شوفو العريس بيعمل ايه ؟؟؟؟؟؟؟؟؟؟؟؟؟؟؟؟

ازيكم يا بنات طبعا انا كنت حكيتلكم مشكلني مع ال 3 عرسان اللي كانو متقدمين
المهم اني بعد تفكير و استخارة مازلت مستمرة كنت مرتاحة للعريس رقم 3
اللي هو المستشار اللي كنت حكيتلكم عنه واهلي طبعا موافقين جدا بس احنا مازلنا في فترة اننا بنعرف بعض لا اكتر و لا اقل
يمكن ماتقبلناش تاني خالص بس بنتكلم في التليفون كتير جدا
المشكلة بقي اللي مضايقاني بجد اني مش فاهمه ايه اللي بيحصل
ساعات لما بنطول في المكالمة بزهق و بحس اني مخنوقة لان معظم كلامه معايا هزار و ضحك و تريقة يا اما بيحكيلي علي شغله او اي حاجو تانية لكن مش بيفكر يسئلني عن اي حاجة تخصني يعني بقالنا 20 يوم بنتكلم كل اللي عرفه عني انا اللي بحكيه من نفسي هو مش بيحاول يسئل مش فاهمه بصراحة ده معناه ايه؟؟؟؟؟؟
كمان بحس انه بعتمد في كلامه معايا علي التلميح في كل حاجة عاوز يقولها و انا عليا اني افهم!!!!!!!!!!!!!
يعني مثلا هو كان عاوز نتقابل تاني بس طبعا مش قالي كده علي طول احنا كنا بنتكلم و بنهزر و قالي لا انا زعلان منك لازم تصالحيني فقلتله ليك عندي شيكولاته فقالي طب امتي؟؟؟
قلتله لما اشوفك قالي طب حددي المعاد قلته طيب هشوف و اقولك قالي طيب انا قلتلك خلاص مش هقولك تاني لو انتي مش رديتي انا كده هفهم الرد!!!!!!!!!!!!!!!!!
المهم بعدها بكام يوم كلمته و قلتله انا قلت لماما و شوف امتي تحب نتقابل و ماما طبعا معانا قالي طيب انا كمان عاوز اتعرف علي باباكي و بفكر اجيب بابا و ماما عشان يبقي تعارف اسري قلتله اوك انا قلت لبابا حدد المعاد اللي يناسبكم تنورو و تشرفو
بس مش فاهمه تقريبا كان مستنييني انا اتحايل عليه ولا ايه بعدها فضل كل شويه يقولي في ناس قولتلها عاوز اشوفك و طنشتني قلتله و الله انا قلتلك حدد المعاد اللي يناسبك
المهم بقي نيجي للمشكلة الكبيرة معلش انا عارفة برغي كتير بس استحملوني
من 5 ايام و احنا بنتكلم كان هو تعبان و كنت بتصل اتطمن عليه و كل ماجي اقفل بقولي لا و يطول المكالمة بس المشكلة ان الكلام كله اقل اقل من العادي
يعني انا بحاول اسئله و افتح مجال للحوار و النقاش بينا عشان نعرف بعض و هو يا اما يرد عليا لو بسئله علي حاجة تخصه يا ما لو بسئله مثلا علي حاجة فيا يهرب و يقفل الكلام !!!!!!!!
