انتى راضية وموافقة
ربنا يكملك بعقلك ويكمل حملك ع خير

هلا خيتووو
ابد لا تزعلي
انا عندي بنت واللحين حامل
طبعا وحامي هالمرة غييير مرة غيييير
وللحين ماعرفت جنس الجنين
بس الكل يقووول لي شكلش بتجيبي ولد
انا اقوول لهم اللي يجي من الله حياه الله
بس انا اتمنى بنت تكبر مع اختها وتلع معاها واحط بغرفة
اربيهم مع بعض واتسووق لهم مع بعض
والله البنات حلوووين
وان شاء الله الله يرزقش بالولد في المرة الجاية
بس اذا قالووو شي قولي لهم بالعكس
انا ابي بنت تلعب مع اختها وتربى وياه ويكبروون خوات وصديقاات
عقبااال عندكم ولا تحسسيهم انش متضايقة

الحمد لله على عطية رب العالمين

شوفي الغاليه انا حالتي عكسكم ..

اهل زوجي كانوا يتريوني احمل عشان اييبلهم بنوته .. بحكم ان زوجي ما عنده خوات ولا خالات

ويوم حملت بعد زواجي بشهر ونص استانسوا وبدوا بالنغزات انهم يبون بنوته وما يبون ولد .. اول شي كنت اسكت وابلعها لكن طفح الكيل قلتلهم شوفوا بنت ولد انا ما تفرق عندي وانا عن نفسي اتمنى يكون بكري ولد والحمدلله الله عطاني ولد قامت عمتي عشان تقهرني تبنت بنت من عمر ولدي واصرت الا ارضعها لكن انا رفضت .. المهم عقب 8 شهور حملت مرة ثانيه توقعي شو قالتلي اول ما قلتلها اني حامل ..؟؟

قالتلي انتي لو تموتين ما تييبين بنات لانه عمج(الي هو ريلها ما ياب بنات) ويوم كشفت وعرفت انها بنت ما صدقتني الين ولدت .. والحين حامل بعد ببنوته لكن ما خبرتها ... لا هي ولا اي احد من صوب اهل زوجي .. لانهم مو ويه نعمه يشرطون كاني مكينه ..

نصيحه مني ما عليج من كلام الناس .. عوار قلب وراس خليج بعيده عنهم خلي ردج لهم ... (( الحمدلله على النعمه والي يجي من الله حياه الله .. اهم شي يكون كامل الخلقه ..))

والله يتمم حملج وحملي وحمل كل الخوات على خير

والله ياحياتي نصيحه مني
اي احد بيتكلم والا يعايرك
احلى كلمة تردين وتقولين الحمدلله على عطيه ربي
والله راح يستحون من حالهم ..
وبعدين بنت والا ولد مو مهم اهم شئ الخلقه الكامله الزينه والله يساعدنا على تربياتهم

حبيبتي قوليلهم هاذي نعمه من رب العالمين والحمدلله غير ما عنده لا بنت ولا ولد

قوليلهم هالحجي وهاذي كتبتة ربج

السلام عليكم

الاطفال نعمه من رب العالمين
ربي ما يحرم احد من اللذريه الصالحه

يا اختي انا عندي بنوته والحين حامل في بنوته حلوه مثل اختها
وانا العكس سبحان الله تمنيتها بنت تتربى مع اختها وتصادقها لاني تربيت بين اولاد وكنت احسد البنات اللي عندهم خوات وانا لا
وفرحت بخبر انها بنت
وكل همي بحملي انها تكون سليمه معافاه وما ابي اكثر من كذا
صدقيني احلى شئ بنتين ورى بعض او ولدين ورى بعض اهم شئ مثل بعض
ربي يتمم حملك على خير
وبنااااااتك سندك وبكره يوقفون لك ويدافعون لك ويشيلونك في كبرك
ربي يحفظلك بناتك وبناتنا اجمعين
تقبلي مروري

خالتي عندها 3 بنات ورا بعض وزوجها يموت في بناتها ويوم جابت الولد صح فرح بس ماحبه مثل ما حب بناته
ترى الرياييل يحبون البنات اكثر
بس يبون الولد عشان يشيل اسمهم

صراحه أنا أخاف أحدد إذا أبا ولد ولا بنت

ما تعرفين منو اللي تربيته بتكون سهله ومنو اللي ما بيتعبج ومنو اللي بينفعج فحياتج الولد ولا البنت

أهم شي الصحه والعافيه والأخلاق

والله يتمم لج على خير

الزوج هو اللي يحدد بنت أو ولد لأن الزوجة عندها جين واحد بس بينما الزوج الجينين

وأهم شي الصحة و العافية