يا بنات السعودية ،، سؤال ،،(المدينة + مكة)

:confused::confused: حرام عليكم ولا وحدة ردت،،،،،،
والله حرااااااااام

عندك مسك اسمه مسك العروس من القرشي في سائل وفي حجر الأثنين روعه وتقريبا السائل 70 ريال والحجر القطعة 20 ريال

شكرا اختي ،،، خليني اسجله الهم ،،،،
شو في اسم عطور بتعرفيها حلوة وبتنصحيني فيها

هلا فيك اختي بالنسبه للتسوق في جده

اذا تبغي عطور عندك محلات وجوه في كل المولات او قزاز او باريس غاليري انا عن نفسي احلى العطور عندي ميريكال و لوليتا لمبيكا و ايليان و نينا ريتشي .واذا كنت تبغي بأسعار الجمله خليهم يروحوا الكورنيش فيها كل العطور والمكياج بسعر الجمله .
اما العبايات :عندك شارع التحليه فيه كم محل ،سوق الحفني ،وتقريبا كل المولات فيها محلات عبايات لكن اذا كنت تدوري على اسعار مناسبه فيروحوا سوق مجمع الشرق فيه محلات كثيره للعبايات واذا تبغي اسعار رخيصه للعبايات فعندكم سوق البوادي ممكن يفيدكم.
اما عن الملابس احسن المولات عندنا عزيز مول, الاندلس مول ,مجمع العرب,ردسي مول,شارع التحليه تلاقي فيه كل الماركات العالميه .اذا كنت تبغي ملابس باسعار معقوله عندكم ستي ماكس وليه فروع كثيره واحلى شي اللي في التحليه.
بالنسبه لفساتين السهره:عندنا سوق لمسات بحي البوادي,مركز الحفني بالتحليه,عزيزمول, جده مول بالتحليه.
بالنسبه لمسك الطهاره فا احسن شئ اللي عند القرشي ومكانه بشارع التحليه.
اما عن زيت الحشيش فما عندي علم من فين يبيعونه .
ان شاء الله اكون افدتك وعمره مقبوله لاهلك بأذن الله.

بس الاخت تسئل على الامكان في مكه والمدينه

وياريت احد يفيدها من اهل مكه والمدينه

فتاه حالمه;9034214:
بس الاخت تسئل على الامكان في مكه والمدينه

وياريت احد يفيدها من اهل مكه والمدينه

اختي اكيد اهلها مدام جاين عمره راح يمروا على جده وبعدين ايش الفرق بين جده ومكه كلها ساعه او نص ساعه ومع اني عايشه بمكه بس ماعرف عنها ولاشي غير الحرم وسوق الحجاز وسوق الضيافه لاني اصلا كنت عايشه بجده .

السلام عليكم الله يحييكم اختي عندنا في السعوديةانا اول قبل زواجي كنت ساكنة في المدينة و عندك بالنسبة للعطور عندك محل اسمه قزاز و محل وجوه و باريس غاليري فيها مجموعة كبيرة من العطور كلها تقريبا موجودة في مركز امام الحرم النبوي اسمه مركز طيبة فيه محلات كثييرة راح تعجبهم خليهم يجربو و الرائحة اللي تعجبهم يجيبوها لك و بالنسبة لمحلات العبايات و الملابس عند سوق بلال و المحلات اللي في سوق قباء كلها مررررة حلوة و كمان للمسك الاصلي فموجود عند عبدالصمد القرشي و لهم فرع جنب الحرم و سعره التولة ب250 ريال و بالنسبة لزيت الحشيش خليهم يسألو في الصيدليات او محلات العطارة اكييد راح يلاقو عندهم و اي استفسار انا حاضرة حبيبتي

اهلا وسهلا باهلك بالمدينه كل الاغراض اللي تبغينها موجودة في الاسواق اللي جنب الحرم النبوي

عندك بالمدينه سوق اسمه مجمع النور سوق رائع وعندك سوق الراشد مول ..........

وبخصوص المسك فيه اسواق صغيره حول الحرم فيها مسك وبخور ريحته تخليك تتخذينه غصبن عنك هع
زيت الحشيش ﻻتأخذيه من اسواق الحرم او اي سووق فقط خذيه من العطار او الصيدليه