اعملى اكسسواراتك بأيدك .......و تعالى اتعلمى عجينه السيراميك

ر

ريهام2010

عروس رائعة

01-03-2009 | 09:06 PM

بسم الله الرحمن الرحيم

والصلاه والسلام على اشرف الخلق اجمعين

أحلى سلام على أحلى بنات في أحلى منتدى

مجموعه دروس جديده عن

(طريقه عمل الاكسسوار بعجينه السيراميك)

تعالو النهارده يا احلى بنات في احلى منتدى نشوف حاجه جديده خالص ....... او بمعنى اصح نبتدي في مجموعه دروس جديده

اشارت لينا ام رؤى القمر بفكره هايله وهى عجينه السيراميك

بس احنا بما اننا في موضوع بينكلم عن الاكسسوار ......... يبقى اكيد هنتعلم عجينه السيراميك علشان نعمل بيها اكسسوار بشكل مختلف طبعا ذى ما اتعودنا دايما

تعالوا الاول نسمى و نصلى على النبى

ونشوف ممكن نعمل ايه مختلف بعجينه السيراميك

بسم الله الرحمن الرحيم

اللهم صلى وسلم وبارك على سيدنا محمد

انهارده هنشوف التصميمات

وفي الدروس الجايه ان شاء الله هنشوف( طريقه عمل العجينه) ... (وازاى ممكن نشكلها بكل اساليب التشكيل الممكنه)

يالله بينا نبدأ

ومش عوزاكو تتخضوا انا وعدتكوا انكوا هتشوفوا حاجات مختلفه ان شاء الله ومش هسيبكوا الا لما تتعلموها

وبأذن الله مش هتتعلموا تعملوا قلادات وبس .......... لأ داحنا هنتعلم ازاى نعمل الخرز اصلا بتاع العقد ونتحكم في شكله وحجمه كمان

انا هعرض ان شاء الله مجموعه الدروس كلها ورا بعض ولو اي قمر عندها أى استفسار انا تحت قمرها دائما ان شاء الله

يتبع

ر

ريهام2010

عروس رائعة

01-03-2009 | 09:14 PM

اولا مكونات عجينه السيراميك

- 1كاس نشأ
- ½ كاس غراء ابيض .... اللى بيستخدم للخشب
- جليسرين أو فازلين
- شويه ملح صغيرين .... يحافظوا على العجينه من التعفن
- معلقتين عصير لمون للتدليك

بس كده

في ناس بتحط دقيق - وناس بيخلطوا الخلطه دى كلها على النار - وناس يحطوا ملح كتير

المكونات اللى فوق عن تجربه ........ اسهل واسرع واريح

تعالوا نشوف هنخلطها ازاى

اولا هنحط النشا على الغرا ونخلطهم سويا ومعاهم شويه الملح يعنى نص ملعقه .........

وعلشان العجين تكون متماسكه ولينه هنحط شويه جلسرين او فازلين لغايه ما تتماسك وتكون سهله التشكيل يعنى هنحط الجلسرين على حسب احساسنا .

وبعدين ممكن بشويه عصير لمون ندلك العجينه لمده 10 دقايق علشان نتأكد ان مش فيها حبوب صلبه

واول ما نخلص نحطها على طول في كيس بلاستك ونقفل عليها كويس علشان ماتنشفش .... وبعدين ناخد منها جزء جزء زي ما احنا محتاجين

ولو نشفت مننا ... او عاوزين نعملها اعاده تشكيل ليها ....... نحط عليها شويه غراء ابيض ... غراء ابيض ....ابعدوا تماما عن الماء لانها هتلزق وهتبوظ ... غراء ابيض

بكده تكون خلصت المرحله الاولى وهى( عجن عجينه السراميك)

ياترى ايه هي المرحله التانيه

صلوا على النبى الاول وانا اقولكم

اللهم صلى وسلم وبارك على سيدنا محمد

المرحله التانيه وهي( التلوين)

ازاى نلونها وايه هى الالوان المستخدمه ؟

هنشوف دلوقتى

اولا بما ان عجينه السيراميك دى وسيطها مائى يعنى مكوناتها مائيه

يعنى ينفع نستخدم فيها اى لون وسيطه مائى مثلا (الوان الجواش . الوان الطعام . (الشاى. القهوه. الكاركاديه) - الصبغات - الوان الميه ده غير ان اتعملها الوان مخصوص بتتباع في المكتبات ممكن تلاقوها في مكتبه سمير وعلى او الوان او.........

