هل هذا ضعف فينا ؟؟

بقولج إختي

يقولون الواحد ماينعرف الا مع العشرة
ومهما تعرفين عن الخطيب .. الواقع في الزواج يختلف تماماً عن الخطوبة
لأن تتكشف لج أشياء ماكنتي تعرفينها في فترة الخطوبة

وفي أشياء الوحدة تكتشفها في الخطوبة وتحس إنها راح تقدر تغير وتصلح من الوضع ويازوجها المستقبلي وفي أشياء الوحدة تعجز إنها تبي تصلح وتعدل وماتقدر

والمسألة في نظري مو ضعف .. لكن الأمل موجود في قلب كل مخطوبة انها تصلح حال خطيبها لما يتزوجون .. وفي أشياء البنت قبل ماتقدم على مرحلة عقد القرآن لازم تحط تحتها خطوط حمراء لايجب تعديها ولا التساهل فيهااا

أنا مع الأخت في كل كلمة قالتها

عندنا في مجتمعاتنا البنت من تنخطب تبدأ تحلم الاحلام الورديه

وتتحول لنوعين اما حااااااالمه بزياده وتنعمي عن عيوبه وتأمل نفسها انه مع العشره بيتغير

صح فيه اشياء مع العشره تتغير بس في الحياة اساسيات يعني بنات لاحظوا انه شكاك

وبنات لاحظوا انه بخيييييييل وغيرهم انه مريض نفسي

مايقفون حياتهم على طول مع هالنوعيات لاتجلس تقنع نفسها انها راح تقدر تغيره

ولاهي فاهمه ان اللي يتغير اشياء عاديه وبسيطه ولاهو مثل هالاشياء الكبيره....

النوع الثاني اللي حاطته تحت المجهر...

وكل ماسوا شي المسكين قومت القيامه عليه ولاقعدتها...

مع العلم انه هنا تزعل من اشياء عاديه

على بالها انها بتحطاط وبتصير اذكى من النوع الاول

وتتحول نكديه عالزوج.....

اللي ابي اقوله....

النوع الصحيح من البنات هي اللي بين البينين

ماتسكت عالاشياء الكبيره

وتغير الاشياء العاديه

لازم نقرا ونحضر دورات الحين الحمدلله الدنيا تطورت

صارت فيه دورات تأسيسيه وتأهيليه وتوعويه للبنت قبل الزواج وبعده

من جد كلنا بحاجتها ولازم الاهل بعد يحرصون على حضور بناتهم لها

والله يوفق الجميع

صح كلام الأخت بحرينية وأفتخر

البنت لين انخطبت بتكون مسويه مقابله مع الشخص بس ما يتعرف شنو شخصيته بالضبط الا لين ما تعاشره وفي بعض البنات في الخطوبة تشوف كل شي تماام ولما تتزوج تطلع اشياااء وايد مخفيه .. وطبعا مافي انسان كامل والكامل الله .. فلازم بتعاني البنت من مشاكل عدم التفاهم او شخصيه خطيبها غير ما تتوقع واشياء وااايد ... والله المعين ويااارب يوفق كل المتزووجين ويحل مشااكلهم ...

Chanel 2009;8958045:
السلام عليكم و رحمة الله و بركاته

كيفكم بنات ؟؟ حبيت أدخل بالموضوع دوغري مثل ما يقولون...

ليش البنت تشوف أخلاق خطيبها مو حلوة ما تعجبها و مع ذالك تتزوجه و تجي في يوم من الأيام تنشر مشكلتها و تقول عطون حل لزوجي!!!!
أو تقول زوجي ما يهتم فيني أو ما يسمع كلامي....الخ
مو انتي اللي باللأول قبلتي فيه و رضيتي عليه بكامل خلقه
أو تقنعين نفسك ومن حولك بأنك تحبينه
هل هذا ضعف بالبنت و عدم وضع الأمور بميزانها الصحيح

جاوبوا على سؤالي يا جماعة الخير الله يرزقنا الأزواج اللي يخافون الله فينا

حبيبتي الوحدة اذا انخطبت مو شرط تكون تعرف الشخص (الرجال) عدل مدل وتفصصه لا ,, اهي بتعرف عنه في البداية الصفات الاساسية الي تخليها ترفض او توافق على الخطبة منها الدين ,, الاخلاق ,, الشهادة ,, العمل والراتب وغيره ..

في المقابل الصفات و الطباع الداخلية مثل الشك او الغيرة او البخل او العصبية او غيرها من صفات غير محببة مثلا هذي تبين بعد الخطبة او الزواج ومع العشرة يعني مش من بداية الخطبة بعد لانه الرجل يحاول انه يخفي هالصفات ويزين للمرأة او خطيبته انه زين ويعيشها احلى الايام وبعدين تنصدم فيه بعد الزواج ..

طبعا اهني هي راح مخيرة بين امرين اما الاستمرار ومحاولة تغييره وتغير الصفات الي ماتعجبها فيه او الانفصال وعدم المواصلة ..

