السلام عليكم
انا راح اقولكم مشكله صديقتي هي مخطوبه صار لها سنه و6 شهور وعمرها 28وخطيبها حالته الماديه جدا بسيطه بسبب الكمبيالات يعني مهرها بالموت جمع نصه وجالس الحين يحاول يعطيها الجزء الثاني واهلها مره مراعين خطيبها ولا حتى يفتحون موضوع العرس علشان مايتحسس من موضوع الفلوس
المشكله انه خطيبها لسانها مره قذر معاها يعني السب عنده بقرش... مره عصبي حتى بدايه الخطوبه لما يدخل بيتهم اذا عصب عادي يكسر الاثاث من تلفون او تحف اي شي قدامه من غير مايراعي احد في البيت ... مايجيلها الا بالليل مره متاخر ومتلثم بشماغه بعد ويوقف السياره طبعا سياره اخوه او اي احد من ربعه بعيد عن البيت لين ماصاروا الجيران يتكلمون عنهم ولما كلمته زعل وصار شهر مايكلمها ولا يجيلها ... مايطلعون الا ناااااااادر لان ماعنده سياره واذا طلعوا بس يدورون بالسياره نص ساعه ويرجعها بيتها ....
مره وهم طالعين نزل خطيبها يشتيرلهم عصير وهو نازل شافت سياره فيها بنت مع سواقها الخاص فتحت الشباك وتناديه باسمه لما سالته منو هذي يقول هذي زميلتي بالعمل وكانت حابه تسلم علي ... وتقول انه بس يدخل البيت يقفل جواله او يخليه صامت ويشيل الهزاز تساله ليش يقول ماابي ازعاج ابي ارتاح.... ومره ثانيه تخانقوا وقالتله انا احبك قاللها تعتقدين هالكلام ياثر فيني انا كل يوم اسمعها من بنات بالعمل وبكل جراءه يعترف ....
والمشكله الاخيره بعد خلاص قدر يتدين مبلغ علشان العرس من اخوه مجرد استلامه المبلغ صار مايتصل عليها ولا يدري عنها صار عنده سياره ولما رد عليها قاللها انا بكلم اختك الكبيره علشان ننفصل وامهد الموضوع لبيتكم وصار له اسبوعين قافل جواله ولا يتصل وبالصدفه جوال اختها الكبيره مقطوع وامس بالليل ام خطيبها دقت علي تشتكي من ولدها تقول خلي زوجك يتصرف لان سمعت من الناس ان خاطب وحده ثانيه معاه بالعمل وانا ماني عارفه كيف اتصرف وزوجي يقول انا كيف اتصرف اذا كلمته راح ينكر .. وهي مو عارفه وضعها الحين فاصخه الخطوبه او لا كيف يتصرف ولا تعرف شي عنه حتى السياره الي شراها درت من الناس ...
مع العلم هي ماعندها اخوان هم 6 بنات بس وابوها مايدري عنهم وماعندها الا عم واحد في غيبوبه بالمستشفى يعني مافيه رجال يوقفونه..... ايش تسوي هي ماتبي تتطلق لانها كبرت وعايشه معاه سنه ونص ملكه صعبه تفكر بالطلاق امها مريضه ماراح تتحمل تسمع هالخبر وش شوركم يابنات ساعدوها بشي غير الطلاق تقول هي يمكن يسوي هالحركات يبيها مني اقول ماابيك ويرتاح مني ؟؟؟ اتمنى اسمع ردودكم