طيب هنلونها اذاى

طرق تلوينها كتير بس الاول احنا عاوزين نغير اللون الابيض ده ....... يعنى نصبغها

زي ما احنا شايفين بنحط شويه لون ونعجنها تانى

ده غير طبعا لما نيجى نلونها بالفرشا كل جزء على حدا

طيب اخنا دلوقتى معانا العجينه بس اذاى نقدر نعمل منها اشكال خرز مختلفه ونلونها ازاى علشان تكون كدا

استنووووووووووووووووووووووونى

ر

ريهام2010

عروس رائعة

01-03-2009 | 09:23 PM

هنشوف هنعمل ايه بعجينه السيراميك اللى احنا اتعلمناها

طبعا احنا عجناها خلاص وحطناها في كيس بلاستك علشان ماتنشفش

يعنى محافظين عليها

وافتكروا ان احنا الغرض الرئيسى بتاعنا ان احنا نعمل من العجينه دى اكسسوار مش اى حاجه تانيه ......... طبعا استخدامات عجينه السيراميك كتير.... بس بما اننا في موضوع بيتكلم عن الاكسسوار فالموضوع هيقتصر بس على كده

يعنى مثلا هنتعلم نعمل خرز بأشكال مختلفه او قلادات حاجات كده يعنى وكل حاجه ليها علاقه بالاكسسوار

وانهارده هنتعلم ازاى نعمل الخرز

يالله نبدأ بسرعه

احنا هنجيب العجينه اللى عندنا وهنعملها كور صغيره جدا علشان نبتدى نعمل الخرز بتاعنا وطبعا هنكون احنا المتحكمين في شكل الخرزه وحجمها .....بس اهم حاجه ........ نخلى شكل الخرز قريب من بعضه وده طبعا علشان هنحطه في عقد واحد

تعالوا نشوف

هنا الخرز اتعمل دواير قد بعض ... وطبعا بنحط فيه خله اسنان مثلا وده علشان نخرمه

وزى ما شايفين ... احنا مش بس بنكتفى بأن احنا عملنا الخرز دواير لأ ....... دا احنا كمان ممكن نطبع على الدواير دي اي رسمه بأى اداه عندنا يعنى مثلا بالشوكه او اي اداه عندنا ممكن نختم بيها وانتى وزوقك بأه

وأدى فكره تانيه للطباعه

ودى اشكال مختلفه من الخرز اللى اتعملت من العجينه

طبعا ممكن نلون العجينه بتاعتنا الاول وبعد كده نعمل الاشكال اللى احنا عاوزنها ........

او ممكن نلونها بالفرشه ده لو عاوزين الوان مختلفه وطبعا وهى جوه خله السنان علشان نعرف نمسكها ونتحكم فيها ........... وفي كمان طريقه تانيه سهله وسريعه ان احنا نجيب اللون بتاعنا وندوبه في الميه بحيث يكون خفيف ونزل الخرز بتاعنا فيه لحد ما يتشرب اللون وبعد كده نشيله بمعلقه كبيره مثلا ............. وممكن ندمج بين الطرقيتين يعنى ننزل الخرز في اللوم ونستنى عليه شويه بعد ما نشيله وبعد كده نلونه شويه تانى بالفرشاه وانتى وزوقك في الالوان بقى ........وبعد كده نبقى نرش عليه الاسبراي بعد ما يتم تلوينه وتشكيله وده هيكون في اي حاله من الحالات اللى فاتت

