ابي منكم رساله قويه تهز زوجي

شو المشكله اللي تبيلها حل بالرسالة يعني عن شو موضوعها

هلا السلام عليكم اختي عزوزات هي طريقة حلوة منش انش اتوصلين الي في خاطرش بالرسالة ولكن اشلون تبيغين طبيعة الرسالة اني ماانصحش انش تبتدين الرسالة بالعتاب ودائما في بداية الحياة الزوجية اصير الخلافات لان كل واحد منكم راح يكون الية اطباعة وسلوكياتة وتركبيتة فكل واحد منكم يحاول يثبت شخصية على الاخر واختلاف الارئ والتفكير ......لكن هذا مايمنع المحاولة لتفهمون بعضكم والتنازلات في بعض الاحيان والله يساعدش خيو وغالبا عنصر المراة هو المضحي في هذة القضية ولكن المفروض مو في جميع الاوقات علشان لايستضعفها الرجل ومسامحة حبيبتي طولت عليش

ذرة البحرين 5;9004623:
هلا السلام عليكم اختي عزوزات هي طريقة حلوة منش انش اتوصلين الي في خاطرش بالرسالة ولكن اشلون تبيغين طبيعة الرسالة اني ماانصحش انش تبتدين الرسالة بالعتاب ودائما في بداية الحياة الزوجية اصير الخلافات لان كل واحد منكم راح يكون الية اطباعة وسلوكياتة وتركبيتة فكل واحد منكم يحاول يثبت شخصية على الاخر واختلاف الارئ والتفكير ......لكن هذا مايمنع المحاولة لتفهمون بعضكم والتنازلات في بعض الاحيان والله يساعدش خيو وغالبا عنصر المراة هو المضحي في هذة القضية ولكن المفروض مو في جميع الاوقات علشان لايستضعفها الرجل ومسامحة حبيبتي طولت عليش

بقول لكم قصتي انا متزوجه من اربع سنوات وسبعه شهور اول سنة زواج مابيننا اي شي لايتكلم معي ولايجلس معي حتى معاشره مافيه لانطلع مع بعض وهو حياته دوام انترنت افلام واستراحه مع ربعه هذه اول سنه مرت كذا وبعد السنه صار الي حولي يسألون ليه ماحملتي ليه مانشوفك تطلعين مع زوجك صار يضايقني كلامهم وقلتلي صديقتي اني لازم اتكلم معاه واشوف وش فيه
وتشجعت وكلمته طبعا عن طريق الجوال الانه مايجلس معي ولاني اخاف منه وماني متعوده عليه قلت كلمتين كنت حافظتهم من صديقتي انه ابي اكون ام وعندي اطفال واني ابي اعيش حياه طبيعيه رد علي بكلمه وحده يصير خير وسكر الخط وبعد شهرين صار فيه معاشره بس هذا الي تغير في حياتي صارت المعاشره كل شهر او شهرين مره وحده لين كملت سنه من العلاقه وسنتين من الزواج حملت الحمدلله فرحت قلت خلاص بتتغير حياتي و زوجي اول ماعرف اني حامل هجرني وتركني الان ولدي عمره سنتين وشهرين وحياتي مثل ماهي بس صار يقعد في البيت علشان ولده يلعب معاه يموت فيه صار ولده في حياته كل شي وانا ولا شي وانا الان اخر سنه في الجامعه وقررت اول ما اخلص الجامعه اطلب الطلاق بس قبل الطلاق ابي احاول محاوله اخيره واكتب له رساله اقول فيها الي في نفسي وخاطري وعن الحرمان الي عيشني فيه طوال هالسنين
اشوف صديقاتي يتكلمون عن ازواجهم وكيف مدلعينهم ومعيشينهم في سعاده ورغم كل هذا صبرت
وتحملت الحرمان مايمر يوم الا وانا ابكي واتحسف على حياتي
قصتي طويييييييييييييييييييييله
يالله ساااااااااااعدوني الله ليحرمني منكم

اختي انتي زوجج يحب وحدة ثانية ؟؟
يعني انتي موملاحظة عليه اي شي يخليج تعرفين ليش مايعاشرج معقولة ماعرفتي مافي شي في الدنيا بدون سبب

مع انه المفروض ما الومش على شي طاف بس الخطأ من البدايه انش طرحتين الخيار الي تبينه وهو الخيار السهل بالنسبه الى زوجش وهو خيار ان تكوني ام ومن الاولى ان تختاري خيار الحبيبيه وتطرحينه عليه ببساطه
بس ليه تخافين منه
الموهيم مثل ما اتدربتي على الكلمتين قبل ما تنجبين حاولي تواجهينه
علشان ابنك وحياته
وقبل كل شي خلي ابنك بين عينك
والله يعينك

الله يكون بعونك


اتمنى لك الخير والصحه
قمر

اختي الله يساعدش

بس لازم من البداية تدخلين أحد من العائلة

لأأن احس اللي يسويه زوجش مو شي طبيعي !!