اختتي هاي عشررة بالسنواات يعني او بعض الرجال تطلع عيوببهم عقب 7 سنوات وفي اقل وفي اكثثر فتخيلي عقب كل هل عشررة ما تعييش معاه وتبي الطلاااق ما يصيير وهاي سسنة الحيياة او الحياة متحاان من رب العالميين يعني ما يصير تعيشيين طول حياتج كلا مبتسسمة وفرحاانة وكلشي في بالللج يتحقق عيل شلون رب العالميين امتحننش او جاف قوة ايمانش وصبررش ..او مافي احد كاامل ماكا مل الا وجهه رب العالميين وربي يوفققج ويزرققج الذرية الصالحة

انا بضيف على كلام اخواتي شغلات طبعا اكييد مع العشره راح تبين امور ماكانت باينه نفس ما قالت اختي بحرينيه بس انا اتكلم عن البنات اللي يتكتشفون بعض العيوب الواضحه والصريحه في وقت الخطوبه ومع ذلك يستمرون ويتزوجون وبعدها اتيي تشتكي مو قادره تتحمل انا اشوف هذا خلل في مفاهيمنا عن مرحلة الخطوبه مرحله الخطوبه هي مرحلة تعارف ودراسة اطباع يعني في حال اكتشفت الخطيبة عيوب ممكن تصلح او ممكن تتقبلها ماكو مشكله لكن اللي تكتشف عيوب كبيره ومع ذلك تواصل عشان بس لا تنفصل او يتكلمون عنها الناس وبعد الزواج والانجاب ما تقدر تستحمل الوضع وتطلب الطلاق وهنا المصيبه اصبحت مصيبتيين بوجود الأطفال...

يعني اللي مو فاهمينه اغلب البنات انه فترة الخطوبه هي فتره تعارف لو امور مو قادره تتحملينها خلاص وقفي لي هالمرحله وكل واحد يبتدي حياته من جديد احسن من ما يكون ابناء وتطول الفتره لكن ما ادري ليش البنت صعب عليها تتخذ هالقرار في فتره الخطوبه وسهل في فترة الزواج وعقب ما تنجب..

طبعا انا ما اتكلم عن الاختلافات والعيوب العاديه لانه مثل ما احنا عارفيين الكمال لله ومستحييل تلاقي شخص تفصييل بالمواصفات اللي تبيها بس انا قاعده اتكلم عن العيوب اللي لا تستحيل معاها العشرة مثلا شخص مدمن او عصبي بدرجه خطره على نفسه وعلى اللي حوالينه ...وغيرها من امور مهمه

طرح مميز اختي شانييل ويمكن يستفيدون منا البنات بطريقة غير مباشره

الف شكر لج ياقلبي ع الموضوع

حبيبتي شانيل
سؤالك يبين انك غير متزوجه حاليا لأن الموضوع غير كذا نهائي وبكره اذا ارتبطتي بتفهمي ايش معنى كلامي.
مستحيل البنت تقبل تتزوج انسان هي لاحظت عيوبه كلها من البدايه
المسأله تصير بالتدريج يعني في بداية الخطوبه او حتى بعد الزواج بفتره تبقى البنت
عايشه في سعاده واحلام ورديه وما تحس او تلاحظ عيوب زوجها الا اذا اجتمع عليها
اكثر من ضغط وكانت عايشه معه في نفس البيت.
كل شئ في بدايته حلو وجميل ولكن بعد الزواج والعشره ولما تعيشين كل لحظه مع انسان
غريب عنك ومن بيئه ثانيه بتحسي بالاختلاف وعدم القبول من الاشياء الي ما تعجبك فيه
وشوي شوي تبدأ البنت تحس وتشتكي لان تشوف نفسها عاجزه عن تغيير بعض الطباع السلبيه
والي تضايقها والي ما شافتها الا بعد فتره وبعد ما عاشت مع هالانسان مواقف كثيره.
خلتها تكتشف هالعيوب وتتاكد من وجودها في زوجها مثل الاهمال او السهر او عدم الرومانسيه
وفي بعض الاحيان يكون الزوج رائع بكل شئ ولكن فجأه يتغير لاسباب كثيره .
والحياه الزوجيه بحرها غويط ومستحيل ان تكون متشابهه كل حياه ولها ظروفها وسلبياتها وايجابيتها
ومرات نقرا المشكله ونجد ان حلها سهل جدا ولكنها تستعصي على صاحب المشكله ويكون عاجز عن حلها لأن عايش في وسطها واعصابه تكون تعبانه منها وعقله يوقف عن الشغل والتفكير لأن حزنه على المشكله يأخذ كل عقله وبالذات النساء.
تحياتي

أنا أقولك ليش

لأنو المثل يقول ظل راجل و لا ظل حيطه

انا ابا اثير نقطة ثانية لو سمحتيلي...


الصلاة .. و الصلة برب العالمين


انا استغرب من الحريم اللي يقولون ريلي ما يصلي ويعاشر حريم و بلاوي زرقا .. انتي يوم انخطبتي كيف ما دققتي على هالموضوع؟ لا تقولين سألت امه وقالت الولد مصلي..

انا يوم انخطبت اهلي سئلوا عن زوجي عند مطوع مسيدهم تخيلي.. و فالدوام عند زملاءه اذا كان يترك شغله ويسير يصلي ولا لا..

و انا ما اقول انه ريلي بيرفكت لا بالعكس فيه عيوب وايد مثله مثل اي انسان فالدنيا .. بس كله يهون اذا كان الانسان يصلي ويخاف الله ..

لأنه اللي يصلي ما يخون امانة زوجته وبيته و ماله وشغله .. و أمانة ربه اهم شي!

و اللي يخاف الله عمره ما بييج لو عقب 50 سنة و بتلاقينه لايث على حريم وصخات لا سمح الله ..


بالعكس عيوبه كلها تهون والله .. و تتحملينها بطيب خاطر لأنه الايمان و النظافه تكون اساس بيتكم .. و من بعدها لو تعيشون في كوخ ان شالله على خبزه و زيتونه مثل ما يقولون مب مهم .. :)

اللي من ايام الخطوبة قبلت على نفسها ترتبط بانسان ما يخاف ربه و ما يحافظ على صلاته .. لا تيي عقب تشتكي تقول ريلي فيه و فيه ..


مشكورة اختي على هالموضوع .. وايد كان شاغل بالي وكنت احس انه هو اكبر رابط بين المواضيع اللي يشتكون فيهم العضوات من ازواجهم ..