و فجأة و انا بتكلم معاه الاقيه عمال يضحك مع اني ببقي بتكلم جد مش بقول حاجة تضحك يعني و لما سألته بتضحك علي ايه قالي لا لا ولا حاجة و الموضوع ده اتكرر كذا مرة ف نفس المكالمة لحد ماحسيت اني مخنوقة و قلتله مش ينفع اكون بكلمك و تضحك و اسئلك تقولي متفيش كده انا ممكن افهم غلط ؟؟ لاقيته بيقولي انتي مش هتحجري علي ضحكي انا اضحك وقت ماحب و افهمي اللي عاوزة تفهميه!!!!!!!!!!!!!! طبعا انا تنحت و قفلت معاه عادي و لما كلمني بعدها حس اني متغيرة ف قالي واضح انك متأثرة بجد من الهزار
قلتله هزار هو كل ده هزار ؟؟؟ انا مش قادرة افهمك قالي ليه هو انا غامض اوي كده؟؟ قلتله لا بس احيانا بتتعمد تكون كده مش عارفة ليه؟
كل مابحاول اعمق الحوار بينا و افتح مجال للمناقشة انت بتقفله
و انا بكلمك الاقيك فجأة بتضحك و مش عارفة بتضحك علي ايه يعني استهتار بيا ده و لا ايه؟
و كل ماسئلك علي اي حاجة تقلي زي الفل كأني عيله صغيرة بتضحك عليها
و انا بتكلم بحس انك عاوز تعلق و تقول حاجو و اسئلك تقولي لا لا مافيش
المفروض ان احنا بنتكلم عشان نعرف بعض انت عرفت عني ايه؟؟؟
قالي و هعرف منين؟؟ قلتقه ماحالوتش ليه؟؟
لاقيته بقي قال كلام غريب جدا...انا مش مطلوب مني اتعامل بالطريقة اللي انتي تحبيها كل واحد ليه طريقته و هو انا كده و انا كنت بضحك عشان معجب بكلامك اللي بتقوليه و اول مرة اشوف بنت بتتكلم زيك كد قلتله طب ماقلتش كده ليه لما سئلتك؟؟
قال هو مش تحقيق انا مش مطلوب مني اقول كل حاجة انا اقول اللي يعجبني
و بما انك شايفة ان انا بتفه الحوار بينا و اضح ان انا اتعاملت معاكي غلط
عشان اتعاملت معاكي براحتي زياده عن اللزوم بس خلاص انا فهمت انتي عاوزة ايه و نمشيها رسمي بقي بعد كده و انا شايف ان كل اللي انتي عاملاه ده مالوش لازمة وشايف ان في حاجة تانية مضايقاكي...
قلتله هو ده اللي انت فهمته؟؟ انا مش مدايقة من الهزار ماحنا بنهزر علي طول ايه الجديد وانا ماقلتش عاوز نتعامل رسمي دنا نفسي احس انك بتتعامل براحنك و بتقول اللي انت عاوزه بصراحة قالي انا فهمت خلاص قلتله لا مافهمتش بس براحتك عاوز تمشيها رسمي مشيها رسمي.. و قفلنا
و تاني يوم الصبح كلمني زي كل يوم بس رسمي اوي اوي يعني المكالمة اللي كانت بتبقي ساعتين او اكتر و يدور علي اي وقت فاضي عشان يكلمني و ساعات يكلمني و هو شغال
دلوقتي اطول مكالمة دقيقة و نص ....ازيك عاملة ايه و ازي الاسرة و بابا و ماما خلي بالك من نفسك باي
و انا طبعا عملت زيه لانه كان تعبان فكنت بتصل اسئل عليه بنفس الطريقة بس زهقت يعني بيتكلم ليه مالهاش لازمة المكالمة اصلا يعني
اصل احنا مش اتنين بنحب بعض و بيعمل اللي عيله و يتصل يطمن عليا !!!!!!!!!!
لا الاكتر من كده بقي انه كلمني امبارح و قالي بابا فاضي امتي عشان عاوز اجيله قتله جمعة او سبت قالي هحدد و اقلك ..طبعا انا مفروسة يعن ازاي هيجي و احنا بنكلم بعض كده؟؟؟
و كلمني النهارده بيقولي انا كنت هكلمك بعد الصلاه عشان اقلك استئذني بابا لو فاضي اجيله بس الجو كان مطر جدا فقلت صعب ف شوفي لو ممكن بكرة؟
قلتله مش هينفع عشان بابا مسافر بكرة قالي انتي مش قلتي مسافر يوم الحد قلتله معاد السفر اتغير و ده اللي حصل فعلا
فقالي طيب مبقي نحدد معاد تاني باي !!!!!
انا بجد هطق من الطريقة اللي بيكلمني بيها دي و فكرت اكلمه و افتح معاه الموضوع بس ماما بتقولي سيبه لما هو يزهق و يتكلم هو بيشوف نفسك طويل و لا لا
كامن انا مخنوقة عشان 3 مرات قلتله لما تبقي فاضي كلمني عاوزة اتكلم معاك و يرجع بليل يكلمني بنفس الطريق و مايسالش انا كنت عاوزاة ف ايه و يتكلم برده رسمي فقلتله طيب لما تبقي كويس و عندك استعداد تتكلم قولي قالي طيب الكلام ده من يومين
انا تعبانه بجد و زهقت يعني من اولها مشاكل و نكد و لما يقولي كده و احنا لسه بنعرف بعض اومال لو اتجوزني هيعمل ايه؟؟؟؟؟؟
معلش انا عارفة رغيت كتير بس بجد محتاجة رئيكم عشان بجد هطق من الغيظ و هو لا علب باله....ادعولي يا بنات بالله عليكم