ياصبر ايوب على بلواه

الله يهديكم على بعضكم ان شاء الله
استغفري اختي ولا تشغلي بالك بكلامها دام كلامها مو صح

ليش يا قلبو لتزعلي حالك خليها منها للي خالقها

عيشوش;8955108:
الله يهديكم على بعضكم ان شاء الله
استغفري اختي ولا تشغلي بالك بكلامها دام كلامها مو صح

شاقولج حبيبتي كل يوم طالعه لها بطلعه والحين قاعده اتبوق حقنا جدام عينا ومحد راضي يتكلم لان ابوي على الدنيا قاصه عليهم واهم معاها اجوف حقي ينباق وساكته انا للحين بنت وماعندي ظهر باجر
كل اخو لاهي بحياته واهلي من صوب ابوي ومن صوب امي مافيهم خير يعني امي وابوي مايفكرون فيني حق باجر :confused:

israe;8955168:
ليش يا قلبو لتزعلي حالك خليها منها للي خالقها

حبيبتي انا ماتمنى اليوم اللي ايي فيه واسوي الغلط من الحاجه يعني مثل مايعطونها يعطوني ويعطون اخواني كل منه له حق لصبيان شايلين عمرهم لكن انا البنت شاسوي :confused:

والحين اهي كل يوم ادور لها سالفه شينه علي واطلعها انا لو ينقطع عني النت بمووووت ولا احد في البيت يكلمني اقضي وقتي في النت واجوف ربعي وحتى الشات ادخله واشوف العالم تسولف لان مافي انسان يقدر يعيش بروحه :(

عزيزتي اتكلمي مع الوالدة والوالد وخلي مشكلتك تنحل ان شاء الله
وقوليلهم انا كمان لي حق عليكم زي اخواتي
ولا تعملي شي يمكن تندمي عليه في الاخر
توكلي على الله
وكل مشكلة الها حلال

بسم الله الرحمن الرحييم
هلا حبيبتي انا متابعه قصصج ومشاكلج مع اختج من فتره بس حبيييت انصحج بنصيحه وعن تجربه اقري سورة البقره والرقيه الشرعيه كل ليلة وشغليهم في البيت بعد إذا قدرتي ولا تنسيين الاستغفار والصدقه باللي تقدريين عليه وخلي كل هلاعمال بنية تحسيين احوالج مع الدعاء وقيام الليل بتقوليين شدخل هذا في هذا والله له علاقه وعن تجربه حياتج بتتحسن بكل اللي حوالينج وتخف المشاكل في بيتكم بشكل انتي نفسج بتستغربيين منه وادعي حق نفسج وحق اختج وكل اللي بالبيت بالهدايه وانه تكونين عائلة مترابطه بدون مشاكل والله ان حالكم راح يتغير...

وبالنسبة لهذي الاتهامات انتي لا تبينين لهم انج منفعله او انج زعلانه طنشي ولا ترديين حتى لو انقهرتي جذي جذي القهر واحد سواء تكلمتي او لا لانه كل ما انفعلتي كل ما شافوها اهي االلي على حق وانتي قلتي انها تمت تردد هالكلام وامج مطنشه لانها مو مصدقه هالشي بعد مهما كان انتي ضناها مستحييل تصدق فييج هالشي بس ماحبت ترد عشان ما يكبر الموضوع...

شي اخير انتي قلتي انه اختج عندها عيال انتي لو كنتي تشتغليين مثلا في المناسبات وبين فتره وفتره اشتري لها هديه ولعيالها حلويات وهدايا حتى لو شي بسييط اهي بتحس انج قاعده ترديين الاساءه بالحسنه وتدريجيا راح تخفف من حدة تصرفاتها وياج ولا تنسيين انه الرسول نصحنا بانه نتهادى وقال افضل الصلاة والسلام عليه(تهادوا تحابوا) حاولي مثلا تشاركيينها بحوراتج مثلا قريتي شي في النت لفت انتباهج شفتيها قاعده روحي قعدي يمها وحاولي تفتحيين موضوع تناقشو على هالشي...

مثلا حبيبتي تطلعيين السوق قولي لها لو فاضيه حابه اتيين معاي ونختار مع بعض مثلا حابه اشتري الشي الفلاني يعني خلي بينج وبينها علاقه لا تقوليين حاولت ومافاد حاولي وكوني على ثقه وحسن ظن بالله انه راح يحسن العلاقه بينكم وصدقيني وقتها بتتحسن وبشكل ما كنتي تتصورينه حتى في احلامج...

