اجعلي افطارك افطار ملك وغداءك غداء امير وعشاءك عشاء فقير

هلا بنات منتداي الغاليات صار لي مدة ما دخلت المنتدى لظروف خاصة
بس اليوم يايتنكم بموضوع ومن تجربتي الخاصة
كيف ناكل وما يتم في خاطرنا شي بس باعتدال وبعد نضعف
تعالوا بخبركم بتجربتي ويا الريجيمات
صار لي من شهر 6 وانا اسوي ريجيم نيوترشن ونزل وزني الحمد لله 12كيلو :D
ووقفت وزاد وزني ووصلت لل 54.5 ومت قهر صح الزيادة كانت بسيطة بس كرشتي :confused::confused:

وفكرت اسوي ريجيم وانزل بس نفسيتي صارت ما تتقبل الريجيمات ووزني معاندني

ومن قبل شهر تقريبا سويت نظام دشتي بدال ما ينزلني زودني :confused:

والحل فكري يامريوم :(لين ما وصلت لحل ونزلت علية الحمد لله وزني الحال 52:)(f)(y)
بدون حرمان ولا شي تعالو بخبركم:

طبعا مرة من المرات قريت في كتاب كلمة حركتني للأمام وهيه
(افطر فطور ملك وتغدا غدا أمير وتعشى عشى فقير):wink: ومرة شفت لقاء ويا المذيعه اللي تقدم فيفتافيت برنامج برياني قالت(من سر احتفاظها بجسمها انها ابدا ما تاكل بين الوجبات وعشاها خفيف وتلعب رياضه)
طبعا انا شفت اللقاء من سنوات واتبغت ارشاداتها والله العظيم باني كنت بخير وجسمي روعه بس الزمن والإغراءات لعبت دور في زيادة وزني
ويالله توكلنا على الله واتعبت المقولة ونزلت في أقل من اسبوعين 2.5كيلو
(f)عزيزاتي لازم تتقيدون بالكلام اللي بكتبة:
بس بشروط تعالوا استفيدوا وادعولي ولعيالي

لازم تكون هناك فترة 5 ساعات بين كل وجبة وثانية
شرب 2 لتير ماي يوميا مب زياده ولا نقصان دكتوري قال لي الشي اللي يزيد عن حده ينقلب ضده والماي مفيد بس بزياده مضر.
ممنوع العشا بعد الساعه 7.5 مساءا نكتفي بالمشروبات الحارة وعليكم بالزنجبيل والشاي الأخضر والبابونج.
يالله نبتدي بالموضوع:
1-أول شي اشرب دبة ماي صغيرة 500 ملل قبل الأكل بربع ساعه.
2- الريوق لازم يحتوي على كل الفيتاميات الضرورية للجسم باعتدال يعني قطعة توست تكفي ويا الجبن ولا البيض ولا العسل
ولازم تتعلمون كيف تسيطرون على شهيتكم للأكل
3- الغداء: من أكل البيت بس باعتدال:لاتمدين ايدج على صحن غيرج
الأرز 10 ملاعق تكفي وانتي تقللين لين ماتوصلين ل 3 ملاعق وتستمرين عليها وعلى فكرة ترى المضغ البطيء للأكل يلعب دور في الموضوع وبتلاحظين انج تشبعين بسرعه
ممكن تاكلين قطعه شكولاته صغيرة في اليوم الواحد
5- العشا :
بس روب بالخيار :rolleyes: ما قلنا عشا فقير
وصدقوني بينزل وزنكم بدون حرمان والله يوفقكم

للعلم اللي تبغي تنزل وزنها بس تمشي يوميا
واللي تبغي تحافظ على وزنها تلعب رياضه عادي

وسامحوني بس استفدت وحبيت أفيد

والموضوع غير منقول بس اسمح بنقلة للفائده
واتمنى بهذا الموضوع التيسيير من عند الله والتوفيق