بنات البحرين محلات البيجامات

وفي اذا سيتي سنتر للحين تخفيض
انه خذيت من ومن سيكرت في التخفيض وبيكوكس بعد عنده بي اش اس وماركس اند سينسر بس ترى كلهم اسعارهم مرتفعه يعني اذا في تخفيض بتكون اسعارهم اوكي
وبعد في مشوار في البوكواره اسعاره كلش ممتازه البيجامه على دينارين

حبيبتي انا امس شارية من ماكس واااايد حلوين عنده اشكال وااايد
وطبعا اسعاره حلوة

لاسنزا عندهم بجامات رووووعه واللحين عنده تخفيض

وماكس بعد عنده

وومن سيكرت حلووووووووين

كلهم في الستي سنتر

اختي اذا تبين عادين ورخاص عندج محلات الهنود اللي في سوق المنامة ينزلون بيجامات حلوة ورخيصه وتصلح حق البيت

وبعد اتش آند ام في السيتي سنتر عنده بيجامات

الي شرت بجايم من اتش اند ام كم اسععارهم؟

إذا تبيين بيجامات رخيصه عندج محل مشوار في بوكوارة مجابل محل بو يوسف للحلويات الشعبيه اللي صوب المنتزة بيجاماته على ديناريين بس المحل عود والثياب على بعضها يبي لج تدوريين عدل وبتلاقيين شغلات حلوه وساعات يكون من محلات راقيه مثل نكست وبي اج اس وغيرهم بس اهو يبيعها باسعار اقل

بس بقولكم مشوار غسلتين ويختربون صج رخاص لكن مايتمون لج روحي نفس المكان فبكوارة يم ليتل سيزر في محل بجامات على 3 ونص واربع لكن يتمون لج وبضاعتهم دوم تتغير واييب اشيا حلوة

من قال حبيبتي غزلان ما يتمون ويتغيرون؟!! اصلا ابضاعتهم معروف انها تجمييع لبواقي المحلات الكبيره فاهي نفس الكوالتي وانا بنفسي مجربتهم وما يتغيرون ابدا عقب الغسيل وعن تجربه واهم بضاعتهم متنوعه فانتي شوفي اللي تحسيينه زين وقوي يبين بالنظر

انا مجربة من عندهم وبنات عمي بعد

يمكن اول ما فتحوه كان هلون والحين الكواليتي صار احسن لان من عقب ما اختربو ماشريت من عندهم

وصج عندهم بجامات واغراض المحلات العودة لاني جايفة فوط مذركير عندهم ههههه

تهقين اجرب اروح مرة ثانية واشوف يتمون او لا ؟ على ضمانتج اوكي خخخخ

اي اي جربي غزلان هههههههههههههههههه وارد لج قيمتهم لو اختربو ههههههههههههههه
لا بس صج جوفي البجامات اللي تحسين الكوالتي مالهم اوكي تره يبين من ملمس الخلق لانه اهو في وفي بس انا اغلب اللي اشتريهم اوكي الحمد لله شرايج اروح وياج انقي لج هههههههههههه...

تذكرت عندج سناء وبيت التنزيلات

وترى سناء ساعات يكون عنده بضاعة المحلات الكبيرة مثل ماركس سبنسر وبي اتش اس وفكتوريا سيكرت

الف شكر يابنات .. صدق ماقصرتوو

وبجيك بروح وبجوف لان ابغي في حدود مو اكثر 10 دينار للوحده

مشكوووووووووووووورين مره ثانيه :)

محل برهاني اللي في بوكوارة ..

اسعاره بين ال 2 و ال 7 بس !

و تجي البيجامة مع نعالها و انتو بكرامة و كلللش حلوين !

أني شريت لي بجامات قطنية بنص كم و3/4وكم طويل لبعد الولادة لما رحت بيت ابوي من :
بيت التنزيلات
سناء
مشوار بسوقف واقف
رونا
والي قبال رونا بسوق واقف مذكر اسمه
محلات الهنود الي بالمنامة والي بسوق واقف
اسعارهم وايد رخيصة ما يزيد عن 5دينار وكوالتي للحين عندي ما تغيروا ولا اختربوا من الغسيل