آخر شي بالاضافه لكل هلاشياء وانتي تقريين القرآن وتستغفريين خلي نيتج الهدايه لج ولاختج وللجميع وتحسين العلاقات بينج وبين اهلج وانه الله يرزقج بالزوج الصالح الحنون الطيب واللي يكون من نصيبج ويكون سند وظهر لج لآخر العمر وصدقيني الامور الماديه صح مهمه وصح الواحد ينقهر لو شاف حقه يضيع جدامه بس مو كثر ما ينقهر لو خسر سنده وظهره في هالدنيا( اهله) الفلوس انتي تقدريين اتيبينها بمجهودج وتعبج وإن شاء الله باجر لي تزوجتي زوجج ماراح يقصر عنج لكن الاهل شي مهم مافي شي في الدنيا يعوضهم بتقوليين هذولي مو اهل انا اكرهم او انا مو مرتاحه وياهم وايد ناس مروو بتجارب جذي وحسو بنفس احساسج في لحظات معينه بس لما خسرو نعمة الاهل او جربو ظروف اقسى قالو ياريت يرجعون لي اهلي لو يذبحوني لو يسون فيني اللي يسون بس يكون عندي عزوة وسند واهل يعني باختصار السند والظهر مو الفلوس والامور الماديه ولكن الاشخاص المهميين في حياتنا واللي تربطنا فيهم علاقه واللي بإذن الله راح تتحسن علاقتج مع الكل واولهم اختج...

ربي يريح قلبج حبيبتي واتيين تطمنينا على احوالج وانتي يمكن تدشيين هالقسم شوفي شكثر بنات يكتبون عن مشاكل يشيب لها شعر الراس وبعد فتره من تقربهم لله ودعائهم اييون ويبشرونا انه ضيقتكم انفكت وانه تغيرت احوالهم للأفضل وانتي إن شاء الله بتكونين وحده تنضاف لهذول الاشخاص

ماشاء الله عليها إختي كمام الأمل كفت ووفت
الله يحل مشاكلج إختي يارب

كمام الامل تسلمين حبيبتي على الرد والنصائح انا والله ثم والله قاعده اسوي كل اللي قلتيه وصابره وانتظر الله يعوضني خير بس الواحد بينفجر من اللي يشوفه وكاتمه قهر في قلبي حتى الكل يقولي يرفهي عن نفسج لان بتموتين من كثر الكتمه الله كريم اختي

قمر يناير الله يسمع منج فديتج وكلشي ينحل واتمنى احصل الانسان اللي يفكني من هالبيت لان اعرف مامنهم فايده

احنا اخواتك قلبو لا تزعلي ترا هدا هدفها انها تزعلك وادا بغيتي نكون رفيجات انا وياك راسليني على الخاص

اختي عليك بكلام اختنا كمام الامل ما شاء الله عليها ما قصرت

ويارب تتسهل امورك مع اختك

حبيبتي انتي تقوليين تسويين النصائح اللي قلت لج علييهم وفي نفس الوقت رادة على الاخت قمر يناير انه مامنهم فايده إذا وين حسن ظنج بالله وين ثقتج انه نتيجة دعائج واستغفارج راح يكون صلاحهم وهدايتهم؟!! هذي الحلقه المفقوده عندج حبيبتي ومتى ماصار في داخلج هالقناعه انه نهاية كل اللي تسوينه بنية صلاحهم راح يكون صلاحهم صدقيني احوالج بتتغير لكن متى ما ظل هالتشاؤم مافي شي بيتغير لانه الله عند حسن ظن العبد به فلا تقوليييييييييين مامنهم فايده ابدا قولي إن شاء الله راح ينصلح حالي معاهم بإذن الله عاجل ليس آجل واتمنى لج من كل قلبيييييييييييي كل خيررررررر وإن شاء الله الله يرزقج بالزوج الصالح ويصلح اهلج لانه الزوج ما يغني عن الاهل

تسلمووون كلكم على الرد والدعاء
ادري ان مافي يدكم شي اتسونه غير الدعاء بس شاسوي احنا على هالحال مو من سنه وسنتين سنييين والله كل ماحاولت اصلح حالهم اختي اتخرب ترى مو بس اتوزهم علي حتى على اهلي مثل خالاتي وعماتي لدرجه ان اهلي صارو يكرهون امي وابوي من تصرفاتهم معاهم حتى زياره الحين محد يزورنا بالمره ومايدرون ان السبب اختي لان اختي ماتتكلم الا من وراهم ومن جدامهم والله اتكون ملاك وتكسر الخاطر
هشي يمكن اتشوفونه غريب والكل يقول فيها مرض نفسي لكن احنا مانقدر انتقول لها روحي حق طبيب نفسي عالجي نفسج انا لصغيره شنو في يدي اسويه اذا محد يساعدني والله الحل الوحيد اني اتزوج لكنهم مو مخليني شاسوي بعمري

israe;8955667:
احنا اخواتك قلبو لا تزعلي ترا هدا هدفها انها تزعلك وادا بغيتي نكون رفيجات انا وياك راسليني على الخاص