تعالوا بقى نشوف اشكال من الخرز بعد ما اتلونت واترشت بالاسبراي

وبكده يكون دروس النهارده خلصت

ان شاء الله المره الجايه هنتعلم ازاى نعمل القلاده بتاعت العقد وازاى نقفل العقد كله كمان

آ

آلاء نور

عروس رائعة

01-03-2009 | 10:30 PM

أتشرف بأن أكون أول من ترد على موضوعك حبي
تسلمي ياقمر وتستاهلي التقييم على هذا الموضوع الجميل والرائع فعلا حلو ومفيد وموفر لنقود لوووووووووووول

v

vanilla cake

عروس ماسية

02-03-2009 | 01:38 AM

موضوع متميز يعطيج العافيه أختي وتستاهلين التقييم

ر

ريهام2010

عروس رائعة

03-03-2009 | 12:27 AM

آلاء نور;9000877:
أتشرف بأن أكون أول من ترد على موضوعك حبي
تسلمي ياقمر وتستاهلي التقييم على هذا الموضوع الجميل والرائع فعلا حلو ومفيد وموفر لنقود لوووووووووووول

الشرف ليا أنا ياجميله

والحمد لله ان الموضوع عجبك ........ وعن نفسى انا مش عاوزه أكتر من كدا

نورتى الموضوع ياقمر

ر

ريهام2010

عروس رائعة

03-03-2009 | 12:28 AM

nice2eyes;9003411:
موضوع متميز يعطيج العافيه أختي وتستاهلين التقييم

يعطينا واياكى ألف عافيه يارب

تسلميلى يا قمر

&

&Nada&

عروس برونزية

03-03-2009 | 02:52 PM

السلام عليكم ورحمة الله وبركاته
ما شاء الله على موضوعاتك كلها احلى من بعضها...
جزاكى الله خيرا

*

**سوسو **

عروس فضية

03-03-2009 | 03:47 PM

ماشاء الله بارك الله فيك
خيركم من تعلم شيء وعلمه
شكراااااااااااااااااا كتيرا
وعندي سؤال هل عند صنع العجينة والانتهاء منها اي بعد ان نصنع منها اكسسولرات هل هي تيبس
وتكون صعبة الكسر :o

ر

ريهام2010

عروس رائعة

04-03-2009 | 05:35 PM

lifedrop;9016630:
السلام عليكم ورحمة الله وبركاته
ما شاء الله على موضوعاتك كلها احلى من بعضها...
جزاكى الله خيرا

وعليكم السلام ورحمه الله وبركاته

تسلميلى يا جميله .... ربنا يخليكى ليا يا رب

الحمد لله انها عجبتك

جزانا واياكى الف خير ياقمر

ر

ريهام2010

عروس رائعة

04-03-2009 | 05:43 PM

سوسو الجزائرية;9017290:
ماشاء الله بارك الله فيك

خيركم من تعلم شيء وعلمه
شكراااااااااااااااااا كتيرا
وعندي سؤال هل عند صنع العجينة والانتهاء منها اي بعد ان نصنع منها اكسسولرات هل هي تيبس
وتكون صعبة الكسر :o

الشكر لله وحده ياجميله

وبالنسبه لسؤالك عن تيبس العجينه

فانتى بعدما بتعملى الخرز او القلاده بتاعتك بتسيبيها لما بتنشف خالص

وبعدين بتدهنيها ورنيش سواء مطفى او لامع على حسب رغبتك

ده بيحافظ عليها من الكسر أو ان لونها يتغير أو حتى تتسخ

نورتى يا سوسو ياجميله وانا في انتظار اى سؤال

ر

ريهام2010

عروس رائعة

04-03-2009 | 05:52 PM

اقتباس المشاركة الأصلية بواسطة omroaa

[COLOR=seagreen]الحمد لله [COLOR=magenta]ياريرى انا ظبطت العجينه[/COLOR]

حطيت لها شوية نشا واتزبطت الحمد لله
وعملت شوية خرز صغنتتين لونهم احمر
وعملت كمان كام خرزه احمر فى ابيض
والعجينه جميله جدا فى التشكيل