والحين صار فيه شي يربطكم

حاولي تتفاهمين وياه مع أحد من العايلة ،، عشان مستقبل هالولد

بسم الله الرحمن الرحيم
اللهم صلى وسلم على محمد وآل محمد
أختي العزيزة ... السلام عليكم ورحمة الله تعالى وبركاته
أولا أنا من رايي أنك تشيلي سالفة الطلاق من راسك
ثانيا كل هذي السنوات ساكته بدون أي كلام ولما تجرأتين كان التواصل بينكم عن طريق الهاتف
يعني أنا من رأي الأخت سندس لازم تواجهينه صراحة وجها لوجه وتشرحين له كل الي في خاطرك
في جلسة هادئة وتبينين له مقامه عندك يعني تحسسينه بأهميته في حياتك وأنك بغيتي الولد لأنه جزء منه وأن حياتك بدونه فراغ ومن هالكلام
بس قبل كل هذا كله إنتبهي لازم أنك تلجئي لرب العالمين يعني أكثري الإستغفار وقراءة القرآن وحاولي
كل ما شفتي وقت فراغ عندك تكثرين من التوسل لله حتى يفتح لك باب للفرج عن طريق الدعاء والصلاة
صلى ركعتين وسجدي
طلبي بإلحاح أن رب العالمين يفرج همك وهم المؤمنين والمؤمنات طبعا لا تنسينهم
وإن شاء الله الفرج قريب
بس أنتي طولي بالك يعيني لما كلمتين زوجك أول مرة بالهاتف ما سد الطريق بينكم بالعكس قال لك يصير خير يعنى هو لما ما يبغى يكون بينكم حياة مشتركة كان ما عبرك وأنتي زيدي إهتمامك بنفسك وبيتك والأهم زوجك وأكيد لما توكلين رب العالمين على حياتك راح تمشي بكل راحة والله يوفقك ويفرج كربك يا رب

والله يا حبيبتي
كسرتي قلبي عليك وربي
وودي ان اقدر اساعدك واغير حياتك الكئيبه
ولكن ما باليد حيله والواضح انك انسانه طيبه جدا وصابره والله يوفقك
بس ودي اقولك شئ واحد لا تخرجي من حياته وانتي خسرانه لازم تحاولي معه
حرام 4 سنوات تروح من عمرك هدررررررر وبعد ما جبتي ابنك الحبيب تتركيها
لا حياتي انتي لازم تقاومي وتقوي قلبك وتخاطري شوي بحياتك بأسلوب ينقذها
انتي ناويه تتركي زوجك بعد التخرج صح او لا؟
اذا ابدأي غيري اسلوبك وقاوميه واطلبي حقوقك منه بطريقه او بأخرى وشوفي ايش ردة فعله
واتركي الخوف منه عنك لان يمكن يكون هذا هو سبب خسارتك احلى لحظات حياتك معه
كلميه صارحيه فهميه اطلبي منه ان يحسسك بأنوثتك تشجعي معه
علشان ابنك على الأقل .
وباين جدا انك تحبيه بدليل صبرك عليه اذن انطلقي للمحاربه علشان حبك
كوني صريحه وجريئه وجميله ومدهشه بكل شئ غيري روتين حياتك للافضل
تجملي له وحتى لو ما عاشرك تجملي واهتمي فيه اهتمام زايد علشان لو بعدين
صار شئ يفقدك وبقوه يفقد روحك في البيت يفقد حنانك ويتمسك فيك اكثر واكثر
واتمنى من كل قلبي ان الله يحسس زوجك فيك ويلين قلبه ويسخره لك
تحياتي

والله مدري وش اقول لكم بس اشكركم على ردودك
اختي احب ريلي نعم زوجي كان يحب وحده بس تزوجت وانا هو الي اختارني
اختي سندس زوجي يعرف اني امووووووووووووووووت فيه واحبه ويعرف من اهتمامي فيه دائما ارسله رسائل حب بس مايرد علي والحين تركت الرسائل وسبب خوفي انه دائما مزعوج ومكشر وعصبي وانا ما اقدر اتكلم معه وهو في هالحال اخااااااااااااف لاني ما احب احد يصرخ علي اكرهه على طول
اختي بسمة اطفالي وش اقول اقول زوجي هاجرني صعبه
اختي لازال هناك امل عليكي السلام ورحمة الله وبركاته اختي انا اذا جيت اتكلم معه ارتبك ويضيع الكلام الي بقوله وانحرج واذا انحرجت ابكي على طووووووووووول علشان كذا افضل الرساله ووالله اني دائما استغفر
وبقولك الله خلقني وانا احب الكشخه واحب النظاافه وبيتي مرتب ومعطر واحب الاهتمام في نفسي ودئما اغير شكل الغرفه ورود وشموع وفوق هذا مانفع معاه تصدقون اني ماعمري شفت زوجي يضحك الامره وحده
اختي دلوعة حناني اشكرك على تعاطفك معي وصدقيني المعاشره مو كل شي عومنها ضروريه بس انتي تعرفين كل متزوجه تحب زوجها يهتم فيها ويحن عليها انا ما احب الا انه يحبني نفسي يضمني لو مره وحده
واحس بالحنان الي طول عمري اتمناه نفسي يجلس معي نطلع ونسهر مع بعض ودي اعيش مثل باقي الزوجات او الربع على الاقل
انا الي ابيه منكم طريقه لكتابة رساله معبره ومؤثره لعلها تأثر في نفسه لاني انا ماعرف اعبر عن الي فيني
وشاااااااااااااااااااكره لكم مقدما

اختي التجاي الى المولى عز وجل وحاولي ان تقطعي النت ادا كان بالبيت

واكيد زوجك يحب احد غيرك عشان هيك بعمل معاكي كده

انتي حاولي تتكلمي معاه وحاولي تتقربي منو وتلبسي ملابس مغرية عشان تتقربي منو


واظهري انوثتك وغيري طبيعة لبسك ومكياجك كوني ساحرة وفاتنة امامه

الله اعينك اختي ويهديه عليك

اختي هدا حقك لا تستحين ولا تفرطين فزوجك ادا كنتي تحبينه شيلي فكرة الطلاق من بالك او سوي الي تقدري عليه واطلبي ربنا يرحمط ويعينك وقومي الليل واقرءاي سورة البقرة لا تستسلمين :poster_dots:

حاولت ارسلك رساله على الخاص

ويقول صندوقك ممتلي احذفي شوي علشان رسالتي تاصلك