السلام عليكم ورحمة الله وبركاته
أسعد الله أوقاتكن
نزلت قبل صورة لصينية بالتطريز ومعها المتكات والمحلاية وفي بنات طلبوا مني الطريقة
اليوم حبيت أصور لكم الطريقة بالتفصيل الممل بس إن شاء الله تقدروا تفهموا وتطبقوا
والي بتطبق تحط لنا الصور طبعاً أنا بعمل في جلالة لطاولة :wink:
إنتم أحرار إما جلالة طاولة من هالشكل أو أي شي بتحبوا بس لو بدكم محلاية يعني من هالتطريز تعملوا محلاية إسألوني أول لحتى أخبركم كيف تقصوا الأوتاميل :tongue:
هلا أنا رح أنزل أول شي الإطار وبعدها بنزل موضوع جديد كيف تطرزي الوردة الي بالنص:cool:
خلينا نبدأ بالشرح:)
أول شي الادوات
مقص+ أوتاميل بتلاقي بمحلات مخصوصة+خيط حرير أصلي أي لونين بتحبيهم <<الوردة حيكون لونها مختلف فيما بعد +إبرة مخصوصة للأوتاميل وإذا ما لقيتي ومستحيل الما تلاقي لازم يكون خرم الإبرة واسع للحتى تقدري تدخلي الخيط فيه:D
صورة الأدوات
هاد هو الاوتاميل فيه مربعات صغيرة
المقص وخيط الحرير والإبرة هاي مو مخصوصة ولكن خرمها كبير (f)
هلا قصي خيط ودخلي طرف منو في خرم الإبرة واسحبيه بهالشكل
خلي طرف أطول من طرف بهالشكل
هلا الطرف الأطول من الخيط إعقدي طرفه من تحت بس مو كبير يعني الي ما يسمح للخيط يدخل بالمربع بهالشكل
هلا بدا الشغل
هلا الإبرة من الوجة التاني من الاوتاميل دخليها في واطلعيها لفوق وهيك بتكون العقدة علقت بالوجهة التاني للاوتاميل وطلعت الابرة ومعها طرف الخيط الأقصر في الطول بهالشكل
هلا دخلي الإبرة بالمربعين هدول بهالشكل
هلا اسحبي الابرة عالأخير ولكن ما تشدي كتير لأنو الشكل ما حيطلع مرتب بهالشكل
بعدها لتكملي شكل الحبة <<شكل الإكس دخلي الابرة بالمربعين بهالشكل
وكمان مرة اسحبي الابرة بلطف :) وبيطلع عندك شكل الحبة أو الإكس متل الصورة