بس فيه مشكله بتقابلنى
انى اما بحط خلة الاسنان فى الخرزه وهى طريه
شكلها بيبوز مع انى بحط الخله الاول فى زيت الاول
دا حله ايه يا استاذه

برافوووووووو:ongue::ongue::ongue:وووووووووووو

ايه الشطاره دى كلها

بسم الله ما شاء الله

يابختك يا رؤى بماما الشاطره

والله تستاهل احلى كاس:winner_second_h4h_a

اما بقى بالنسبه للمشكله الصغيره اللى بتقابلك

فانتى اصلا مش المفروض تحطى زيت في الخله ولا حاجه لأن الزيت وسيطه غير مائى فهيخل بمستوى العجينه

انتى ممكن تحطيها زى ما هى كده ناشفه وكمان ممكن ترشى على الخله شويه نشا او دقيق بساط جداجدا

وبعدين تحطيها في الخرزه ....... وتعملى اعاده تشكيل في الخرزه من تانى يعنى تظبطيها على الخله

برافوووووووووووووو عليكى يام ارؤى يا جميله

فعلا الواحد لما بيجرب بتظهر ادامه حاجات تانيه بيستفيد منها بعدين

واتصرفتى بشكل هايل لما حطيتى النشا على العجينه علشان تقللي لزوجتها

انا بشكرك جدا جدا جدا و فخوره بيكى

ويالله شدى حيلك علشان تصوري العقد اللى بتعمليه وتوريهولنا ونحتفل بيكى كلنا[/COLOR]

ر

ريهام2010

عروس رائعة

04-03-2009 | 05:55 PM

بسم الله الرحمن الرحيم

السلام عليكم ورحمه الله وبركاته

والصلاه والسلام على سيدنا محمد خاتم النبيين

تعالوا نبدأ على طول في الدرس الرابع

بس اهم حاجه لازم نعملها قبل ما نبدأ اننا نشكر ام رؤى الجميله على المجهود الرائع اللى بتعملوا ............ عملت عجينه السيراميك والخرز كمان واشارت لحاجات متكلمناش عليها

يالله بقى نصلى على النبى ونبدأ على طول

اللهم صلى وسلم وبارك على سيدنا محمد

شفنا في الدرس اللى فات ....... ازاى نقدر نعمل اشكال مختلفه من الخرز من عجينه السيراميك يعنى مثلا اتعلمنا نعمل كده

وبعدين ازاى نلون الخرز (بطرق عديده للتلوين )علشان يكون كده في الاخر

او كده

وقلنا النهارده هنتعلم ازاى نعمل قلاده للعقد ....... يعنى حطينا الخرز في العقد ومحتاجين القلاده او هنكتفي بس بالقلاده

وحالا هعرضلكوا اشكال مختلفه للقلادات وازاى ممكن نعمل كل واحده على حده

بس الاول هنشوف هنجهز العجينه بتاعتنا ازاى

طبعا احنا عجنا العجينه وحطناها في كيس بلاستك زي ما شفنا في الدروس اللى فاتت

هناخدها ونفردها بالنشابه

علشان تكون مستويه ونقدر نشكل عليها بعد كده

ولازم ناخد بالنا من سمكها ... لا تكون رفيعه ولا تخينه اوي

ونبتدى بقا نشكل عليها الشكل اللى عاوزينه يعنى مثلا ......

آدى اول شكل معانا

احنا قصينا الايطار الخارجى بالسكينه وبعدين عملنا دايره في النص ولفينا الجزء العلوى علشان نعلق فيه الخيط بتاع العقد

اما بقي بالنسبه للتهشيرات اللى موجوده في القلاده

فاحنا ممكن نستخدم اي حاجه عندنا ليها ملمس في البيت( كبصمه ) نعمل بيها شكل على الجينه

يعنى مثلا .. الدانتيل اللى باين في الصوره ..... مشبك... حبل....شوكه....ورقه شجر....مفتاح ........ مشط .......خيش وده اللي اتعمل في ظهر القلاده ....... الخ

