اتمنى مساعدتي وجزاكم الله كل خير ،،

لسلام عليكم أخواتي

الحمدلله على كل حال

أنا كنت حامل للمرة الاولى وصرت بالاسبوع الثامن أوله

بس قال الدكتورة انو الجنين نبضه مو سليم أو واقف تقريباً وحجمه صغير كتير يعني له تقريباً اسبوعين متوقف عن النمو

وقال انه بينزل لوحده

بصراحة انا انقهر قلبي لأني كنت كتير مبسوطة بس الحمدلله الله يعوضني خير > آآمين

المهم أخواتي سؤالي أني بتوجع كتير ومبارح والله ما كنت اقدر نام من الأم الفظيع يلي صابني

وأعزكم الله صار معي نزيف قوي كتير

وحسيت لدرجة انو دمي بيخلص

بقى لو في حدا بيعرف شو ممكن أخذ لحتى يخف الألم

والدم تقريباً كم بيبقى بينزل ؟؟؟

وسؤال تاني انا متل ما ذكرت هاد أول حمل الي وعمري 18 سنة بقى ما بعرف شي

وهاد غير اني بعيدة عن أهلي ،،

لهيك الله يخليكم ساعدوني بعد ما يتوقف الدم ان شاء الله متى ترجع تنزل الدورة الشهرية ؟؟

وبعد اخر سؤال سامحوني بتقل عليكم ،، هل الدم يلي بينزل هلأ طاهر ولا لا

يعني يجوز إني صلي ولا لأ ؟؟

وألف شكر لكل وحده بتدخل وبترد عليي

ودي ،،