يشرفني تكونين صديقه من صديقاتي يالغلا:)

اصعب شي بالدنيا والي الانسان ما يكدر يتحمله ان يتعرض للظلم من اقرب انسان اله وعايش معاه بالبيت ربي يكوون بعونج ويصبرج على ما بالج بس شووفي حبيتي حاولي تكسبينها من صفج يعني كل ما تقول شي ابتسمي وقوليلها الله يسامحج وامزحي معاه والله راح تتغير وتحس بغلطها ....
وبالنهائيه انتوو خوات ومالكم غنى عن بعض ....
تقبلي مروري عزيزتي ......

الله يعينك

اختتج صرااة وايد ضالمتتتنج اختي وقفي لها ولكمييها قولي لها والله انا مو كذا وكلمن يرى الناس بعين طبعه

فراشة المنتدى321;8955650:
كمام الامل تسلمين حبيبتي على الرد والنصائح انا والله ثم والله قاعده اسوي كل اللي قلتيه وصابره وانتظر الله يعوضني خير بس الواحد بينفجر من اللي يشوفه وكاتمه قهر في قلبي حتى الكل يقولي يرفهي عن نفسج لان بتموتين من كثر الكتمه الله كريم اختي

قمر يناير الله يسمع منج فديتج وكلشي ينحل واتمنى احصل الانسان اللي يفكني من هالبيت لان اعرف مامنهم فايده

اختي عساج عل القوة والله الله بالطاعات في الحديث الصحيح : ( من لزم الاستغفار جعل الله له من كل هم فرجا، ومن كل ضيق مخرجا، ورزقه من حيث لا يحتسب ).
والله انا حاسه فيج بس لا تخلين هالموضوع يأثر عليج اليوم احسن من امس وبكره ان شاء الله احسن من اليوم صدقيني كل بنت تمر بفترة من الفترات مع اختها بللي حاصلج اللحين لكن بالصبر والصلاة والعبادات الأحوال كلها تتعدل بأذن الله وراح تشوفين نتيجة اعمالك الطيبة وصبرك جدام عينك ...

وظُلم ذوي القربى أشدُ مضاضةً عليّ من وقعِ الحُسامِ المُهندِ

والله يا اختي فراشة المنتدى حاسة فيج اكثر من ما تتصورين لأني بعد عشت هالتجربة بس كانت بالعكس ومره صار موقف قدام عيني أثر فيني وايد فشنو سويت يا ترى؟؟؟؟؟؟؟؟؟

سويت مثلج بالضبط حبست روحي بالغرفة لمدة شهر اطلع اروح المدرسة ارد من المدرسة حتى ما آكل من البيت بس شنو استفدت؟؟؟؟؟؟؟؟؟؟ ولا شي ياني الضغط وأنه عمري 16 سنة كنت

فلا توقعين في خطئي الحين اعاني من المرض ومحد يقدر يفكني منه غير الي خلقني فلا تكررين تجربتي المره روحي وقعدي مع امج وابوج بروحكم وبيني لهم ضعف حالج وانكسارج وما فيها شي لو بجيتي قدامهم حق يحسون بمعاناتج وحاولي ان ما تحطين اللوم على شخص معين المهم انج توصلين لهم شقد انتي مظلومة بدون ما تجرحينهم لأن بالأول والآخر هم امج وابوج جنتج ونارج

واعرفي ان مثل ما يه اليوم الي تزوجت فيه وارتحت فيه من كل هالأمور والله عوضني بالزوج الطيب وانشالله بعوضني بالخلف الصالح راح ايي اليوم الي الله راح يعوضج فيه مادامج ترضينه وترضين والدينج

تسلمووون ياقلبي على دعواتكم

والله يعينني على مابلاني

الله يرييح بالكم مثل ماكلامكم رييح بالي

دعواتكم لي وان شاءالله ابشركم بكل خير عني

دعولي بالرزق الحلال من وظيفه وزوج صالح
مو لازم تكتبون ادعولي بظهر الغيب :(

دعواتكم الله يهدي اهلي لي