اما بقا بالنسبه للالوان فذى ما قلنا في الدرس اللى فات

ان احنا ممكن نلون العجينه اصلا قبل التشكيل....... وومكن نلونها مباشره بالفرشه بعد التشكيل........وممكن ندمج الطريقتين وده اللى بيتعمل في معظم القلادات

في تكنك معين اتعمل في القلاده دي هنا .... اتلونت العجينه الاول ... وبعد كده عملنا فيها شقوق بيسطه ودخلنا بفرشا رفيعه جدا لون اغمق ....... وحطينا نفس اللون الغامق ده في الخلفيه

وبعد مانشفت خالص دهناها بالورنيش

تعالوا نشووووووووووووف قلات تانيه

في القلاده دى اتعمل فتحتين بالخله ....... علشان ندى شكل جديد

وبعد ما فردنا العجينه حطينا عليه شريط تانى من عجينه السيراميك(الشريط اللى في النص) ولوناه على حده وطبعا حطينا غراء ابيض للتثبيت

تعالوا بقا اسيبكوا مع اشكال تانيه مختلفه للقلادات

ومش عاوزه اطول عليكوا اكتر من كدا

ان شاء الله الدرس اللى جاى هنكمل فيه موضوع القلادات ....... وازاى ممكن نحط خرز عادى في القلادات دى

ونعمل اشكال مبتكره .......... ماحنا مش اي حد برضو

السلام عليكم ورحمه الله وبركاته

ا

العائدات

مشرفة سابقة

05-03-2009 | 03:35 AM

شغل جمييييييل ورااااائع جدا ريهام

تستاهلين التقييم والشعار عليه عزيزتي:)

يعطيك العافيه ولاحرمك الاجر

ب

برق الغربيه

عروس مشاركة

05-03-2009 | 04:40 AM

تسلمين:21_88:

ر

ريهام2010

عروس رائعة

05-03-2009 | 06:52 PM

العائدات;9033481:
شغل جمييييييل ورااااائع جدا ريهام

تستاهلين التقييم والشعار عليه عزيزتي:)

يعطيك العافيه ولاحرمك الاجر

تسلميلى يا غاليه

متعرفيش مدى سعادتى لما لقيتك رديتى على موضوعى

وانا مش عاوزه أكتر من كده

ربنا يسعد أيامك

ر

ريهام2010

عروس رائعة

05-03-2009 | 06:53 PM

برق الغربيه;9033830:
تسلمين:21_88:

تسلميلى انتى يا جميله من كل شر

نورتى الموضوع بوجودك يا قمر

ر

ريهام2010

عروس رائعة

07-03-2009 | 08:49 PM

بسم الله الرحمن الرحيم

والصلاه والسلام على سيدنا محمد خاتم النبيين

ام رؤى يا جميله

شوفى يا ستى ..... الاول صلى على النبى

اللهم صلى وسلم وبارك على سيدنا محمد

1-انتى في البدايه هتجيبى عجينه السيراميك بتاعتك

2-وتفرديها بالنشابه ....... تمام

واتفقنا بردوا انك هتخلى بالك من سمك العجينه يعنى لا هى رفيعه ولا هى تخينه

زى ما موجود في القلاده

3-وبعد كده هتجيبى اي حاجه مدوره

كبايه مثلا ..........وتحطيها على العجينه وتقصى الحواف بتاعتها

علشان يكون عندك من العجينه شكل دائرى...... تمام

4-وتجيبى اي حاجه مدوره تانيه بس اصغر علشان تحطيها بردوا على العجينه المدوره بتاعتنا وتفرغيها يعنى تعملى الفراغ اللى في النص ... تمام

كده بقى عندنا الهيكل بتاعنا

5-الملمس اللى موجود في القلاده

اولا طبعا انتى استخدمتى في قص الدواير سكينه رفيعه جدا او كتر

هنستخدم بقى علشان نعمل الملمس (اول المعلقه)(يعنى السن بتاع ايد المعلقه)او ممكن (رأس مسمار) يعنى اي حاجه ليها سن مدبب

