مشكلتي هالمره غير‍‍‍‍!!! مع أختي الكبيره والوحيده‍‍‍!!??

السلام عليكم ورحمة الله وبركاته


هالمره مشكلتي ايضاً تحتوي على نوع مميز من القهر ولكن هالمره مع أختي ... طبعاً أختي هذي أكبر مني بـ 10 سنوات ونا ولله الحمد والمنه خلصت دراستي ولكني جالسه بالبيت اما هي كانت طالعه من المرحله المتوسطه ... لانها كانت عندها عقده في احد المواد العلميه وطبعا ماكملت وجلست بالبيت وكثير وقتها كانو يتقدمون لها من ايام ماكانت تدرس بس كانت ترفض واما الان ماعاد فيه احد نهائيا تقدم لها المهم ان اختي هذي سبب لكثير من المشاكل عندنا في البيت ودائما تغير مني عشاني كملت دراستي وتخرجت وتقولي أنتي كيف قدرتي تنجحين وتستمرين في الدراسه وتتخرجين تصدقين انتي ذكيه ولا ماكان نجحتي بذات في المواد العلميه لانها صعبه مره اصلا فأنا كنت اقولها المهم اني نجحت وتخرجت فهي دائما تتكلم بقهر عني قدامي وقدام اخواني وتقولهم انا اصلا اجمع الفلوس عشاني مش موظفه شوفو اختكم هذا هي تخرجت بكره تتوظف وتكد لها الرواتب اما انا لو بغيت مين بيعطيني انتو اصلا انتو ماراح تعطوني شي مع العلم انها هي وحنا كلنا ولله الحمد يعني ماعلينا قاصر وان شاء الله مو محتاجين لأحد اصلا ...


وفوق هذا كله فهي تحب الفلوس لدرجة جنونيه لدرجة انها اذا سلفة احد من اخواني ولا أي أحد من عائلتنا ماترضى تسلفه الا بفائده على الفلوس يعني مثلا الـ 10000 عليها 1000 ريال فائده يعنى ربا وكم مره احذرها من هالشي واقولها احاديث عنه الا انها مو راضيه تترك هالشي ومرات اخواني يضطرون يتسلفون منها لحاجه معينه وضروريه وهم لو تسلفوها من البنك نفس الشي بياخذ فايده فهم يفضلون يعطونها هي الفايده ويقول ماراح نسميها ربا بنسميها هديه من طيب نفس وخاطر ..



والشي الثاني انها كثيرة مشاكل ووسوسه بحاجات وهميه لدرجة كم مره نقولها خلينها نوديك لمستشفى نفسي لان مو كل من راح مستشفى نفسي صار مجنون مافيها شي وماترضى طبعا وتخيلو تتخانق مع امي لدرجة انها مرات تسبها وانا اجلس اتهاوش معاها عشان امي واقولها خليني اشوفك قايله لها شي والله العظيم اني احس في حالي مو عايشه في دنيا كأني عايشه بغابه انا واخواني نهاوشها واخواني تهديدات عليها ومره واحد من اخواني ضربها لانها تمادت بالكلام عليه ومره على امي وعلى كل واحد في البيت حتى انا ودائما نقولها ترى هذا اللي انتي تسوينه كله من هالربا ومع كذا مازالت ولا تزال تجمع في الفلوس وتقول هذا سلاحي في الدنيا اقولها زين تمتعي فيهم تقول ان شالله بتمتع فيهم وارثكم بعد ...



يعني حاجات كثيره قسم بالله لو اقولها لكم ماصدقتوني والله ..



يعني ماتتوصورون حياتي يوم عن يوم كيف تصير احاول انسى كل هالهموم اللي حوالي بس مش قادره انسى والله مش قادره نسى نفسي الله يعجلي بالتوفيق عاجلا غير اجل يارب العالمين يا الله ..


ولا تنسوني من دعائكم بنات






لاإله الا انت سبحانك اني كنت من الظالمين :confused: