قصة لكل المتأخرات عن الحمل.....احنا احسن من غيرنا كتيييييير الحمد لله

السلام عليكم ورحمة الله وبركاته

ازيكم يا احلى عرايس عاملين ايه؟يارب كلكم تكونوا بخير وسعادة

عايزة اقولكم حاجة
فى كتير حملهم اتاخر شوية وكل شهر بتكون منتظرة ان الدورة ماتجيش ولكن تنزل فى ميعادها ومايحصلش حمل وعايزة اقولكم ان احنا الحمد لله احسن من غيرنا كتير

المهم انا من شويةكنت بشوف برنامج على قناة الصحة والجمال الفضائية اسمه مستشارك الطبى المهم فى خلال البرنامج جه اتصال من واحدة زوجة ابنها حملت ولما جه ميعاد الولادة راحت المستشفى ودخلت حجرة الولادة علشان تولد بعد اكتر من ساعتين طلعت الممرضة وقالت ان البيبى الاكسجين عنده ضعيف شوية وطلعوه وكل ده ومامته لسه جوا المهم بعد سبع ساعات البيبى اتوفى والام كان عندها نزيف جامد جداااااااا لم يتوقف فأضطر الدكاترة انهم يشيلوا الرحم

تخيلوا احساس السيدة دى ايه: ان ابنها مات بعد التسع شهور الحمل وكمان للأسف مش هتقدر تخلف تانى

يبقى احنا احسن من غيرنا ولا لأ

طبعا ربنا كريم ورحيم بينا كلنا وأكيد انا واثقة ان ربنا هعوض الست دى عن مافقدته ان شاء الله

وان شاء الله ربنا يرزقنا جميعا الذرية الصالحة باذن الله ....اللهم امين يارب