أباكم تساعدوني يا عرايس ..

الف مبروك اختي

والله يوفق المعاريس يارب وعساهم عالطاعة دوم:)

اختي اذا العرايس تفكيرهم واحد يصير ينزفون مع بعض وممكن تلبسون بنتين صغار كل وحدة مطقمه مع عروس بشرط ان كل عروس لبسها يصير يختلف عن الثانية لو بطريقة التسريحة او الطرحة

علشان يبين الفرق

وممكن تزفون زوجة الكبير اول بالطريقة اللي تعجبها يعني الزفة اللي لو كانت لحالها بالعرس بتسويها

وبعد ماتوصل تطلع الثانية

بالتوفيق ام غالب

أممممم ..,

أحس مب حلوة ثنتينهم يدشون مع بعض

لأن من حق كل وحدة تحصل على زفة بروحها .. وهاي إحساس كل عروس

أصلاً الناس بيتشتت فكرها وما تدري تحط بالها مع هالعروس أو مع غيرها!..

أنا أقترح ..,

تكون الزفة منفردة لكل وحدة منهم

في محلات تسوي زفات مخصوصة بلأسماء .. لكل وحدة زفة بأسمها

تدش العروس الأولى في زفة بأسمها

ويكونون في حريم جدامها أو وراها

وتصير الزفة تراثية

مثل حريم أول يمشون مع العروس باللبس التقليدي " ثوب النشل مثلاً "

ينثرون الورد مع المشموم و يجببون "يهللون"

بس هالفكرة يبي لها شغل عدل تلبسون ثياب تقليدي ممكن ثوب نشل على فستان السهرة يعني عادي

*
*

وبعد فترة نص ساعة أو ساعة

تدش العروس الثانية

أيضاً مع زفة بروحها " بأسمها "

مع مجموعة أطفال لابسين ثياب زفاف " فستان عروسة & بدلة معرس "

و يحملون شموع & ورد

ويكونون أمام العروسة أو وراها

*
*

أقترحي الفكرة على العرايس

وشوفي إلي تعجبهم شنو ؟!

خل كل وحدة تحظى بزفتها لحالها

زفة مميزة ومنفردة

و بنفس الوقت الناس ما يتشتت فكرها ويكونون متشوقين لدخول العروس الثانية !..

وفي كذا شي ..,

ممكن زفة هندية بس يبي لها اللبس التقليدي للهنود " الساري " و إستخدام الورد & البهارات الملونة إلي يستخدمونها الهنود

وحبيت أوضح شغلة عزيزتي

لو فكرتوا تسون زفة

خلو بينكم وبين العروس مسافة في المشي

علشان ما يصيدها شي من الورد أو ما شاكل

علشان في التصوير تطلع بروحها

و ما ترتبك وإنتوا تنثرون الورد

سواء كنتوا أمامها أو خلفها

و يفضل أمامها بمسافة

وهي تمشي وراكم بهدوء و لحالها

*
*

مجرد فكرة وإقتراح .. إن شاء الله يعجبونج ؛)

مشكورة اختي كرستالة ومشكورة أختي حلم العذارى عالافكار والزفات الحلوووة

بصراحة الثنتين صغار وطالبين مني أساعدهم فكل شي بس انا محتارة واكيد باخذ رايهم وانا فكرة ان كل

وحدة تدخل بزفة بس بغيت استفيد من افكاركم واقتراحاتكم الطيبة والحلوة ...

يزاكم الله خير ..

ويوفق الجميع ان شاءالله ..