المرجــله صعبه !!

سفر .. غربه..متاهــات وطريق ما مشته خطاي00انا والسندباد اللي يحـث خطاي تسـرع بـــه

اذا شق المساء وجه الشفق قـلت :ابتـدا مسـراي00ونحرت لوادي ماقد نحره الذيب من رعبـــه

اثرني كل مااسج وعلى غــربي طويت رشـاي00طواني وادي كـنه يبـات الـرعب في شـعبه

وانا والله ولدنشــمي ولكــن خيــبت هــقـــواي00حظـوظ كـلما طـيرت لـي طـير تـوقـع بـــه

وصلت وفي يديـني سـلعة ما سـامــها شـــراي00لـدار قـالوا اهله:يا نما ما جــبته ارجـع بـــه

يبيـعون السراب وكل رايح له خطاوي جـــاي00واذا ســاوم شــرى عــزة فـقـيرلطفـلته لعبه

وانا ماني نبي ولاعصى موسى بمثل عصــاي00ولا ني كافـر لاصارت سهـامــي بلا جعبــه

انا اللي وان غداجلدي غطا والا الحجرمركاي00عزيز ما خضعت الا لرب النـــاس والــكعبـه

تمدن داخلي طفــل عشـق رعي الغـنم والنـاي00صدق والله ابوي اللي يقول المرجله صعبه

ثمان سنين يا اخر خطوة قدرت عليها خطــاي00أثاري سنـدبادي كــذبة وخـطاي تسـرع بــه