وهتبتدى تهشري في العجينه بتاعتك ......... يعنى تخديها حته حته ....... تعملى فيها غائر وبارز مثلا ........ يعنى حته عاليه وحته واطيه زى مانتى شايفه كده في القلاده

يعنى بسن المعلقه .......او برأس المسمار ..... اللى عندك هدوسى شويه على العجينه وبعدين تطلعى وتبعدى ملل وتدوسى تانى ........ يعنى بشكل غير منتظم والعبى بأه وهيبتدى يطلع عندك اشكال مختلفه واعملى الشكل اللى على مزاجك وانا واثقه ان زوقك هيكون احلى بكتير من القلاده الاصليه

كل ده واحنا لسه ما حطناش لون

6- مرحله التلوين

هنروح بقى للمرحله الى ما قبل الاخيره (مرحله التلوين)

هتجهزى الوان الجواش بتاعتك ..... يعنى هتختاري المجموعه اللونيه اللى هتشتغلى بيها .......و هتخفيفيها شويه صغيرين ..... وبفرشه رفيعه جدا رقمها (0 او 1) وتبتدى تلونى حته حته ........ زي ما ظاهر عندل في القلاده ...... او تلونيها زي مانتى عاوزه مش شرط اللى فى الصوره

وممكن تديها كلها لون فاتح الاول ....... اصفر مثلا وبعدين ممكن تنزلى نقط لون ازرق عليها او كحلى وانتى وزقك بقا

ولما تخلصى تلوين تستنى لحد ما تنشف خالص

وتبدأ بقا في اخر خطوه

7 - الدهان بالورنيش

لمعيها بقا بالورنيش من فوق وتحت ........ ومتخليهوش يكلكع منك يعنى ما تمليش الفرشه بتاعتك اوى وخليكى في اتجاه واحد

يااااااارب الموضوع كده يكون وضح شويه

وطبعا هتشتري شريط ساتان عريض علشان تقفلى العقد

ربنا معاكى ويوفقك

طمنينى عليكى

السلام عليكم ورحمه الله وبركاته

ر

ريهام2010

عروس رائعة

07-03-2009 | 11:00 PM

اقتباس

المشاركة الأصلية بواسطة omroaa

الله :idea:ينور عليكى يا رهومه كدا 100 %

وانا بكره ان شاء الله هشترى فرشه رفنتوعه جدا
وشريط ساتان علشان انفذ ان شاء الله
بس يا رهومه يا قمره هى العجينه بتفضل صالحه كام يوم للاستعمال
مرسى اوى يا قمره اتفضلى كوز الدره دا قرقضى فيه شويه:21_21:
مكافاه ليكى على شطارتك يا قمر بالف هنا وشفا
:21_104:

بصى يا لولا

انتى المفروض حطيتى شويه ملح صغننين زى ما قلنا ودا بيحميها من التعفن

المهم بس ما تنشفش منك يا جميله

وعلى العموم احنا قلنا لونشفت هنعمل ايه

ومستنيه اعرف اخبارك

والف شكر على الذره ........ انا بمووووووت في الذره المشوى

نفسى اعرف انتى بتعرفى الحاجات دى منين

بوسيلى رؤى

ر

ريهام2010

عروس رائعة

07-03-2009 | 11:02 PM

اقتباس

المشاركة الأصلية بواسطة لطيفك اشتاق

يا سلام عليكي يا ريهام انتي تجنني
اشغالك مرررررررررررره روووووووووعه وجداً بسيطه
يسلمو ايديكي وان شاء الله راح اجرب اعمل الأكسسوارات بعجينة السيراميك
لانهم جداً عجوبوني وراح احاول انقل لكم تجربتي لو امكن

دمتي مميزه ..ورائعه..

تسلميلى يا قمر

ونورتى الموضوع

انتى اسعدتينى كتير بردك

وياريت نشوف ابداعاتك يا قمر ده يبقى من حسن حظنا