ياريت تساعدونى !!!!!!!!!!!!!!!!!!!

انا محتاره جدا ومش عارفه انا صح ولا غلط بس حبيت اعرف اراكم وياريت بجد تساعدونى
انا المفروض انى مخطوبه وبجهز شقتى وطبعا لازم تتجهز بذوقى انا المهم المفروض ان احنا بنعمل السباكه فى الشقه وانا متعوده ان انا انزل اشترى حاجاتى بنفسى حتى ادق الحاجات لقيت خطيبى بيتصل بيا وانا نايمه الصبح انا وماما ولقيتوه بيسالنا انتم عايزين البانيو يكون لونه ايه مع العلم ان هو كان عندى اليوم الى قبلها فى البيت وقال ان هو مش هيشترى الحاجه دلوقتى ولقيته بيكلمنى وبيسالنى لما قولتله طيب اشترى بقيت الحاجات وانا هبقى انزل معاك انا وامى مع العلم ان ماما هتنزل معايا لان احنا مخطوبين مش علشان هى الى هتختار لقيته بيقول لماما فى التليفون ان هو معاه مامته وانتم اختاروا الون وكلمونى علشان اشتريه علما بان كلكم عارفين ان البانيوهات ليها اشكال وموديلات كتير جدا وان مامته معاه وهتختاروه
طبعا انا الحركه دى ضيقيتنى جدا لان انا الى هعيش فى الشقه مش مامته وانا قلتله ان ده حق من حقوقى والمفروض ما تتعدهوش
المهم لما قال ان هو معاه مامته ان اضيقت جدا وبابا قالى احسن حاجه كلميه وخليه يستناكى انتى ومامتك فى الشارع وانزلى اختارى حاجتك واحسن حاجه انك تسيبيهم ساعه ونصف فى الشارع لحد ما توصلى وهيكون ده احسن رد عليهم علشان يعرفوا ان الحاجات بتاعتك انتى بس وفعلا روحتلهم واخترت الى انا عايزاه واعلى شويه كمان كنوع من العند واى بيضايقنى تدخلات مامته الكتير فى الحاجات وهو موافقها على طول اه الى انا عايزاه هو الى بيجى بس هى بتتكلم كتير فى الامور دى
معلش طولت عليكم بس بجد ياريت تردوا عليا بسرعه لان انا محتاره جدا من الى بيحصل وخايفه جدا يكون من النوع بتاع ماما
مع العلم ان بابا بيقولى عادى ان مامته تتكلم كده بس فهميه مايجبش حاجه الا لما يقولك
ولكم جزيل الشكر